ਮੁਟਿਆਰਾਂ ਨੂੰ ਪਰਫੈਕਟ ਲੁੱਕ ਦੇ ਰਹੇ ਯੈਲੋ ਸੂਟ

ਵੈੱਬ ਡੈਸਕ- ਭਾਰਤੀ ਸੱਭਿਆਚਾਰ ’ਚ ਪੀਲੇ ਰੰਗ ਦਾ ਵਿਸ਼ੇਸ਼ ਸਥਾਨ ਹੈ। ਸ਼ੁੱਭ, ਊਰਜਾ ਅਤੇ ਨਵੀਂ ਸ਼ੁਰੂਆਤ ਦਾ ਪ੍ਰਤੀਕ ਮੰਨਿਆ ਜਾਣ ਵਾਲਾ ਇਹ ਰੰਗ ਪਾਠ-ਪੂਜਾ ਤੋਂ ਲੈ ਕੇ ਵਿਆਹਾਂ ਤੱਕ ਹਰ ਖਾਸ ਮੌਕੇ ’ਤੇ ਛਾਇਆ ਰਹਿੰਦਾ ਹੈ। ਖਾਸ ਕਰ ਕੇ ਔਰਤਾਂ ਦੇ ਪਹਿਰਾਵੇ ’ਚ ਯੈਲੋ ਸੂਟ ਸਦਾਬਹਾਰ ਪਸੰਦ ਬਣਿਆ ਹੋਇਆ ਹੈ। ਭੀੜ ’ਚ ਵੱਖਰਾ ਦਿਸਣ ਵਾਲਾ ਇਹ ਰੰਗ ਗਰਮੀਆਂ ਤੋਂ ਲੈ ਕੇ ਫੈਸਟਿਵ ਸੀਜ਼ਨ ਤੱਕ ਹਰ ਮੌਸਮ ’ਚ ਟ੍ਰੈਂਡ ’ਚ ਰਹਿੰਦਾ ਹੈ। ਪੀਲਾ ਰੰਗ ਅਜਿਹਾ ਹੈ, ਜਿਸ ਨੂੰ ਔਰਤਾਂ ਕਿਸੇ ਵੀ ਮੌਕੇ ’ਤੇ ਬਿਨਾਂ ਝਿਜਕ ਪਹਿਨ ਸਕਦੀਆਂ ਹਨ। ਹਲਦੀ ਅਤੇ ਬਸੰਤ ਪੰਚਮੀ ਵਰਗੇ ਸ਼ੁੱਭ ਕਾਰਜਾਂ ਤੋਂ ਲੈ ਕੇ ਦੀਵਾਲੀ, ਗਣੇਸ਼ ਚਤੁਰਥੀ ਅਤੇ ਤੀਜ-ਤਿਉਹਾਰਾਂ ਤੱਕ ਯੈਲੋ ਸੂਟ ਦੀ ਡਿਮਾਂਡ ਹਮੇਸ਼ਾ ਰਹਿੰਦੀ ਹੈ। ਅੱਜ-ਕੱਲ੍ਹ ਨਿਊ ਬ੍ਰਾਈਡਸ ਵੀ ਆਪਣੀ ਹਲਦੀ ਸੈਰੇਮਨੀ ਲਈ ਯੈਲੋ ਲਹਿੰਗਾ ਜਾਂ ਅਨਾਰਕਲੀ ਸੂਟ ਚੁਣ ਰਹੀਆਂ ਹਨ।

ਸਕੂਲ-ਕਾਲਜ ਜਾਣ ਵਾਲੀਆਂ ਮੁਟਿਆਰਾਂ ਹੋਣ ਜਾਂ ਆਫਿਸ ਜਾਣ ਵਾਲੀਆਂ ਔਰਤਾਂ, ਹਰ ਉਮਰ ਵਰਗ ਲਈ ਯੈਲੋ ਸੂਟ ਪਹਿਲੀ ਪਸੰਦ ਬਣ ਰਿਹਾ ਹੈ। ਮਾਰਕੀਟ ’ਚ ਯੈਲੋ ਸੂਟ ਦੀਆਂ ਸੈਂਕੜੇ ਵੈਰਾਇਟੀਆਂ ਉਪਲਬਧ ਹਨ। ਸਿੰਪਲ ਸਲਵਾਰ ਸੂਟ ਤੋਂ ਲੈ ਕੇ ਟ੍ਰੈਂਡੀ ਨਾਇਰਾ ਕੱਟ, ਪਲਾਜ਼ੋ ਸੂਟ, ਸ਼ਰਾਰਾ ਸੈੱਟ ਅਤੇ ਫਲੇਅਰਡ ਅਨਾਰਕਲੀ ਤੱਕ ਹਰ ਸਟਾਈਲ ਆਸਾਨੀ ਨਾਲ ਮਿਲ ਜਾਂਦਾ ਹੈ। ਪਲੇਨ ਯੈਲੋ ਸੂਟ ’ਤੇ ਗੋਟਾ-ਪੱਟੀ, ਥ੍ਰੈੱਡ ਵਰਕ, ਮਿਰਰ ਵਰਕ ਅਤੇ ਸੀਕੁਐਂਸ ਵਰਗੀ ਹੈਵੀ ਕਢਾਈ ਖੂਬਸੂਰਤ ਦੇਖੀ ਜਾ ਸਕਦੀ ਹੈ।

