ਦੁਨੀਆ ਦੀ ਪਹਿਲੀ ਕਾਰਬਨ-14 ਡਾਇਮੰਡ ਬੈਟਰੀ, 5,000 ਸਾਲਾਂ ਤੱਕ ਬਿਜਲੀ ਦੇਣ ਦੀ ਸਮਰੱਥਾ

ਲੰਡਨ : ਬ੍ਰਿਟਿਸ਼ ਵਿਗਿਆਨੀਆਂ ਅਤੇ ਇੰਜੀਨੀਅਰਾਂ ਦੀ ਇਕ ਟੀਮ ਨੇ ਦੁਨੀਆ ਦੀ ਪਹਿਲੀ ਕਾਰਬਨ-14 ਡਾਇਮੰਡ ਬੈਟਰੀ ਬਣਾਈ ਹੈ, ਜੋ ਕਈ ਹਜ਼ਾਰ ਸਾਲਾਂ ਤੱਕ ਥੋੜ੍ਹੀ ਮਾਤਰਾ ਵਿਚ ਬਿਜਲੀ ਪ੍ਰਦਾਨ ਕਰਨ ਦੀ ਸਮਰੱਥਾ ਰੱਖਦੀ ਹੈ। ਇਹ ਬੈਟਰੀ ਕਾਰਬਨ-14 ਦੀ ਵਰਤੋਂ ਕਰਦੀ ਹੈ, ਜੋ ਕਿ ਇਕ ਰੇਡੀਓਐਕਟਿਵ ਤੱਤ ਹੈ। ਜਦੋਂ ਕਾਰਬਨ-14 ਟੁੱਟਦਾ ਹੈ, ਇਹ ਇਲੈਕਟ੍ਰੌਨ ਛੱਡਦਾ ਹੈ, ਜੋ ਕਿ ਹੀਰੇ ਦੀ ਬਣਤਰ ਦੁਆਰਾ ਫੜਿਆ ਜਾਂਦਾ ਹੈ ਅਤੇ ਇਕ ਵੋਲਟੇਜ ਪੈਦਾ ਕਰਦਾ ਹੈ। ਇਸ ਤਕਨੀਕ ਦਾ ਕੰਮ ਸੂਰਜੀ ਬੈਟਰੀ ਵਰਗਾ ਹੈ, ਪਰ ਸੂਰਜ ਦੀ ਰੌਸ਼ਨੀ ਦੀ ਬਜਾਏ ਰੇਡੀਓਐਕਟਿਵ ਤੱਤ ਦੇ ਇਲੈਕਟ੍ਰਾਨ ਤੋਂ ਬਿਜਲੀ ਪੈਦਾ ਹੁੰਦੀ ਹੈ।

ਕਾਰਬਨ-14 ਦਾ ਜੀਵਨ 5,000 ਸਾਲਾਂ ਤੱਕ ਹੁੰਦਾ ਹੈ, ਇਸ ਲਈ ਇਹ ਬੈਟਰੀ ਬਹੁਤ ਲੰਬੇ ਸਮੇਂ ਤੱਕ ਚੱਲ ਸਕਦੀ ਹੈ ਅਤੇ ਕਦੇ ਵੀ ਇਸ ਨੂੰ ਬਦਲਣ ਦੀ ਲੋੜ ਨਹੀਂ ਹੋ ਸਕਦੀ। ਇਹ ਬੈਟਰੀ ਖਾਸ ਤੌਰ 'ਤੇ ਉਨ੍ਹਾਂ ਡਿਵਾਈਸਾਂ ਲਈ ਉਪਯੋਗੀ ਹੋ ਸਕਦੀ ਹੈ ਜਿਨ੍ਹਾਂ ਵਿਚ ਬੈਟਰੀ ਨੂੰ ਬਦਲਣਾ ਮੁਸ਼ਕਲ ਜਾਂ ਅਸੰਭਵ ਹੈ, ਜਿਵੇਂ ਕਿ ਪੇਸਮੇਕਰ। ਇਸ ਨਾਲ ਮਰੀਜ਼ਾਂ ਨੂੰ ਬੈਟਰੀ ਬਦਲਣ ਲਈ ਵਾਰ-ਵਾਰ ਹਸਪਤਾਲ ਨਹੀਂ ਜਾਣਾ ਪਵੇਗਾ।

ਯੂਕੇ ਐਟੋਮਿਕ ਐਨਰਜੀ ਅਥਾਰਟੀ ਅਤੇ ਬ੍ਰਿਸਟਲ ਯੂਨੀਵਰਸਿਟੀ ਦੇ ਵਿਗਿਆਨੀਆਂ ਨੇ ਇਸ ਬੈਟਰੀ ਨੂੰ ਸਫਲਤਾਪੂਰਵਕ ਤਿਆਰ ਕੀਤਾ ਹੈ। ਸਾਰਾਹ ਕਲਾਰਕ, ਜੋ UKAEA ਦੀ ਟ੍ਰਿਟਿਅਮ ਫਿਊਲ ਸਾਈਕਲਜ਼ ਦੀ ਡਾਇਰੈਕਟਰ ਹੈ, ਨੇ ਕਿਹਾ ਕਿ ਇਹ ਡਾਇਮੰਡ ਬੈਟਰੀ ਲਗਾਤਾਰ ਮਾਈਕ੍ਰੋਵਾਟ ਪੱਧਰ ਦੀ ਪਾਵਰ ਪ੍ਰਦਾਨ ਕਰਨ ਦਾ ਇਕ ਸੁਰੱਖਿਅਤ ਅਤੇ ਟਿਕਾਊ ਤਰੀਕਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8