ਪਠਾਨਕੋਟ-ਅੰਮ੍ਰਿਤਸਰ ਯਾਤਰੀ ਰੇਲਗੱਡੀ ਹੋਈ ਲੇਟ, ਲੋਕਾਂ ਨੂੰ ਕਰਨਾ ਪਿਆ ਭਾਰੀ ਪ੍ਰੇਸ਼ਾਨੀ ਦਾ ਸਾਹਮਣਾ

Friday, Nov 20, 2026 - 05:11 PM (IST)

ਪਠਾਨਕੋਟ-ਅੰਮ੍ਰਿਤਸਰ ਯਾਤਰੀ ਰੇਲਗੱਡੀ ਹੋਈ ਲੇਟ, ਲੋਕਾਂ ਨੂੰ ਕਰਨਾ ਪਿਆ ਭਾਰੀ ਪ੍ਰੇਸ਼ਾਨੀ ਦਾ ਸਾਹਮਣਾ

ਪਠਾਨਕੋਟ (ਹਰਜਿੰਦਰ ਸਿੰਘ ਗੋਰਾਇਆ) : ਪਠਾਨਕੋਟ ਤੋਂ ਅੰਮ੍ਰਿਤਸਰ ਜਾਣ ਵਾਲੀ ਯਾਤਰੀ ਰੇਲਗੱਡੀ ਦੇ ਯਾਤਰੀਆਂ ਨੂੰ ਸ਼ੁੱਕਰਵਾਰ ਸਵੇਰੇ ਤਕਨੀਕੀ ਖਰਾਬੀ ਕਾਰਨ ਭਾਰੀ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪਿਆ। ਰੇਲਗੱਡੀ ਵਿੱਚ ਸਿਰਫ਼ ਇੱਕ ਬ੍ਰੇਕ ਹੋਣ ਕਾਰਨ ਸ਼ੰਟਿੰਗ ਦੀ ਪ੍ਰਕਿਰਿਆ ਵਿੱਚ ਰੁਕਾਵਟ ਆ ਗਈ, ਜਿਸ ਕਾਰਨ ਰੇਲਗੱਡੀ ਆਪਣੇ ਨਿਰਧਾਰਤ ਸਮੇਂ ਤੋਂ ਕਰੀਬ 1 ਘੰਟਾ 20 ਮਿੰਟ ਦੀ ਦੇਰੀ ਨਾਲ ਪਠਾਨਕੋਟ ਸਿਟੀ ਰੇਲਵੇ ਸਟੇਸ਼ਨ ਤੋਂ ਰਵਾਨਾ ਹੋਈ। ਇਸ ਕਾਰਨ ਜਿੱਥੇ ਯਾਤਰੀਆਂ ਨੂੰ ਸਟੇਸ਼ਨ ’ਤੇ ਲੰਬਾ ਇੰਤਜ਼ਾਰ ਕਰਨਾ ਪਿਆ, ਉੱਥੇ ਹੀ ਕਈ ਲੋਕਾਂ ਦੇ ਜ਼ਰੂਰੀ ਕੰਮ ਵੀ ਪ੍ਰਭਾਵਿਤ ਹੋਣ ਦਾ ਖਦਸ਼ਾ ਬਣ ਗਿਆ।

