ਉੱਤਰ ਪੱਛਮੀ ਇੰਗਲੈਂਡ ''ਚ ਪਟੜੀ ਤੋਂ ਉਤਰੀ ਰੇਲਗੱਡੀ, ਲੰਡਨ ਸਕਾਟਲੈਂਡ ਰੂਟ ਪ੍ਰਭਾਵਿਤ

ਵੈੱਬ ਡੈਸਕ : ਸੋਮਵਾਰ ਨੂੰ ਉੱਤਰ-ਪੱਛਮੀ ਇੰਗਲੈਂਡ ਵਿੱਚ ਇੱਕ ਰੇਲਗੱਡੀ ਪਟੜੀ ਤੋਂ ਉਤਰ ਗਈ ਹੈ। ਰੇਲਵੇ ਆਪਰੇਟਰ ਅਵਾਂਤੀ ਵੈਸਟ ਕੋਸਟ ਅਨੁਸਾਰ, ਇਹ ਘਟਨਾ ਪਰਬਤੀ ਲੇਕ ਜ਼ਿਲ੍ਹਾ ਖੇਤਰ 'ਚ ਪੈਨਰਿਥ ਤੇ ਆਕਸੇਨਹੋਮ ਸਟੇਸ਼ਨਾਂ ਦੇ ਵਿਚਕਾਰ ਵਾਪਰੀ।

ਅਧਿਕਾਰੀਆਂ ਨੇ ਦੱਸਿਆ ਕਿ ਅਜੇ ਕਿਸੇ ਦੇ ਵੀ ਜ਼ਖਮੀ ਹੋਣ ਦੀ ਕੋਈ ਖਬਰ ਨਹੀਂ ਹੈ। ਟਰਾਂਸਪੋਰਟ ਸਕੱਤਰ ਹੇਡੀ ਅਲੈਗਜ਼ੈਂਡਰ ਨੇ ਵੀ ਪੁਸ਼ਟੀ ਕੀਤੀ ਹੈ ਕਿ ਕਿਸੇ ਦੇ ਜ਼ਖਮੀ ਹੋਣ ਦੀ ਕੋਈ ਰਿਪੋਰਟ ਨਹੀਂ ਹੈ। ਐਮਰਜੈਂਸੀ ਸੇਵਾਵਾਂ ਅਤੇ ਨੌਰਥ ਵੈਸਟ ਐਂਬੂਲੈਂਸ ਸਰਵਿਸ ਦਾ ਸਟਾਫ ਮੌਕੇ 'ਤੇ ਮੌਜੂਦ ਹੈ। ਅਲੈਗਜ਼ੈਂਡਰ ਨੇ ਕਿਹਾ ਕਿ ਉਹ ਇਹ ਯਕੀਨੀ ਬਣਾਉਣ ਲਈ ਤੇਜ਼ੀ ਨਾਲ ਕੰਮ ਕਰਨਗੇ ਕਿ ਲੋਕ ਸੁਰੱਖਿਅਤ ਢੰਗ ਨਾਲ ਰੇਲਗੱਡੀ ਤੋਂ ਉਤਰ ਸਕਣ।

ਘਟਨਾ ਦੇ ਮੱਦੇਨਜ਼ਰ, ਅਵਾਂਤੀ ਵੈਸਟ ਕੋਸਟ ਨੇ ਦੱਸਿਆ ਕਿ ਉਹ ਰੂਟ ਜਿਹੜਾ ਲੰਡਨ ਤੋਂ ਇੰਗਲੈਂਡ ਦੇ ਪੱਛਮੀ ਪਾਸੇ ਹੁੰਦਾ ਹੋਇਆ ਸਕਾਟਲੈਂਡ ਤੱਕ ਜਾਂਦਾ ਹੈ, ਉਸ ਦੀਆਂ ਸਾਰੀਆਂ ਲਾਈਨਾਂ ਬੰਦ ਕਰ ਦਿੱਤੀਆਂ ਗਈਆਂ ਹਨ। ਇਸ ਕਾਰਨ ਯਾਤਰਾ ਵਿੱਚ ਵੱਡੀ ਰੁਕਾਵਟ ਆਉਣ ਦੀ ਸੰਭਾਵਨਾ ਹੈ।