ਸੁਨੀਤਾ ਵਿਲੀਅਮਸ ਦੇ ਸਟਾਰਲਾਈਨਰ 'ਚੋਂ ਆ ਰਹੀਆਂ 'ਅਜੀਬ ਆਵਾਜ਼ਾਂ', ਨਾਸਾ ਵੀ ਪਰੇਸ਼ਾਨ

ਵਾਸ਼ਿੰਗਟਨ- ਬੋਇੰਗ ਦਾ ਸਟਾਰਲਾਈਨਰ ਕੈਪਸੂਲ ਤਕਨੀਕੀ ਖਰਾਬੀ ਕਾਰਨ ਜੂਨ ਤੋਂ ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ 'ਚ ਫਸਿਆ ਹੋਇਆ ਹੈ। ਹੁਣ ਸਟਾਰਲਾਈਨਰ ਨੂੰ ਲੈ ਕੇ ਇਕ ਨਵੀਂ ਜਾਣਕਾਰੀ ਸਾਹਮਣੇ ਆ ਰਹੀ ਹੈ, ਜਿਸ ਨਾਲ ਕਿਤੇ ਨਾ ਕਿਤੇ ਚਿੰਤਾ ਵਧ ਸਕਦੀ ਹੈ। ਦਰਅਸਲ ਸਟਾਰਲਾਈਨਰ ਅਜੀਬ ਆਵਾਜ਼ਾਂ ਕੱਢ ਰਿਹਾ ਹੈ। ਸ਼ਨੀਵਾਰ ਨੂੰ ਨਾਸਾ ਦੇ ਪੁਲਾੜ ਯਾਤਰੀ ਅਤੇ ਸੁਨੀਤਾ ਵਿਲੀਅਮਸ ਦੇ ਸਾਥੀ ਬੁਚ ਵਿਲਮੋਰ ਨੇ ਇਹ ਅਜੀਬ ਆਵਾਜ਼ਾਂ ਸੁਣੀਆਂ। ਇਹ ਆਵਾਜ਼ਾਂ ਪੁਲਾੜ ਯਾਨ ਦੇ ਅੰਦਰਲੇ ਸਪੀਕਰ ਤੋਂ ਆ ਰਹੀਆਂ ਸਨ। ਭਾਰਤੀ ਮੂਲ ਦੀ ਸੁਨੀਤਾ ਅਤੇ ਵਿਲਮੋਰ ਲੰਬੇ ਕੈਪਸੂਲ ਵਿੱਚ ਫਸੇ ਹੋਏ ਹਨ।

ਫਸਟਪੋਸਟ ਦੀ ਰਿਪੋਰਟ ਮੁਤਾਬਕ ਵਿਲਮੋਰ ਨੇ ਹਿਊਸਟਨ 'ਚ ਮਿਸ਼ਨ ਕੰਟਰੋਲ ਨੂੰ ਕਿਹਾ, 'ਮੇਰੇ ਕੋਲ ਸਟਾਰਲਾਈਨਰ ਬਾਰੇ ਸਵਾਲ ਹੈ। ਇੱਥੇ ਸਪੀਕਰ ਤੋਂ ਅਜੀਬ ਜਿਹੀ ਆਵਾਜ਼ ਆ ਰਹੀ ਹੈ। ਮੈਨੂੰ ਸਮਝ ਨਹੀਂ ਆ ਰਹੀ ਕਿ ਇਹ ਆਵਾਜ਼ ਕਿਉਂ ਆ ਰਹੀ ਹੈ। ਗੱਲਬਾਤ ਤੋਂ ਬਾਅਦ, ਵਿਲਮੋਰ ਨੇ ਇਸ ਆਵਾਜ਼ ਨੂੰ ਸੁਣਨ ਲਈ ਮਿਸ਼ਨ ਕੰਟਰੋਲ ਨੂੰ ਤਿਆਰ ਕੀਤਾ। ਮਿਸ਼ਨ ਕੰਟਰੋਲ ਨੇ ਵੀ ਇਹ ਆਵਾਜ਼ ਦੁਬਾਰਾ ਸੁਣੀ ਜੋ ਕਿ ਇੱਕ ਤਰ੍ਹਾਂ ਦੀ ਵਾਈਬ੍ਰੇਟਰੀ ਆਵਾਜ਼ ਸੀ। ਇਸ ਆਵਾਜ਼ ਦੇ ਪਿੱਛੇ ਕਾਰਨ ਦਾ ਪਤਾ ਨਹੀਂ ਲੱਗ ਸਕਿਆ।

ਪੜ੍ਹੋ ਇਹ ਅਹਿਮ ਖ਼ਬਰ-ਬੰਗਲਾਦੇਸ਼ 'ਚ ਹੜ੍ਹ: 11 ਜ਼ਿਲ੍ਹਿਆਂ 'ਚ 59 ਲੋਕਾਂ ਦੀ ਮੌਤ, ਹਜ਼ਾਰਾਂ ਬੇਘਰ

