AMAZON ਤੋਂ ਮੰਗਵਾਇਆ ਪਾਰਸਲ ਦੇਖ ਮਹਿਲਾ ਦੇ ਉਡੇ ਹੋਸ਼, ਜਦੋਂ ਖੋਲ੍ਹਿਆ ਤਾਂ ਆ ਗਈ ਉਲਟੀ

ਵੈੱਬ ਡੈਸਕ - ਅੱਜ ਕੱਲ ਦੀ ਰੁਝੇਵਿਆਂ ਭਰੀ ਜ਼ਿੰਦਗੀ ’ਚ ਆਨਲਾਈਨ ਸ਼ਾਪਿੰਗ (online shopping) ਦਾ ਰੁਝਾਣ ਦਿਨੋਂ-ਦਿਨ ਵਧਦਾ ਜਾ ਰਿਹਾ ਹੈ। ਲੋਕ ਦੁਕਾਨ ਜਾਂ ਬਾਜ਼ਾਰ ਜਾਣ ਦੀ ਬਜਾਏ ਘਰ ਬੈਠੇ ਆਨਲਾਈਨ ਖਰੀਦਦਾਰੀ ਕਰਨ ’ਚ ਜ਼ਿਆਦਾ ਦਿਲਚਸਪੀ ਦਿਖਾਉਂਦੇ ਹਨ। ਲੋਕਾਂ ਦਾ ਮੰਨਣਾ ਹੈ ਕਿ ਸਮੀਖਿਆਵਾਂ, ਪੇਸ਼ਕਸ਼ਾਂ ਅਤੇ ਸਾਮਾਨ ਦੀਆਂ ਘੱਟ ਕੀਮਤਾਂ ਕਾਰਨ ਆਨਲਾਈਨ ਖਰੀਦਦਾਰੀ ਇਕ ਵਧੀਆ ਬਦਲ ਹੈ। ਜੇਕਰ ਤੁਸੀਂ ਸੋਚੋ ਕਿ ਜਿਹੜਾ ਆਡਰ ਤੁਸੀਂ ਮੰਗਵਾਇਆ ਸੀ, ਜਦੋਂ ਉਹ ਬਾਕਸ ਤੁਹਾਡੇ ਕੋਲ ਪਹੁੰਚੇ ਅਤੇ ਤੁਸੀਂ ਇਸ ਨੂੰ ਖੋਲੋ ਦੇਖੋ ਤੇ ਤੁਹਾਨੂੰ ਉਲਟੀ ਆ ਜਾਏ? ਜੀ ਹਾਂ AMAZON ਤੋਂ ਆਨਲਾਈਨ ਖਰੀਦਦਾਰੀ ਯੂਕੇ ’ਚ ਇਕ ਔਰਤ ਲਈ ਇੱਕ ਡਰਾਉਣਾ ਸੁਫ਼ਨਾ ਸਾਬਤ ਹੋਈ। ਉਸ ਨੇ ਆਪਣੇ ਲਈ ਸਾਈਕਲ ਹੈਲਮੇਟ ਮੰਗਵਾਇਆ ਸੀ ਪਰ ਜਿਵੇਂ ਹੀ ਉਸ ਨੇ ਪਾਰਸਲ ਖੋਲ੍ਹਿਆ ਤਾਂ ਅੰਦਰੋਂ ਬਦਬੂ ਅਤੇ ਸੜਨ ਵਾਲੀ ਤਿੱਖੀ ਬਦਬੂ ਕਾਰਨ ਔਰਤ ਨੂੰ ਉਲਟੀ ਆ ਗਈ ਅਤੇ ਜਦੋਂ ਉਸ ਨੇ ਡੱਬੇ ਦੇ ਅੰਦਰ ਦੇਖਿਆ ਤਾਂ ਉਸਦੇ ਹੋਸ਼ ਹੀ ਉੱਡ ਗਏ।