ਇਹ ਵੀ ਪੜ੍ਹੋ-ਪੰਜਾਬ: ਸਕੂਲ ਵੈਨ ਨਾਲ ਵਾਪਰਿਆ ਵੱਡਾ ਹਾਦਸਾ, ਪੈ ਗਿਆ ਚੀਕ-ਚਿਹਾੜਾ

ਜਾਣਕਾਰੀ ਅਨੁਸਾਰ ਰੇਲਗੱਡੀ ਨੰਬਰ 14653/14654 ਦਾ ਪਠਾਨਕੋਟ ਤੋਂ ਅੰਮ੍ਰਿਤਸਰ ਜਾਣ ਦਾ ਨਿਰਧਾਰਤ ਸਮਾਂ ਸਵੇਰੇ 7:55 ਵਜੇ ਹੈ। ਸ਼ੁੱਕਰਵਾਰ ਨੂੰ ਇਹ ਰੇਲਗੱਡੀ ਸਵੇਰੇ 7:28 ਵਜੇ ਪਠਾਨਕੋਟ ਸਿਟੀ ਰੇਲਵੇ ਸਟੇਸ਼ਨ ਪਹੁੰਚੀ ਸੀ, ਪਰ ਤਕਨੀਕੀ ਖਰਾਬੀ ਕਾਰਨ ਇਸ ਨੂੰ ਅੱਗੇ ਰਵਾਨਾ ਕਰਨ ਵਿੱਚ ਮੁਸ਼ਕਲ ਆ ਗਈ। ਰੇਲਗੱਡੀ ਨੂੰ ਬਾਹਰੀ ਬਡੋਲੀ ਰੇਲਵੇ ਸਟੇਸ਼ਨ ਤੋਂ ਵਾਪਸ ਪਠਾਨਕੋਟ ਸਿਟੀ ਸਟੇਸ਼ਨ ਲਿਆਉਣਾ ਪਿਆ। ਇਸ ਤੋਂ ਬਾਅਦ ਰੇਲਵੇ ਸਟਾਫ਼ ਵੱਲੋਂ ਇੰਜਣ ਬਦਲਣ ਦੀ ਪ੍ਰਕਿਰਿਆ ਪੂਰੀ ਕੀਤੀ ਗਈ ਅਤੇ ਰੇਲਗੱਡੀ ਸਵੇਰੇ 8:40 ਵਜੇ ਅੰਮ੍ਰਿਤਸਰ ਲਈ ਰਵਾਨਾ ਹੋਈ। ਇਸ ਦੌਰਾਨ ਬਡੋਲੀ ਵਿਖੇ ਲੈਵਲ ਕਰਾਸਿੰਗ ਕਾਰਨ ਰੇਲਗੱਡੀ ਨੂੰ ਕਰੀਬ 10 ਮਿੰਟ ਹੋਰ ਰੁਕਣਾ ਪਿਆ।

ਇਹ ਵੀ ਪੜ੍ਹੋ-ਪੰਜਾਬ ਦੇ 333 ਅਧਿਕਾਰੀਆਂ 'ਤੇ ਡਿੱਗੀ ਗਾਜ, ਜਾਣੋ ਕੀ ਹੈ ਮਾਮਲਾ

ਇੰਟਰਵਿਊ ਅਤੇ ਨੌਕਰੀ ’ਤੇ ਜਾਣ ਵਾਲੇ ਯਾਤਰੀ ਹੋਏ ਪ੍ਰੇਸ਼ਾਨ
ਰੇਲਗੱਡੀ ਵਿੱਚ ਸਫ਼ਰ ਕਰ ਰਹੇ ਦੀਪਕ ਨੇ ਦੱਸਿਆ ਕਿ ਉਸ ਨੇ ਦੁਪਹਿਰ 12:30 ਵਜੇ ਅੰਮ੍ਰਿਤਸਰ ਵਿਖੇ ਇੱਕ ਇੰਟਰਵਿਊ ਲਈ ਪਹੁੰਚਣਾ ਸੀ, ਪਰ ਰੇਲਗੱਡੀ ਦੀ ਦੇਰੀ ਕਾਰਨ ਉਸ ਨੂੰ ਇੰਟਰਵਿਊ ਖੁੰਝਣ ਦਾ ਡਰ ਸਤਾਉਣ ਲੱਗਾ। ਇਸੇ ਤਰ੍ਹਾਂ ਇੱਕ ਨਿੱਜੀ ਕੰਪਨੀ ਵਿੱਚ ਕੰਮ ਕਰਨ ਵਾਲੇ ਸੁਭਾਸ਼ ਸਿੰਘ ਨੇ ਦੱਸਿਆ ਕਿ ਉਸ ਦੀ ਦੁਪਹਿਰ 12 ਵਜੇ ਡਿਊਟੀ ਸੀ, ਪਰ ਰੇਲਗੱਡੀ ਦੇ ਲੇਟ ਹੋਣ ਕਾਰਨ ਉਸ ਦਾ ਪੂਰਾ ਸਮਾਂ-ਸਾਰਣੀ ਪ੍ਰਭਾਵਿਤ ਹੋ ਗਈ।

ਯਾਤਰੀ ਰਾਹੁਲ ਨੇ ਦੱਸਿਆ ਕਿ ਉਹ ਕਿਸੇ ਜ਼ਰੂਰੀ ਕੰਮ ਲਈ ਅੰਮ੍ਰਿਤਸਰ ਜਾਣ ਵਾਸਤੇ ਸਵੇਰੇ 7 ਵਜੇ ਤੋਂ ਹੀ ਸਟੇਸ਼ਨ ’ਤੇ ਉਡੀਕ ਕਰ ਰਿਹਾ ਸੀ। ਰੇਲਗੱਡੀ ਸਵੇਰੇ ਕਰੀਬ 7:30 ਵਜੇ ਸਟੇਸ਼ਨ ’ਤੇ ਪਹੁੰਚ ਗਈ ਸੀ, ਪਰ ਇਸ ਦੇ ਬਾਵਜੂਦ ਉਸ ਨੂੰ 8:40 ਵਜੇ ਤੱਕ ਇੰਤਜ਼ਾਰ ਕਰਨਾ ਪਿਆ। ਉਸ ਨੇ ਕਿਹਾ ਕਿ ਇਸ ਦੇਰੀ ਕਾਰਨ ਉਸ ਦਾ ਜ਼ਰੂਰੀ ਕੰਮ ਪ੍ਰਭਾਵਿਤ ਹੋਵੇਗਾ।

