ਸੌਂਣ ਤੋਂ ਪਹਿਲਾਂ ਧੁੰਨੀ ''ਤੇ ਤੇਲ ਲਗਾਉਣ ਦੇ ਫ਼ਾਇਦੇ, ਚਮੜੀ ਨੂੰ ਮਿਲੇਗੀ ਕੁਦਰਤੀ ਚਮਕ

ਵੈੱਬ ਡੈਸਕ- ਅੱਜਕੱਲ੍ਹ ਔਰਤਾਂ ਸੁੰਦਰ ਦਿੱਸਣ ਲਈ ਹਰ ਸੰਭਵ ਕੋਸ਼ਿਸ਼ ਕਰਦੀਆਂ ਹਨ। ਜੇਕਰ ਤੁਸੀਂ ਆਪਣੀ ਸੁੰਦਰਤਾ ਬਣਾਈ ਰੱਖਣਾ ਚਾਹੁੰਦੇ ਹੋ ਤਾਂ ਮਹਿੰਗੇ ਉਤਪਾਦਾਂ ਨੂੰ ਛੱਡ ਦਿਓ ਅਤੇ ਆਪਣੀ ਧੁੰਨੀ 'ਤੇ ਤੇਲ ਲਗਾਉਣਾ ਸ਼ੁਰੂ ਕਰੋ। ਦਾਦੀ ਜੀ ਦੀ ਇਹ ਵਿਧੀ ਕੁਦਰਤੀ ਚਮਕ ਲਿਆਉਣ ਵਿਚ ਬਹੁਤ ਪ੍ਰਭਾਵਸ਼ਾਲੀ ਹੈ।

ਤਿਲ ਦੇ ਤੇਲ ਦੇ ਫ਼ਾਇਦੇ

ਸੌਂਣ ਤੋਂ ਪਹਿਲਾਂ ਧੁੰਨੀ 'ਤੇ ਤਿਲ ਦਾ ਤੇਲ ਲਗਾਉਣ ਨਾਲ ਖੂਨ ਸੰਚਾਰ 'ਚ ਸੁਧਾਰ ਹੁੰਦਾ ਹੈ ਅਤੇ ਚਮੜੀ ਨੂੰ ਕੁਦਰਤੀ ਚਮਕ ਮਿਲਦੀ ਹੈ। ਤਿਲ ਦਾ ਤੇਲ ਨਮੀ ਦੇਣ ਵਾਲੇ ਗੁਣਾਂ ਨਾਲ ਭਰਪੂਰ ਹੁੰਦਾ ਹੈ। ਇਹ ਚਮੜੀ ਨੂੰ ਅੰਦਰੋਂ ਪੌਸ਼ਣ ਦਿੰਦਾ ਹੈ ਅਤੇ ਖੁਸ਼ਕੀ ਨੂੰ ਦੂਰ ਕਰਦਾ ਹੈ। ਰੈਗੂਲਰ ਵਰਤੋਂ ਨਾਲ, ਚਿਹਰੇ 'ਤੇ ਦਾਗ-ਧੱਬੇ ਅਤੇ ਪਿਗਮੈਂਟੇਸ਼ਨ ਹੌਲੀ-ਹੌਲੀ ਫਿੱਕੇ ਪੈ ਜਾਂਦੇ ਹਨ।

ਐਂਟੀ ਏਜਿੰਗ ਗੁਣ

ਤਿਲ ਦੇ ਤੇਲ 'ਚ ਐਂਟੀਆਕਸੀਡੈਂਟ ਹੁੰਦੇ ਹਨ, ਜੋ ਚਮੜੀ ਨੂੰ ਝੁਰੜੀਆਂ ਅਤੇ ਸਮੇਂ ਤੋਂ ਪਹਿਲਾਂ ਬੁਢਾਪੇ ਦੇ ਸੰਕੇਤਾਂ ਤੋਂ ਬਚਾਉਂਦੇ ਹਨ। ਆਯੂਰਵੇਦ ਅਨੁਸਾਰ ਧੁੰਨੀ ਸਰੀਰ ਦਾ ਕੇਂਦਰ ਹੈ। ਇਸ ਤੇਲ ਨੂੰ ਲਗਾਉਣ ਨਾਲ ਸਰੀਰ ਦੇ ਵਾਤ, ਪਿੱਤ ਅਤੇ ਕਫ਼ ਸੰਤੁਲਨ ਨੂੰ ਸੰਤੁਲਿਤ ਕੀਤਾ ਜਾਂਦਾ ਹੈ, ਜਿਸ ਦਾ ਚਮੜੀ ਅਤੇ ਸਿਹਤ ਦੋਵਾਂ 'ਤੇ ਪ੍ਰਭਾਵ ਪੈਂਦਾ ਹੈ।

ਕਿਵੇਂ ਵਰਤਣਾ ਹੈ:

ਸੌਂਣ ਤੋਂ ਪਹਿਲਾਂ ਹਲਕਾ ਜਿਹਾ ਗਰਮ ਤਿਲ ਦਾ ਤੇਲ ਧੁੰਨੀ 'ਚ 2-3 ਬੂੰਦਾਂ ਪਾਓ ਅਤੇ ਹੌਲੀ-ਹੌਲੀ ਮਾਲਸ਼ ਕਰੋ।
ਇਸ ਨੂੰ ਨਿਯਮਿਤ ਤੌਰ 'ਤੇ ਇਸਤੇਮਾਲ ਕਰਨ ਨਾਲ 2-3 ਹਫ਼ਤਿਆਂ ਅੰਦਰ ਫਰਕ ਦਿਖਾਈ ਦੇਵੇਗਾ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8