ਔਰਤ ਦਾ ਨਾਂ ਰੇਚਲ ਮੈਕਐਡਮ ਹੈ। ਉਹ ਆਪਣੇ ਨਵੇਂ ਹੈਲਮੇਟ ਦੀ ਬੇਸਬਰੀ ਨਾਲ ਉਡੀਕ ਕਰ ਰਿਹਾ ਸੀ। ਜਦੋਂ ਪਾਰਸਲ ਆਇਆ, ਤਾਂ ਉਨ੍ਹਾਂ ਨੇ ਇਸ ਨੂੰ ਖੋਲਿਆ ਪਰ ਉਨ੍ਹਾਂ ਨੂੰ ਕੁਝ ਪਤਾ ਨਹੀਂ ਸੀ ਕਿ ਅੱਗੇ ਉਸ ਨਾਲ ਕੀ ਹੋਣ ਵਾਲਾ ਹੈ। ਅੰਦਰੋਂ ਸੜਨ ਅਤੇ ਬਦਬੂ ਆਉਣ ਕਾਰਨ ਔਰਤ ਨੇ ਉਲਟੀ ਕਰ ਦਿੱਤੀ ਪਰ ਸਦਮਾ ਇੱਥੇ ਹੀ ਖਤਮ ਨਹੀਂ ਹੋਇਆ। ਡੱਬੇ ਦੇ ਅੰਦਰ ਕੋਈ ਹੈਲਮੇਟ ਨਹੀਂ ਸੀ। ਚਾਰੇ ਪਾਸੇ ਬਰੈੱਡ ਦੇ ਟੁਕੜੇ ਖਿੱਲਰੇ ਪਏ ਸਨ, ਨਾਲ ਹੀ ਚੂਹੇ ਦਾ ਮਲ ਵੀ ਪਿਆ ਸੀ। ਜਦੋਂ ਔਰਤ ਨੇ ਡੱਬੇ ਦੇ ਅੰਦਰ ਤਲਾਸ਼ੀ ਲਈ ਤਾਂ ਉਸ ਨੂੰ ਸਾਈਡ ਦੇ ’ਚ ਇਕ ਮੋਰੀ ਨਜ਼ਰ ਆਈ। ਜਦੋਂ ਇਸ ਨੂੰ ਖੋਲ੍ਹਿਆ ਗਿਆ ਤਾਂ ਪਤਾ ਲੱਗਾ ਕਿ ਅੰਦਰ ਇਕ ਸੜਿਆ ਅਤੇ ਮਰਿਆ ਹੋਇਆ ਚੂਹਾ ਵੀ ਪਿਆ ਸੀ।

ਔਰਤ ਕਹਿੰਦੀ ਹੈ, "ਮੈਨੂੰ ਯਕੀਨ ਨਹੀਂ ਆ ਰਿਹਾ ਸੀ। ਮੈਂ ਸੋਚਿਆ ਕਿ ਮੈਂ ਬੇਹੋਸ਼ ਹੋ ਜਾਵਾਂਗੀ। ਇਹ ਸਭ ਦੇਖਣ ਤੋਂ ਬਾਅਦ, ਮੈਂ ਕਿਸੇ ਚੀਜ਼ ਨੂੰ ਹੱਥ ਵੀ ਨਹੀਂ ਲਾਇਆ। ਮੈਂ ਪਿੱਛੇ ਹਟ ਗਈ।" ਮਰੇ ਹੋਏ ਚੂਹੇ ਅਤੇ ਪਾਰਸਲ ਦੀ ਗੰਦੀ ਹਾਲਤ ਦੇਖ ਕੇ ਮੈਕਐਡਮ ਇੰਨਾ ਘਬਰਾ ਗਈ ਕਿ ਉਹ ਰਾਤ ਦਾ ਖਾਣਾ ਵੀ ਨਹੀਂ ਖਾ ਸਕੀ। ਉਸਨੇ ਘਟਨਾ ਦੀ ਰਿਪੋਰਟ ਕਰਨ ਲਈ ਤੁਰੰਤ ਐਮਾਜ਼ਾਨ ਗਾਹਕ ਸੇਵਾ ਨਾਲ ਸੰਪਰਕ ਕੀਤਾ। ਐਮਾਜ਼ਾਨ ਨੇ ਇਸ ਘਟਨਾ ਲਈ ਮੁਆਫੀ ਮੰਗੀ ਹੈ ਅਤੇ ਡਿਲੀਵਰੀ ਕਾਰਨ ਹੋਈ ਅਸੁਵਿਧਾ ਨੂੰ ਸਵੀਕਾਰ ਕਰਦੇ ਹੋਏ, ਪੂਰੀ ਰਿਫੰਡ ਦੀ ਪੇਸ਼ਕਸ਼ ਕੀਤੀ ਹੈ।