ਭਾਰਤੀ ਮੂਲ ਦੀ ਬ੍ਰਿਟਿਸ਼ ਸਾਂਸਦ ਸ਼ਿਵਾਨੀ ਰਾਜਾ ਨੇ ਹੱਥ ''ਚ ਸ਼੍ਰੀਮਦਭਾਗਵਤ ਗੀਤਾ ਲੈ ਕੇ ਚੁੱਕੀ ਸਹੁੰ

ਇੰਟਰਨੈਸ਼ਨਲ ਡੈਸਕ : ਬ੍ਰਿਟੇਨ ਵਿਚ ਭਾਰਤੀ ਮੂਲ ਦੀ ਕੰਜਰਵੇਟਿਵ ਸਾਂਸਦ ਸ਼ਿਵਾਨੀ ਰਾਜਾ ਨੇ ਅੱਜ ਸੰਸਦ 'ਚ ਸ਼੍ਰੀਮਦਭਾਗਵਤ ਗੀਤਾ ਹੱਥ ਵਿਚ ਲੈ ਕੇ ਸੰਸਦ ਮੈਂਬਰ ਵਜੋਂ ਸਹੁੰ ਚੁੱਕੀ। ਸ਼ਿਵਾਨੀ ਲੈਸਟਰ ਈਸਟ ਸੀਟ ਤੋਂ ਜਿੱਤ ਕੇ ਸੰਸਦ ਪਹੁੰਚੀ ਹੈ। ਉਨ੍ਹਾਂ ਨੇ ਲੇਬਰ ਉਮੀਦਵਾਰ ਰਾਜੇਸ਼ ਅਗਰਵਾਲ ਨੂੰ 14 ਹਜ਼ਾਰ ਤੋਂ ਵੱਧ ਵੋਟਾਂ ਨਾਲ ਹਰਾਇਆ। ਦੱਸ ਦੇਈਏ ਕਿ ਇਸ ਸੀਟ ਨੂੰ ਲੇਬਰ ਪਾਰਟੀ ਦਾ ਗੜ੍ਹ ਮੰਨਿਆ ਜਾਂਦਾ ਸੀ। 1987 ਤੋਂ ਲੈ ਕੇ ਹੁਣ ਤੱਕ ਸਿਰਫ਼ ਲੇਬਰ ਉਮੀਦਵਾਰ ਹੀ ਜਿੱਤ ਕੇ ਪਾਰਲੀਮੈਂਟ ਪਹੁੰਚਿਆ ਹੈ। ਸ਼ਿਵਾਨੀ ਨੇ ਐਕਸ 'ਤੇ ਲਿਖਿਆ ਕਿ ਲੈਸਟਰ ਈਸਟ ਦੀ ਪ੍ਰਤੀਨਿਧਤਾ ਕਰਨ ਲਈ ਸੰਸਦ 'ਚ ਅੱਜ ਸਹੁੰ ਚੁੱਕਣਾ ਮਾਣ ਅਤੇ ਸਨਮਾਨ ਦੀ ਗੱਲ ਹੈ। ਸ਼੍ਰੀਮਦਭਾਗਵਤ ਗੀਤਾ ਨੂੰ ਕਿੰਗ ਚਾਰਲਸ ਪ੍ਰਤੀ ਆਪਣੀ ਵਫ਼ਾਦਾਰੀ ਦੀ ਸਹੁੰ ਚੁੱਕਣ 'ਤੇ ਮਾਣ ਹੈ।

ਇਸ ਵਾਰ ਬ੍ਰਿਟਿਸ਼ ਸੰਸਦ ਵਿਚ ਕੁੱਲ 27 ਭਾਰਤੀ ਮੂਲ ਦੇ ਉਮੀਦਵਾਰ ਜਿੱਤੇ ਹਨ। ਇਸ ਵਾਰ 263 ਮਹਿਲਾ ਉਮੀਦਵਾਰ ਜਿੱਤ ਕੇ ਸੰਸਦ 'ਚ ਪਹੁੰਚੀਆਂ ਹਨ, ਜੋ ਕੁੱਲ ਸੀਟਾਂ ਦਾ 40 ਫੀਸਦੀ ਹੈ। ਇਸ ਵਾਰ ਸਭ ਤੋਂ ਵੱਧ 90 ਕਾਲੇ ਉਮੀਦਵਾਰ ਜਿੱਤੇ। ਕੀਰ ਸਟਾਰਮਰ ਬ੍ਰਿਟੇਨ ਦੇ ਨਵੇਂ ਪ੍ਰਧਾਨ ਮੰਤਰੀ ਬਣ ਗਏ ਹਨ। ਬ੍ਰਿਟਿਸ਼ ਸੰਸਦ ਵਿਚ 650 ਸੀਟਾਂ ਹਨ, ਜਿਨ੍ਹਾਂ ਵਿੱਚੋਂ ਲੇਬਰ ਪਾਰਟੀ ਨੂੰ 412 ਸੀਟਾਂ ਮਿਲੀਆਂ ਹਨ। ਇਸ ਦੇ ਨਾਲ ਹੀ ਕੰਜ਼ਰਵੇਟਿਵ ਪਾਰਟੀ ਸਿਰਫ਼ 121 ਸੀਟਾਂ ਹੀ ਜਿੱਤ ਸਕੀ। ਇਸ ਵਾਰ ਲੇਬਰ ਪਾਰਟੀ ਦਾ ਵੋਟ ਸ਼ੇਅਰ 33.7 ਫੀਸਦੀ ਰਿਹਾ, ਜਦਕਿ ਕੰਜ਼ਰਵੇਟਿਵ ਪਾਰਟੀ ਦਾ ਵੋਟ ਸ਼ੇਅਰ 23.7 ਫੀਸਦੀ ਰਿਹਾ।

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e