ਵੈੱਬ ਡੈਸਕ - ਜੇਕਰ ਤੁਸੀਂ ਵੀ ਰੋਜ਼ਾਨਾ ਦੇ ਸਨੈਕਸ ਤੋਂ ਅੱਕ ਚੁੱਕੇ ਹੋ ਅਤੇ ਕੁਝ ਨਵਾਂ ਤੇ ਚਟਪਟਾ ਖਾਣਾ ਚਾਹੁੰਦੇ ਹੋ, ਤਾਂ ਕੋਰੀਅਨ ਸਟਾਈਲ ਦੇ ਪੋਟੈਟੋ ਫਰਾਈਜ਼ ਤੁਹਾਡੇ ਲਈ ਇਕ ਵਧੀਆ ਵਿਕਲਪ ਹੋ ਸਕਦੇ ਹਨ। ਅੱਜਕੱਲ੍ਹ ਕੋਰੀਅਨ ਖਾਣੇ ਦਾ ਕ੍ਰੇਜ਼ ਕਾਫੀ ਵਧ ਰਿਹਾ ਹੈ ਅਤੇ ਹੁਣ ਤੁਸੀਂ ਇਸ ਨੂੰ ਬਹੁਤ ਹੀ ਆਸਾਨੀ ਨਾਲ ਆਪਣੇ ਰਸੋਈ ਘਰ 'ਚ ਤਿਆਰ ਕਰ ਸਕਦੇ ਹੋ।

ਲੋੜੀਂਦੀ ਸਮੱਗਰੀ :-

ਸਰੋਤਾਂ ਅਨੁਸਾਰ, ਇਸ ਡਿਸ਼ ਨੂੰ ਬਣਾਉਣ ਲਈ ਤੁਹਾਨੂੰ ਹੇਠ ਲਿਖੀਆਂ ਚੀਜ਼ਾਂ ਦੀ ਲੋੜ ਪਵੇਗੀ:

ਆਲੂ - 250 ਗ੍ਰਾਮ
ਕਾਰਨ ਫਲੋਰ - 50 ਗ੍ਰਾਮ
ਪਾਣੀ - 130 ਮਿਲੀਲੀਟਰ
ਮਸਾਲੇ - ਅੱਧਾ ਛੋਟਾ ਚਮਚ ਨਮਕ ਅਤੇ ਤਲਣ ਲਈ ਤੇਲ
ਡਿਪ (ਚਟਨੀ) ਲਈ - 2 ਚਮਚ ਮੇਓਨੀਜ਼, 1 ਚਮਚ ਸ਼੍ਰੀਰਾਚਾ ਸੌਸ ਅਤੇ 1 ਚਮਚ ਪਲੱਮ ਸਿਰਪ

ਬਣਾਉਣ ਦੀ ਵਿਧੀ :-

ਖਾਸ ਡਿਪ ਤਿਆਰ ਕਰੋ
- ਸਭ ਤੋਂ ਪਹਿਲਾਂ ਮੇਓਨੀਜ਼, ਸ਼੍ਰੀਰਾਚਾ ਸੌਸ ਅਤੇ ਪਲੱਮ ਸਿਰਪ ਨੂੰ ਚੰਗੀ ਤਰ੍ਹਾਂ ਮਿਲਾ ਕੇ ਇਕ ਪਾਸੇ ਰੱਖ ਲਓ।

ਆਲੂ ਦਾ ਪੇਸਟ
- ਆਲੂਆਂ ਨੂੰ ਛੋਟੇ ਟੁਕੜਿਆਂ 'ਚ ਕੱਟ ਕੇ ਪਾਣੀ ਦੇ ਨਾਲ ਬਲੈਂਡਰ 'ਚ ਇਕ ਮੁਲਾਇਮ ਪੇਸਟ ਬਣਾ ਲਓ।

ਪੇਸਟ ਨੂੰ ਪਕਾਉਣਾ
- ਇਸ ਮਿਸ਼ਰਣ ਨੂੰ ਇਕ ਜੱਗ 'ਚ ਕੱਢ ਕੇ ਮਾਈਕ੍ਰੋਵੇਵ 'ਚ 30 ਸੈਕਿੰਡ ਲਈ ਰੱਖੋ। ਇਹ ਪ੍ਰਕਿਰਿਆ ਲਗਭਗ 10 ਵਾਰ ਦੁਹਰਾਓ ਜਦੋਂ ਤੱਕ ਮਿਸ਼ਰਣ ਗਾੜ੍ਹਾ ਨਾ ਹੋ ਜਾਵੇ।

ਅੰਤਿਮ ਤਿਆਰੀ
- ਗਾੜ੍ਹੇ ਮਿਸ਼ਰਣ 'ਚ ਕਾਰਨ ਫਲੋਰ ਅਤੇ ਨਮਕ ਮਿਲਾ ਕੇ ਚੰਗੀ ਤਰ੍ਹਾਂ ਫੈਂਟ ਲਓ।

ਫਰਾਈ ਕਰਨਾ
- ਤਿਆਰ ਮਿਸ਼ਰਣ ਨੂੰ ਪਾਈਪਿੰਗ ਬੈਗ 'ਚ ਭਰੋ ਅਤੇ ਗਰਮ ਤੇਲ 'ਚ ਫਰਾਈਜ਼ ਦੇ ਆਕਾਰ ਵਿੱਚ ਪਾ ਕੇ ਸੁਨਹਿਰੀ ਅਤੇ ਕ੍ਰਿਸਪੀ ਹੋਣ ਤੱਕ ਤਲੋ।

ਤੁਹਾਡੇ ਕ੍ਰਿਸਪੀ ਕੋਰੀਅਨ ਪੋਟੈਟੋ ਫਰਾਈਜ਼ ਤਿਆਰ ਹਨ। ਇਸ ਨੂੰ ਪਹਿਲਾਂ ਤੋਂ ਤਿਆਰ ਕੀਤੇ ਗਏ ਡਿਪ ਨਾਲ ਗਰਮਾ-ਗਰਮ ਸਰਵ ਕਰੋ।