ਉੱਥੇ ਹੀ, ਪ੍ਰਿੰਟਿਡ ਸੂਟ ਦੀ ਗੱਲ ਕਰੀਏ ਤਾਂ ਫਲੋਰਲ ਪ੍ਰਿੰਟ, ਡਾਟ ਪ੍ਰਿੰਟ, ਲਹਿਰੀਆ ਅਤੇ ਅਜਰਖ ਪ੍ਰਿੰਟ ਵਾਲੇ ਯੈਲੋ ਸੂਟ ਗਰਮੀਆਂ ’ਚ ਬੇਹੱਦ ਪਸੰਦ ਕੀਤੇ ਜਾ ਰਹੇ ਹਨ। ਸਲੀਵਜ਼ ’ਚ ਵੀ ਕਾਫ਼ੀ ਐਕਸਪੈਰੀਮੈਂਟ ਦੇਖਣ ਨੂੰ ਮਿਲਦੇ ਹਨ। ਕੋਈ ਸਲੀਵਲੈੱਸ ਕੁੜਤੀ ਪਸੰਦ ਕਰ ਰਿਹਾ ਹੈ ਤਾਂ ਕਿਸੇ ਨੂੰ ਫੁੱਲ ਸਲੀਵਜ਼ ਜਾਂ ਬੈੱਲ ਸਲੀਵਜ਼, ਅੰਬਰੇਲਾ ਸਲੀਵਜ਼ ਜਿਹੀਆਂ ਡਿਜ਼ਾਈਨਰ ਸਲੀਵਜ਼ ਪਸੰਦ ਆ ਰਹੀਆਂ ਹਨ। ਨੈੱਕਲਾਈਨ (ਗਲੇ) ’ਤੇ ਲਟਕਣ, ਪੋਟਲੀ ਬਟਨ ਅਤੇ ਬੈਕ ਸਾਈਡ ਡੋਰੀ ਡਿਟੇਲਿੰਗ ਵਰਗੇ ਐਲੀਮੈਂਟ ਸੂਟ ਨੂੰ ਹੋਰ ਆਕਰਸ਼ਕ ਬਣਾਉਂਦੇ ਹਨ।

ਗਰਮੀਆਂ ਲਈ ਕਾਟਨ, ਰੇਆਨ ਅਤੇ ਲਿਨਨ ਦੇ ਯੈਲੋ ਸੂਟ ਸਭ ਤੋਂ ਜ਼ਿਆਦਾ ਆਰਾਮਦਾਇਕ ਰਹਿੰਦੇ ਹਨ। ਉੱਥੇ ਹੀ, ਸਰਦੀਆਂ ਅਤੇ ਫੈਸਟੀਵਲ ਲਈ ਸਿਲਕ, ਜਾਰਜਟ, ਟਿਸ਼ੂ ਅਤੇ ਸੈਟਿਨ ਫੈਬਰਿਕ ਦੇ ਹੈਵੀ ਵਰਕ ਵਾਲੇ ਸੂਟ ਪਰਫੈਕਟ ਹਨ। ਬਨਾਰਸੀ ਸਿਲਕ ਦਾ ਯੈਲੋ ਸੂਟ ਤਾਂ ਸ਼ਾਦੀਆਂ ’ਚ ਰਾਇਲ ਲੁੱਕ ਦਿੰਦਾ ਹੈ। ਯੈਲੋ ਪੀਲਾ ਰੰਗ ਦੀ ਸਭ ਤੋਂ ਵੱਡੀ ਖ਼ਾਸੀਅਤ ਹੈ ਕਿ ਇਹ ਹਰ ਸਕਿਨ ਟੋਨ ’ਤੇ ਖੂਬ ਫੱਬਦਾ ਹੈ। ਇਹ ਰੰਗ ਚਿਹਰੇ ’ਤੇ ਨੈਚੁਰਲ ਗਲੋਅ ਲਿਆਉਂਦਾ ਹੈ ਅਤੇ ਪਹਿਨਣ ਵਾਲੇ ਨੂੰ ਫ੍ਰੈੱਸ਼ ਅਤੇ ਸਟਾਈਲਿਸ਼ ਲੁੱਕ ਦਿੰਦਾ ਹੈ। ਇਹੀ ਵਜ੍ਹਾ ਹੈ ਕਿ ਡਿਮਾਂਡ ਵਧਣ ਦੇ ਨਾਲ ਡਿਜ਼ਾਈਨਰ ਵੀ ਪੀਲੇ ਰੰਗ ਦੇ ਨਾਲ ਨਵੇਂ-ਨਵੇਂ ਐਕਸਪੈਰੀਮੈਂਟ ਕਰ ਰਹੇ ਹਨ। ਸ਼ਾਰਟ ਕੁੜਤੀ ਤੋਂ ਲੈ ਕੇ ਫਲੋਰ ਲੈਂਥ ਫਰਾਕ ਸੂਟ ਤੱਕ, ਮਾਰਕੀਟ ’ਚ ਹਰ ਬਜਟ ਅਤੇ ਪਸੰਦ ਦੇ ਆਪਸ਼ਨ ਮੌਜੂਦ ਹਨ। ਰਵਾਇਤੀ ਅਤੇ ਮਾਡਰਨ ਟੱਚ ਦਾ ਮਿਸ਼ਰਣ ਹੋਣ ਕਾਰਨ ਪੀਲੇ ਰੰਗ ਦੇ ਸੂਟ ਕਦੇ ਆਊਟ ਆਫ਼ ਫੈਸ਼ਨ ਨਹੀਂ ਹੁੰਦੇ।