ਵੈੱਬ ਡੈਸਕ - ਭਿਅੰਕਰ ਗਰਮੀ, ਪਸੀਨੇ ਅਤੇ ਧੂੜ-ਮਿੱਟੀ ਕਾਰਨ ਨਾ ਸਿਰਫ਼ ਸਾਡੀ ਚਮੜੀ ਬਲਕਿ ਸਾਡੇ ਵਾਲਾਂ ਨੂੰ ਵੀ ਭਾਰੀ ਨੁਕਸਾਨ ਪਹੁੰਚਦਾ ਹੈ। ਗਰਮੀਆਂ 'ਚ ਸਿਰ ਦੀ ਚਮੜੀ 'ਤੇ ਤੇਲ ਅਤੇ ਪਸੀਨਾ ਜੰਮਣ ਕਾਰਨ ਸਿਕੰਦਰੀ , ਖਾਰਸ਼ ਅਤੇ ਵਾਲ ਝੜਨ ਦੀ ਸਮੱਸਿਆ ਬਹੁਤ ਆਮ ਹੋ ਜਾਂਦੀ ਹੈ। ਅਜਿਹੇ 'ਚ ਮਹਿੰਗੇ ਹੇਅਰ ਟ੍ਰੀਟਮੈਂਟਸ ਜਾਂ ਕੈਮੀਕਲ ਵਾਲੇ ਪ੍ਰੋਡਕਟਸ ਵਰਤਣ ਦੀ ਬਜਾਏ ਰਸੋਈ 'ਚ ਮੌਜੂਦ ਦਹੀਂ ਤੁਹਾਡੇ ਵਾਲਾਂ ਲਈ ਸੰਜੀਵਨੀ ਬੂਟੀ ਸਾਬਤ ਹੋ ਸਕਦਾ ਹੈ।

ਦਹੀਂ 'ਚ ਲੈਕਟਿਕ ਐਸਿਡ, ਪ੍ਰੋਟੀਨ ਅਤੇ ਵਿਟਾਮਿਨ-ਸੀ ਭਰਪੂਰ ਮਾਤਰਾ 'ਚ ਹੁੰਦੇ ਹਨ, ਜੋ ਵਾਲਾਂ ਨੂੰ ਜੜ੍ਹ ਤੋਂ ਮਜ਼ਬੂਤ ਅਤੇ ਚਮਕਦਾਰ ਬਣਾਉਂਦੇ ਹਨ। ਆਓ ਜਾਣਦੇ ਹਾਂ ਵਾਲਾਂ 'ਚ ਦਹੀਂ ਲਗਾਉਣ ਦੇ ਬੇਮਿਸਾਲ ਫਾਇਦੇ ਅਤੇ ਹੇਅਰ ਮਾਸਕ ਬਣਾਉਣ ਦਾ ਸਹੀ ਤਰੀਕਾ :-

ਵਾਲਾਂ 'ਚ ਦਹੀਂ ਲਾਉਣ ਦੇ 5 ਅਚੂਕ ਫਾਇਦੇ :- 

ਸਿਕਰੀ ਦਾ ਪੱਕਾ ਇਲਾਜ
- ਦਹੀਂ 'ਚ ਮੌਜੂਦ ਐਂਟੀ-ਫੰਗਲ ਗੁਣ ਸਿਰ ਦੀ ਚਮੜੀ ਨੂੰ ਸਾਫ਼ ਕਰਦੇ ਹਨ। ਇਸ ਦੇ ਨਿਯਮਿਤ ਸੇਵਨ ਨਾਲ ਸਿਰ ਦੀ ਜ਼ਿੱਦੀ ਸਿਕਰੀ ਅਤੇ ਖਾਰਸ਼ ਕੁਝ ਹੀ ਦਿਨਾਂ 'ਚ ਗਾਇਬ ਹੋ ਜਾਂਦੀ ਹੈ।

ਕੁਦਰਤੀ ਕੰਡੀਸ਼ਨਰ 
- ਦਹੀਂ ਵਾਲਾਂ ਲਈ ਇਕ ਬਿਹਤਰੀਨ ਨੈਚੁਰਲ ਕੰਡੀਸ਼ਨਰ ਦਾ ਕੰਮ ਕਰਦਾ ਹੈ। ਇਹ ਖੁਸ਼ਕ ਅਤੇ ਬੇਜਾਨ ਵਾਲਾਂ ਦੀ ਨਮੀ ਨੂੰ ਵਾਪਸ ਲਿਆ ਕੇ ਉਨ੍ਹਾਂ ਨੂੰ ਸੁਪਰ-ਸਾਫਟ ਅਤੇ ਚਮਕਦਾਰ ਬਣਾਉਂਦਾ ਹੈ।