ਆਵਾਜ਼ਾਂ ਬਾਰੇ ਸਥਿਤੀ ਸਪਸ਼ੱਟ ਨਹੀਂ

ਵਿਲਮੋਰ ਅਤੇ ਮਿਸ਼ਨ ਨਾਲ ਗੱਲ ਕਰਦੇ ਹੋਏ ਪੁੱਛ ਹਨ ਕਿ ਸਪੇਸ ਕੈਪਸੂਲ ਤੋਂ ਆਵਾਜ਼ਾਂ ਕਿਉਂ ਆ ਰਹੀਆਂ ਹਨ। ਹੁਣ ਇਸਦਾ ਪਤਾ ਲਗਾਉਣਾ ਤੁਹਾਡੇ 'ਤੇ ਨਿਰਭਰ ਕਰਦਾ ਹੈ। ਜੇ ਤੁਸੀਂ ਸਮਝਦੇ ਹੋ, ਸਾਨੂੰ ਕਾਲ ਕਰੋ। ਵਿਲਮੋਰ ਅਤੇ ਸੁਨੀਤਾ ਵਿਲੀਅਮਸ ਸਪੇਸ ਕੈਪਸੂਲ ਵਿੱਚ ਥਰਸਟ ਫੇਲ੍ਹ ਹੋਣ ਅਤੇ ਹੀਲੀਅਮ ਲੀਕ ਹੋਣ ਕਾਰਨ ਪੁਲਾੜ ਸਟੇਸ਼ਨ 'ਤੇ ਫਸੇ ਹੋਏ ਹਨ। ਤਕਨੀਕੀ ਖਰਾਬੀ ਕਾਰਨ ਉਨ੍ਹਾਂ ਦੇ ਅੱਠ ਦਿਨਾਂ ਦੇ ਮਿਸ਼ਨ ਨੂੰ ਅੱਠ ਮਹੀਨੇ ਤੱਕ ਵਧਾ ਦਿੱਤਾ ਗਿਆ ਸੀ। ਹੁਣ ਇਨ੍ਹਾਂ ਨਵੀਆਂ ਆਵਾਜ਼ਾਂ ਨੇ ਨਵੀਆਂ ਚਿੰਤਾਵਾਂ ਨੂੰ ਜਨਮ ਦਿੱਤਾ ਹੈ।

ਸੁਨੀਤਾ ਵਿਲੀਅਮਸ ਅਤੇ ਉਸਦੇ ਸਾਥੀ ਵਿਲਮੋਰ, ਜੋ ਬੋਇੰਗ ਦੇ ਸਟਾਰਲਾਈਨਰ ਪੁਲਾੜ ਯਾਨ ਵਿੱਚ ਪੁਲਾੜ ਮਿਸ਼ਨ 'ਤੇ ਗਏ ਸਨ, ਦੇ ਫਰਵਰੀ 2025 ਵਿੱਚ ਧਰਤੀ 'ਤੇ ਵਾਪਸ ਆਉਣ ਦੀ ਉਮੀਦ ਹੈ। ਦੋਵਾਂ ਨੂੰ ਐਲਨ ਮਸਕ ਦੀ ਕੰਪਨੀ ਸਪੇਸਐਕਸ ਦੀ ਮਦਦ ਨਾਲ ਵਾਪਸ ਲਿਆਂਦਾ ਜਾਵੇਗਾ। ਨਾਸਾ ਨੇ ਹਾਲ ਹੀ ਵਿੱਚ ਦੱਸਿਆ ਕਿ ਬੋਇੰਗ ਸਟਾਰਲਾਈਨਰ ਸੁਨੀਤਾ ਵਿਲੀਅਮਸ ਅਤੇ ਬੇਲੀ ਵਿਲਮੋਰ ਤੋਂ ਬਿਨਾਂ ਵਾਪਸ ਆ ਜਾਵੇਗਾ ਅਤੇ ਫਰਵਰੀ ਵਿੱਚ ਸਪੇਸਐਕਸ ਪੁਲਾੜ ਯਾਨ ਦੁਆਰਾ ਦੋਵੇਂ ਪੁਲਾੜ ਯਾਤਰੀਆਂ ਨੂੰ ਲਿਜਾਇਆ ਜਾਵੇਗਾ। ਇਹ ਫ਼ੈਸਲਾ ਬੋਇੰਗ ਅਤੇ ਨਾਸਾ ਵਿਚਾਲੇ ਕਈ ਬੈਠਕਾਂ ਤੋਂ ਬਾਅਦ ਲਿਆ ਗਿਆ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।