ਰੂਸ, ਹਵਾਈ ਅਤੇ ਜਾਪਾਨ 'ਚ ਸੁਨਾਮੀ ਚੇਤਾਵਨੀ ਸਬੰਧੀ ਅਪਡੇਟ ਜਾਰੀ

ਟੋਕੀਓ (ਏਪੀ)- ਰੂਸ, ਹਵਾਈ ਅਤੇ ਜਾਪਾਨ ਦੇ ਕੁਝ ਹਿੱਸਿਆਂ ਵਿਚ ਇੱਕ ਸ਼ਕਤੀਸ਼ਾਲੀ ਭੂਚਾਲ ਤੋਂ ਬਾਅਦ ਸੁਨਾਮੀ ਚੇਤਾਵਨੀ ਸਬੰਧੀ ਅਪਡੇਟ ਸਾਹਮਣੇ ਆਈ ਹੈ। ਅਪਡੇਟ ਮੁਤਾਬਕ ਸੁਨਾਮੀ ਚੇਤਾਵਨੀਆਂ ਨੂੰ ਘੱਟ ਕਰਦੇ ਹੋਏ ਇਸ ਨੂੰ ਸਲਾਹ ਦੇ ਰੂਪ ਤਬਦੀਲ ਕਰ ਦਿੱਤਾ ਗਿਆ ਹੈ। ਹੁਣ ਤੱਕ ਦੇ ਸਭ ਤੋਂ ਸ਼ਕਤੀਸ਼ਾਲੀ ਭੂਚਾਲਾਂ ਵਿੱਚੋਂ ਇੱਕ ਬੁੱਧਵਾਰ ਤੜਕੇ ਰੂਸ ਦੇ ਦੂਰ ਪੂਰਬ ਵਿੱਚ ਆਇਆ, ਜਿਸ ਨਾਲ ਜਾਪਾਨ, ਹਵਾਈ ਅਤੇ ਪ੍ਰਸ਼ਾਂਤ ਮਹਾਸਾਗਰ ਵਿੱਚ ਸੁਨਾਮੀ ਲਹਿਰਾਂ ਆਈਆਂ। ਹੁਣ ਤੱਕ ਕੋਈ ਵੱਡਾ ਨੁਕਸਾਨ ਨਹੀਂ ਹੋਇਆ ਹੈ, ਪਰ ਅਧਿਕਾਰੀਆਂ ਨੇ ਲੋਕਾਂ ਨੂੰ ਬੀਚਾਂ ਤੋਂ ਦੂਰ ਰਹਿਣ ਦੀ ਚੇਤਾਵਨੀ ਦਿੱਤੀ ਹੈ, ਇਹ ਕਹਿੰਦੇ ਹੋਏ ਕਿ ਇਹ ਖ਼ਤਰਾ ਇੱਕ ਦਿਨ ਤੋਂ ਵੱਧ ਰਹਿ ਸਕਦਾ ਹੈ। 

ਰੂਸੀ ਅਧਿਕਾਰੀਆਂ ਨੇ ਦੂਰ ਪੂਰਬ ਦੇ ਖੇਤਰ ਵਿੱਚ ਇੱਕ ਸ਼ਕਤੀਸ਼ਾਲੀ ਭੂਚਾਲ ਤੋਂ ਬਾਅਦ ਕੈਮਚੈਟਕਾ ਪ੍ਰਾਇਦੀਪ ਅਤੇ ਕੁਰਿਲ ਟਾਪੂਆਂ ਲਈ ਸੁਨਾਮੀ ਚੇਤਾਵਨੀ ਰੱਦ ਕਰ ਦਿੱਤੀ। ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਅਜੇ ਵੀ ਖ਼ਤਰਾ ਬਣਿਆ ਹੋਇਆ ਹੈ। ਰੂਸ ਦੇ ਐਮਰਜੈਂਸੀ ਮੰਤਰਾਲੇ ਦੀ ਖੇਤਰੀ ਸ਼ਾਖਾ ਨੇ ਕੈਮਚੈਟਕਾ ਲਈ ਚੇਤਾਵਨੀ ਦਿੱਤੀ ਕਿ 7.5 ਤੱਕ ਦੀ ਤੀਬਰਤਾ ਵਾਲੇ ਝਟਕੇ ਆਉਣ ਦੀ ਉਮੀਦ ਹੈ। ਇਸ ਵਿੱਚ ਕਿਹਾ ਗਿਆ ਹੈ ਕਿ ਹੋਰ ਸੁਨਾਮੀ ਅਵਾਚਾ ਖਾੜੀ ਵਿਚ ਹੋਰ ਵੀ ਸੁਨਾਮੀ ਆ ਸਕਦੀ ਹੈ, ਜਿੱਥੇ ਖੇਤਰੀ ਰਾਜਧਾਨੀ ਪੈਟ੍ਰੋਪਾਵਲੋਵਸਕ-ਕਾਮਚਟਸਕੀ ਸਥਿਤ ਹੈ। ਇਹ ਭੂਚਾਲ ਮਾਰਚ 2011 ਤੋਂ ਬਾਅਦ ਦੁਨੀਆ ਦਾ ਸਭ ਤੋਂ ਸ਼ਕਤੀਸ਼ਾਲੀ ਭੂਚਾਲ ਜਾਪਦਾ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ-ਜਾਪਾਨ ਦੀਆਂ 16 ਥਾਵਾਂ 'ਤੇ ਸੁਨਾਮੀ, ਕਈ ਦੇਸ਼ਾਂ 'ਚ ਅਲਰਟ ਜਾਰੀ