ਵਾਲਾਂ ਦਾ ਝੜਨਾ ਰੋਕੇ
- ਦਹੀਂ 'ਚ ਮੌਜੂਦ ਪ੍ਰੋਟੀਨ ਵਾਲਾਂ ਦੀਆਂ ਜੜ੍ਹਾਂ ਨੂੰ ਪੋਸ਼ਣ ਦਿੰਦਾ ਹੈ, ਜਿਸ ਨਾਲ ਵਾਲਾਂ ਦੀਆਂ ਜੜ੍ਹਾਂ ਮਜ਼ਬੂਤ ਹੁੰਦੀਆਂ ਹਨ ਅਤੇ ਵਾਲਾਂ ਦਾ ਟੁੱਟਣਾ ਤੁਰੰਤ ਬੰਦ ਹੁੰਦਾ ਹੈ।

ਵਾਲਾਂ ਦੀ ਲੰਬਾਈ ਵਧਾਏ 
- ਇਹ ਸਿਰ ਦੀ ਚਮੜੀ 'ਚ ਖੂਨ ਦੇ ਦੌਰੇ ਨੂੰ ਵਧਾਉਂਦਾ ਹੈ, ਜਿਸ ਨਾਲ ਵਾਲਾਂ ਦਾ ਵਾਧਾ ਤੇਜ਼ੀ ਨਾਲ ਹੁੰਦਾ ਹੈ ਅਤੇ ਵਾਲ ਸੰਘਣੇ ਹੁੰਦੇ ਹਨ।

ਦੋਮੂਹੇ ਵਾਲਾਂ ਤੋਂ ਰਾਹਤ
- ਡ੍ਰਾਈਨੈੱਸ ਕਾਰਨ ਹੋਣ ਵਾਲੇ ਦੋਮੂਹੇ ਵਾਲਾਂ ਦੀ ਸਮੱਸਿਆ ਨੂੰ ਦਹੀਂ ਡੂੰਘੀ ਨਮੀ ਦੇ ਕੇ ਠੀਕ ਕਰਦਾ ਹੈ।

ਘਰ 'ਚ ਇੰਝ ਬਣਾਓ 'ਦਹੀਂ ਹੇਅਰ ਮਾਸਕ'

ਵਾਲਾਂ ਦੀ ਸਮੱਸਿਆ ਮੁਤਾਬਕ ਤੁਸੀਂ ਦਹੀਂ ਨੂੰ ਇਨ੍ਹਾਂ 3 ਤਰੀਕਿਆਂ ਨਾਲ ਵਰਤ ਸਕਦੇ ਹੋ:

- ਇਕ ਕਟੋਰੀ ਖੱਟਾ ਦਹੀਂ ਲਓ ਅਤੇ ਇਸ ਨੂੰ ਚੰਗੀ ਤਰ੍ਹਾਂ ਫੈਂਟ ਕੇ ਵਾਲਾਂ ਦੀਆਂ ਜੜ੍ਹਾਂ ਤੋਂ ਲੈ ਕੇ ਸਿਰੇ ਤੱਕ ਲਗਾਓ। 30 ਮਿੰਟ ਬਾਅਦ ਹਲਕੇ ਸ਼ੈਂਪੂ ਨਾਲ ਧੋ ਲਓ।
- 1 ਕਟੋਰੀ ਦਹੀਂ 'ਚ 1 ਚੱਮਚ ਨਿੰਬੂ ਦਾ ਰਸ ਅਤੇ 1 ਚੱਮਚ ਸ਼ਹਿਦ ਮਿਲਾ ਕੇ ਪੇਸਟ ਬਣਾਓ। ਇਸ ਨੂੰ ਅੱਧੇ ਘੰਟੇ ਲਈ ਵਾਲਾਂ 'ਤੇ ਲਗਾ ਕੇ ਰੱਖੋ।
- ਦਹੀਂ 'ਚ 2 ਚੱਮਚ ਤਾਜ਼ਾ ਐਲੋਵੇਰਾ ਜੈੱਲ ਮਿਲਾ ਕੇ ਲਗਾਉਣ ਨਾਲ ਗਰਮੀਆਂ 'ਚ ਵਾਲਾਂ ਨੂੰ ਅਦਭੁਤ ਠੰਢਕ ਅਤੇ ਮੁਲਾਇਮਤਾ ਮਿਲਦੀ ਹੈ।