ਇਹ ਵੀ ਪੜ੍ਹੋ-ਪਠਾਨਕੋਟ: ਜਵਾਹਰ ਨਵੋਦਿਆ ਵਿਦਿਆਲਿਆ 'ਚ ਵਿਦਿਆਰਥੀ ਨੇ ਕੀਤੀ ਖੁਦਕੁਸ਼ੀ, ਹੋਸਟਲ 'ਚੋਂ ਮਿਲੀ ਲਾਸ਼

ਇੰਜਣ ਬਦਲਣਾ ਸੀ ਤਾਂ ਪਹਿਲਾਂ ਹੀ ਕੀਤਾ ਜਾਣਾ ਚਾਹੀਦਾ ਸੀ
ਯਾਤਰੀ ਮੋਹਨ ਲਾਲ ਨੇ ਰੇਲਵੇ ਪ੍ਰਬੰਧਾਂ ’ਤੇ ਸਵਾਲ ਉਠਾਉਂਦਿਆਂ ਕਿਹਾ ਕਿ ਜੇਕਰ ਰੇਲਗੱਡੀ ਦਾ ਇੰਜਣ ਬਦਲਣਾ ਹੀ ਸੀ ਤਾਂ ਇਹ ਕੰਮ ਪਠਾਨਕੋਟ ਸਿਟੀ ਰੇਲਵੇ ਸਟੇਸ਼ਨ ’ਤੇ ਹੀ ਕੀਤਾ ਜਾਣਾ ਚਾਹੀਦਾ ਸੀ। ਯਾਤਰੀਆਂ ਨੂੰ ਪਹਿਲਾਂ ਬਡੋਲੀ ਸਟੇਸ਼ਨ ਲਿਜਾਣ ਅਤੇ ਫਿਰ ਵਾਪਸ ਲਿਆਉਣ ਕਾਰਨ ਬੇਵਜ੍ਹਾ ਸਮਾਂ ਬਰਬਾਦ ਹੋਇਆ। ਉਨ੍ਹਾਂ ਮੰਗ ਕੀਤੀ ਕਿ ਇਸ ਲਾਪਰਵਾਹੀ ਲਈ ਜ਼ਿੰਮੇਵਾਰ ਅਧਿਕਾਰੀਆਂ ਖ਼ਿਲਾਫ਼ ਕਾਰਵਾਈ ਕੀਤੀ ਜਾਵੇ ਤਾਂ ਜੋ ਭਵਿੱਖ ਵਿੱਚ ਯਾਤਰੀਆਂ ਨੂੰ ਅਜਿਹੀ ਪ੍ਰੇਸ਼ਾਨੀ ਨਾ ਝੱਲਣੀ ਪਵੇ।

ਸਿਰਫ਼ ਇੱਕ ਬ੍ਰੇਕ ਹੋਣ ਕਾਰਨ ਆਈ ਸਮੱਸਿਆ : ਡਿਪਟੀ ਸਟੇਸ਼ਨ ਸੁਪਰਡੈਂਟ
ਇਸ ਸਬੰਧੀ ਮੌਕੇ ’ਤੇ ਮੌਜੂਦ ਡਿਪਟੀ ਸਟੇਸ਼ਨ ਸੁਪਰਡੈਂਟ ਨੇ ਦੱਸਿਆ ਕਿ ਰੇਲਗੱਡੀ ਵਿੱਚ ਸਿਰਫ਼ ਇੱਕ ਬ੍ਰੇਕ ਹੋਣ ਕਾਰਨ ਤਕਨੀਕੀ ਸਮੱਸਿਆ ਪੈਦਾ ਹੋਈ ਸੀ। ਇਸ ਕਾਰਨ ਸ਼ੰਟਿੰਗ ਦੀ ਪ੍ਰਕਿਰਿਆ ਵਿੱਚ ਵਧੇਰੇ ਸਮਾਂ ਲੱਗਿਆ ਅਤੇ ਰੇਲਗੱਡੀ ਦੀ ਰਵਾਨਗੀ ਵਿੱਚ ਦੇਰੀ ਹੋ ਗਈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8


author

Shivani Bassan

Content Editor

Related News