ਜਾਪਾਨ ਦੀ ਮੌਸਮ ਵਿਗਿਆਨ ਏਜੰਸੀ ਨੇ ਫੁਕੁਸ਼ੀਮਾ ਦੇ ਦੱਖਣ ਵਿੱਚ ਪ੍ਰਸ਼ਾਂਤ ਤੱਟ ਲਈ ਸੁਨਾਮੀ ਚੇਤਾਵਨੀ ਨੂੰ ਇੱਕ ਸਲਾਹ ਵਿੱਚ ਘਟਾ ਦਿੱਤਾ ਹੈ ਅਤੇ ਚੇਤਾਵਨੀਆਂ ਅਜੇ ਵੀ ਇਸਦੇ ਉੱਤਰ ਵਿੱਚ ਪ੍ਰਭਾਵੀ ਹਨ। ਹਵਾਈ ਸਟੇਟ ਡਿਪਾਰਟਮੈਂਟ ਆਫ਼ ਡਿਫੈਂਸ ਦੇ ਐਡਜੂਟੈਂਟ ਜਨਰਲ ਮੇਜਰ ਜਨਰਲ ਸਟੀਫਨ ਲੋਗਨ ਨੇ ਕਿਹਾ ਕਿ ਸਲਾਹ ਦਾ ਮਤਲਬ ਹੈ ਕਿ ਤੇਜ਼ ਧਾਰਾਵਾਂ ਅਤੇ ਖਤਰਨਾਕ ਲਹਿਰਾਂ ਦੀ ਸੰਭਾਵਨਾ ਹੈ। ਬੀਚਾਂ ਜਾਂ ਬੰਦਰਗਾਹਾਂ ਵਿੱਚ ਹੜ੍ਹ ਆਉਣ ਦੀ ਵੀ ਸੰਭਾਵਨਾ ਹੈ।
 
ਸੁਨਾਮੀ ਸੰਕਟ 'ਤੇ ਬੋਲਦੇ ਹੋਏ ਜਾਪਾਨੀ ਪ੍ਰਧਾਨ ਮੰਤਰੀ ਸ਼ਿਗੇਰੂ ਇਸ਼ੀਬਾ ਨੇ ਕਿਹਾ ਹੈ ਕਿ ਅਧਿਕਾਰੀ ਸਥਿਤੀ 'ਤੇ ਲਗਾਤਾਰ ਨਜ਼ਰ ਰੱਖ ਰਹੇ ਹਨ। ਰਾਹਤ ਅਤੇ ਬਚਾਅ ਟੀਮਾਂ ਵੀ ਅਲਰਟ 'ਤੇ ਹਨ। ਜਾਪਾਨੀ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਕਿਸੇ ਵੀ ਰਾਹਤ ਅਤੇ ਬਚਾਅ ਕਾਰਜ ਵਿੱਚ ਪਹਿਲੀ ਤਰਜੀਹ ਮਨੁੱਖੀ ਜਾਨਾਂ ਬਚਾਉਣਾ ਹੋਵੇਗੀ। ਇਸ਼ੀਬਾ ਨੇ ਨਾਗਰਿਕਾਂ ਨੂੰ ਤੱਟਾਂ ਤੋਂ ਦੂਰ ਰਹਿਣ ਅਤੇ ਉੱਚੇ ਖੇਤਰਾਂ ਵਿੱਚ ਜਾਣ ਲਈ ਕਿਹਾ ਹੈ। ਜਾਪਾਨ ਵਿੱਚ ਸੁਨਾਮੀ ਕਾਰਨ ਹੁਣ ਤੱਕ ਕਿਸੇ ਵੀ ਜਾਨ-ਮਾਲ ਦੇ ਨੁਕਸਾਨ ਦੀ ਪੁਸ਼ਟੀ ਨਹੀਂ ਹੋਈ ਹੈ। ਸੁਨਾਮੀ ਕਾਰਨ ਜਾਪਾਨ ਵਿੱਚ ਲਗਭਗ 20 ਲੱਖ ਲੋਕਾਂ ਨੂੰ ਆਪਣੇ ਘਰ ਛੱਡ ਕੇ ਸੁਰੱਖਿਅਤ ਥਾਵਾਂ 'ਤੇ ਜਾਣ ਲਈ ਕਿਹਾ ਗਿਆ ਹੈ। ਸੁਨਾਮੀ ਪ੍ਰਭਾਵਿਤ ਹੋਕਾਈਡੋ ਤੋਂ ਵੀਡੀਓ ਅਤੇ ਫੋਟੋਆਂ ਸਾਹਮਣੇ ਆਈਆਂ ਹਨ, ਜਿਸ ਵਿੱਚ ਲੋਕ ਘਰਾਂ ਦੀਆਂ ਛੱਤਾਂ 'ਤੇ ਇਕੱਠੇ ਹੁੰਦੇ ਅਤੇ ਮਦਦ ਦੀ ਬੇਨਤੀ ਕਰਦੇ ਦੇਖੇ ਜਾ ਸਕਦੇ ਹਨ। ਜਾਪਾਨੀ ਅਧਿਕਾਰੀਆਂ ਨੇ ਲੋਕਾਂ ਨੂੰ ਉੱਤਰੀ ਤੱਟਵਰਤੀ ਖੇਤਰ ਖਾਲੀ ਕਰਨ ਅਤੇ ਉੱਚੇ ਸਥਾਨਾਂ 'ਤੇ ਜਾਣ ਲਈ ਕਿਹਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਆਪਣੀ ਰਾਏ।