ਜ਼ਰਦੋਜ਼ੀ ਵਰਕ ਲਹਿੰਗਾ-ਚੋਲੀ ਬਣੇ ਬ੍ਰਾਈਡਲ ਦੀ ਪਹਿਲੀ ਪਸੰਦ

ਵੈੱਬ ਡੈਸਕ- ਭਾਰਤੀ ਪਹਿਰਾਵਿਆਂ ਵਿਚ ਮੁਟਿਆਰਾਂ ਅਤੇ ਔਰਤਾਂ ਨੂੰ ਤਰ੍ਹਾਂ-ਤਰ੍ਹਾਂ ਦੀਆਂ ਡਰੈੱਸਾਂ ਪਹਿਨੇ ਦੇਖਿਆ ਜਾ ਸਕਦਾ ਹੈ, ਪਰ ਜਦੋਂ ਗੱਲ ਬ੍ਰਾਈਡਲ ਦੀ ਹੋਵੇ ਤਾਂ ਹਰ ਮੁਟਿਆਰ ਆਪਣੇ ਵਿਆਹ ਵਾਲੇ ਦਿਨ ਸਭ ਤੋਂ ਖ਼ੂਬਸੂਰਤ ਦਿਖਣਾ ਚਾਹੁੰਦੀ ਹੈ। ਬ੍ਰਾਈਡਲ ਡਰੈੱਸ ਦੀ ਗੱਲ ਕਰੀਏ ਤਾਂ ਅੱਜ ਵੀ ਜ਼ਿਆਦਾਤਰ ਲਾੜੀਆਂ ਆਪਣੇ ਵਿਆਹ ਵਿਚ ਲਹਿੰਗਾ-ਚੋਲੀ ਪਹਿਨਣਾ ਹੀ ਪਸੰਦ ਕਰਦੀਆਂ ਹਨ। ਪੁਰਾਣੇ ਜ਼ਮਾਨੇ ਤੋਂ ਲੈ ਕੇ ਅੱਜ ਤੱਕ ਲਹਿੰਗਾ-ਚੋਲੀ ਲਾੜੀਆਂ ਦੀ ਪਹਿਲੀ ਪਸੰਦ ਬਣਿਆ ਹੋਇਆ ਹੈ। ਬਦਲਦੇ ਸਮੇਂ ਦੇ ਨਾਲ ਬ੍ਰਾਈਡਲ ਲਹਿੰਗਾ-ਚੋਲੀ ਵਿਚ ਕਈ ਨਵੇਂ ਡਿਜ਼ਾਈਨ, ਕੱਟ ਅਤੇ ਵਰਕ ਦੇਖਣ ਨੂੰ ਮਿਲ ਰਹੇ ਹਨ। ਇਸ ਨਾਲ ਲਾੜੀਆਂ ਕੋਲ ਢੇਰਾਂ ਆਪਸ਼ਨ ਹੋ ਗਏ ਹਨ। ਲਹਿੰਗਾ-ਚੋਲੀ ’ਤੇ ਜ਼ਰੀ ਵਰਕ, ਮਿਰਰ ਵਰਕ, ਸਟੋਨ ਵਰਕ, ਸੀਕੁਐਂਸ ਵਰਕ ਵਰਗੇ ਕਈ ਤਰ੍ਹਾਂ ਦੇ ਵਰਕ ਕੀਤੇ ਜਾਂਦੇ ਹਨ, ਪਰ ਅੱਜਕੱਲ ਜ਼ਰਦੋਜ਼ੀ ਵਰਕ ਵਾਲੇ ਲਹਿੰਗੇ ਬ੍ਰਾਈਡਲ ਦੀ ਪਹਿਲੀ ਪਸੰਦ ਬਣ ਗਏ ਹਨ।

ਜ਼ਰਦੋਜ਼ੀ ਵਰਕ ਲਹਿੰਗਾ-ਚੋਲੀ ਨੂੰ ਚਾਰ ਚੰਨ ਲਗਾ ਦਿੰਦਾ ਹੈ। ਇਹ ਬਾਕੀ ਲਹਿੰਗਿਆਂ ਦੇ ਮੁਕਾਬਲੇ ਜ਼ਿਆਦਾ ਹੈਵੀ, ਆਕਰਸ਼ਕ ਅਤੇ ਰਾਇਲ ਲੁੱਕ ਦਿੰਦਾ ਹੈ। ਇਹੀ ਕਾਰਨ ਹੈ ਕਿ ਜ਼ਿਆਦਾਤਰ ਲਾੜੀਆਂ ਆਪਣੇ ਵਿਆਹ ਅਤੇ ਰਿਸੈਪਸ਼ਨ ਦੇ ਮੌਕੇ ’ਤੇ ਜ਼ਰਦੋਜ਼ੀ ਵਰਕ ਵਾਲਾ ਲਹਿੰਗਾ ਚੁਣ ਰਹੀਆਂ ਹਨ। ਇਹ ਵਰਕ ਬਹੁਤ ਬਾਰੀਕੀ ਨਾਲ ਸੁਨਹਿਰੀ ਅਤੇ ਸਿਲਵਰ ਧਾਗਿਆਂ ਨਾਲ ਕੀਤਾ ਜਾਂਦਾ ਹੈ। ਇਸ ਵਿਚ ਮੋਤੀ, ਕੁੰਦਨ ਅਤੇ ਨਗ ਵੀ ਜੜੇ ਜਾਂਦੇ ਹਨ, ਜੋ ਲਹਿੰਗੇ ਨੂੰ ਸ਼ਾਹੀ ਅੰਦਾਜ਼ ਦਿੰਦੇ ਹਨ। ਫ਼ੈਬਰਿਕ (ਕੱਪੜੇ) ਦੀ ਗੱਲ ਕਰੀਏ ਤਾਂ ਜ਼ਰਦੋਜ਼ੀ ਵਰਕ ਵੈਲਵੇਟ ਅਤੇ ਸਿਲਕ ਫ਼ੈਬਰਿਕ ’ਤੇ ਸਭ ਤੋਂ ਜ਼ਿਆਦਾ ਖਿੜਦਾ ਹੈ। ਰੈੱਡ, ਮੈਰੂਨ, ਡਾਰਕ ਚਾਕਲੇਟ, ਰਾਣੀ ਪਿੰਕ ਅਤੇ ਵਾਈਨ ਵਰਗੇ ਡੀਪ ਕਲਰ ਇਨ੍ਹੀਂ ਦਿਨੀਂ ਲਾੜੀਆਂ ਨੂੰ ਖ਼ੂਬ ਪਸੰਦ ਆ ਰਹੇ ਹਨ। ਜ਼ਿਆਦਾਤਰ ਲਹਿੰਗਿਆਂ ਵਿਚ ਪੂਰਾ ਵਰਕ ਲਹਿੰਗੇ ’ਤੇ ਹੁੰਦਾ ਹੈ ਅਤੇ ਚੋਲੀ ਨੂੰ ਸਿੰਪਲ ਜਾਂ ਹਲਕੇ ਵਰਕ ਦੇ ਨਾਲ ਰੱਖਿਆ ਜਾਂਦਾ ਹੈ। ਕੁਝ ਡਿਜ਼ਾਈਨਰ ਲਹਿੰਗਿਆਂ ਵਿਚ ਚੋਲੀ ’ਤੇ ਵੀ ਜ਼ਰਦੋਜ਼ੀ ਦਾ ਕੰਮ ਕੀਤਾ ਜਾ ਰਿਹਾ ਹੈ। ਦੁਪੱਟੇ ਦੇ ਚਾਰੋਂ ਪਾਸੇ ਵੀ ਹੈਵੀ ਬਾਰਡਰ ਵਰਕ ਲੁੱਕ ਨੂੰ ਹੋਰ ਗ੍ਰੈਂਡ ਬਣਾ ਦਿੰਦਾ ਹੈ।

ਜ਼ਰਦੋਜ਼ੀ ਲਹਿੰਗੇ ਵਜ਼ਨ ਵਿਚ ਥੋੜ੍ਹੇ ਭਾਰੇ ਜ਼ਰੂਰ ਹੁੰਦੇ ਹਨ, ਪਰ ਪਹਿਨਣ ਤੋਂ ਬਾਅਦ ਲਾੜੀ ਸਭ ਤੋਂ ਖ਼ੂਬਸੂਰਤ ਅਤੇ ਖ਼ਾਸ ਨਜ਼ਰ ਆਉਂਦੀ ਹੈ। ਇਹ ਲੁੱਕ ਲਾੜੀ ਨੂੰ ਰਾਜਕੁਮਾਰੀ ਵਰਗਾ ਅਹਿਸਾਸ ਕਰਵਾਉਂਦੀ ਹੈ। ਇਸ ਲਈ ਅੱਜ ਦੀਆਂ ਮੁਟਿਆਰਾਂ ਵਿਆਹ ਦੇ ਹਰ ਫੰਕਸ਼ਨ ਵਿਚ ਇਸਨੂੰ ਪਹਿਨਣਾ ਪਸੰਦ ਕਰ ਰਹੀਆਂ ਹਨ। ਜ਼ਰਦੋਜ਼ੀ ਲਹਿੰਗਾ ਚੋਲੀ ਦੇ ਨਾਲ ਲਾੜੀਆਂ ਮੈਚਿੰਗ ਪੋਟਲੀ, ਗੋਲਡਨ ਜਾਂ ਕੁੰਦਨ ਜਿਊਲਰੀ ਕੈਰੀ ਕਰ ਰਹੀਆਂ ਹਨ। ਆਪਣੀ ਲੁੱਕ ਨੂੰ ਯੂਨੀਕ ਬਣਾਉਣ ਲਈ ਕਈ ਬ੍ਰਾਈਡਲ ਕੰਟਰਾਸਟ ਗ੍ਰੀਨ ਜਾਂ ਐਮਰਾਲਡ ਜਿਊਲਰੀ ਨੂੰ ਵੀ ਸਟਾਈਲ ਕਰ ਰਹੀਆਂ ਹਨ, ਜੋ ਰਾਇਲ ਲੁੱਕ ਨੂੰ ਹੋਰ ਨਿਖਾਰ ਦਿੰਦਾ ਹੈ। ਜੋ ਮੁਟਿਆਰਾਂ ਵਿਆਹ ਵਿਚ ਸਭ ਤੋਂ ਅਲੱਗ ਅਤੇ ਰਾਇਲ ਦਿਖਣਾ ਚਾਹੁੰਦੀਆਂ ਹਨ, ਉਨ੍ਹਾਂ ਲਈ ਜ਼ਰਦੋਜ਼ੀ ਵਰਕ ਲਹਿੰਗਾ ਪਰਫੈਕਟ ਚੁਆਇਸ ਹੈ। ਇਹ ਰਵਾਇਤ ਅਤੇ ਲਗਜ਼ਰੀ ਦਾ ਬਿਹਤਰੀਨ ਮੇਲ ਹੈ।