ਈਰਾਨ-US ਜੰਗ ''ਚ ਰੂਸ ਦੀ ਚਾਂਦੀ! ਰੋਜ਼ਾਨਾ ਤਿਜੋਰੀ ''ਚ ਆ ਰਹੇ 71 ਅਰਬ ਰੁਪਏ

ਮਾਸਕੋ/ਵਾਸ਼ਿੰਗਟਨ: ਈਰਾਨ ਤੇ ਅਮਰੀਕਾ ਵਿਚਾਲੇ ਪਿਛਲੇ 27 ਦਿਨਾਂ ਤੋਂ ਜਾਰੀ ਜੰਗ ਨੇ ਜਿੱਥੇ ਮੱਧ ਪੂਰਬ ਤੇ ਯੂਰਪ ਦੀ ਹਾਲਤ ਪਤਲੀ ਕਰ ਦਿੱਤੀ ਹੈ, ਉੱਥੇ ਹੀ ਦੂਜੇ ਪਾਸੇ ਰੂਸ ਇਸ ਜੰਗ ਕਾਰਨ ਮਾਲਾਮਾਲ ਹੋ ਰਿਹਾ ਹੈ। ਅਮਰੀਕੀ ਪਾਬੰਦੀਆਂ ਹਟਣ ਤੋਂ ਬਾਅਦ ਰੂਸ ਰਿਕਾਰਡ ਪੱਧਰ 'ਤੇ ਤੇਲ ਵੇਚ ਰਿਹਾ ਹੈ ਤੇ ਰੋਜ਼ਾਨਾ ਲਗਭਗ 71 ਅਰਬ ਰੁਪਏ (760 ਮਿਲੀਅਨ ਡਾਲਰ) ਦੀ ਕਮਾਈ ਕਰ ਰਿਹਾ ਹੈ।

ਤੇਲ ਦੀਆਂ ਕੀਮਤਾਂ 'ਚ ਭਾਰੀ ਉਛਾਲ
ਰਿਪੋਰਟਾਂ ਮੁਤਾਬਕ ਮਾਰਚ ਮਹੀਨੇ 'ਚ ਰੂਸ ਵੱਲੋਂ 24 ਅਰਬ ਡਾਲਰ ਦਾ ਤੇਲ ਵੇਚੇ ਜਾਣ ਦੀ ਉਮੀਦ ਹੈ। ਇਹ ਪਿਛਲੇ ਤਿੰਨ ਸਾਲਾਂ 'ਚ ਰੂਸ ਦੀ ਸਭ ਤੋਂ ਵੱਡੀ ਕਮਾਈ ਹੈ, ਕਿਉਂਕਿ 2022 ਵਿੱਚ ਯੂਕਰੇਨ ਜੰਗ ਕਾਰਨ ਅਮਰੀਕਾ ਨੇ ਰੂਸੀ ਤੇਲ 'ਤੇ ਪਾਬੰਦੀ ਲਗਾ ਦਿੱਤੀ ਸੀ। ਹੁਣ ਰੂਸ ਤੇਲ 'ਤੇ ਕੋਈ ਛੋਟ ਨਹੀਂ ਦੇ ਰਿਹਾ ਤੇ 100 ਡਾਲਰ ਪ੍ਰਤੀ ਬੈਰਲ ਦੇ ਆਮ ਭਾਅ 'ਤੇ ਤੇਲ ਵੇਚ ਰਿਹਾ ਹੈ।

ਰੂਸ ਦੀ ਕਮਾਈ ਵਧਣ ਦੇ ਮੁੱਖ ਕਾਰਨ
ਹੋਰਮੁਜ਼ ਸਟ੍ਰੇਟ ਦਾ ਬੰਦ ਹੋਣਾ: ਈਰਾਨ ਜੰਗ ਕਾਰਨ ਹੋਰਮੁਜ਼ ਸਟ੍ਰੇਟ (Hormuz Strait) ਲਗਭਗ ਬੰਦ ਹੈ, ਜਿਸ ਕਾਰਨ ਖਾੜੀ ਦੇਸ਼ਾਂ ਤੋਂ ਤੇਲ ਦੀ ਸਪਲਾਈ ਠੱਪ ਹੋ ਗਈ ਹੈ। ਇਸ ਕਾਰਨ ਦੁਨੀਆ ਭਰ ਦੇ ਦੇਸ਼ ਰੂਸ ਤੋਂ ਤੇਲ ਖਰੀਦਣ ਲਈ ਮਜਬੂਰ ਹਨ।

ਭਾਰਤ ਤੇ ਚੀਨ ਦੀ ਭੂਮਿਕਾ: ਭਾਰਤ ਤੇ ਚੀਨ ਨੇ ਰੂਸ ਤੋਂ ਤੇਲ ਦੀ ਖਰੀਦ ਕਾਫੀ ਵਧਾ ਦਿੱਤੀ ਹੈ। ਅੰਕੜਿਆਂ ਅਨੁਸਾਰ, ਭਾਰਤ ਨੇ ਫਰਵਰੀ 2026 ਦੇ ਮੁਕਾਬਲੇ ਮਾਰਚ 2026 ਵਿੱਚ ਰੂਸ ਤੋਂ 72 ਫੀਸਦੀ ਜ਼ਿਆਦਾ ਤੇਲ ਖਰੀਦਣ ਦਾ ਫੈਸਲਾ ਕੀਤਾ ਹੈ।

ਈਰਾਨ ਦੀ ਮਦਦ ਕਰ ਰਿਹਾ ਹੈ ਰੂਸ?
ਇਹ ਵੀ ਖਬਰਾਂ ਸਾਹਮਣੇ ਆ ਰਹੀਆਂ ਹਨ ਕਿ ਰੂਸ ਇਸ ਜੰਗ ਵਿੱਚ ਈਰਾਨ ਦੀ ਮਦਦ ਕਰ ਰਿਹਾ ਹੈ। ਸੂਤਰਾਂ ਮੁਤਾਬਕ ਰੂਸ ਈਰਾਨ ਨੂੰ ਡਰੋਨ, ਹਥਿਆਰ ਅਤੇ ਖਾਣ-ਪੀਣ ਦਾ ਸਾਮਾਨ ਭੇਜ ਰਿਹਾ ਹੈ। ਇੰਨਾ ਹੀ ਨਹੀਂ, ਪੱਛਮੀ ਖੁਫੀਆ ਏਜੰਸੀਆਂ ਦਾ ਦਾਅਵਾ ਹੈ ਕਿ ਰੂਸ ਆਪਣੇ ਸੈਟੇਲਾਈਟ ਰਾਹੀਂ ਇਜ਼ਰਾਈਲ ਅਤੇ ਅਮਰੀਕੀ ਟਿਕਾਣਿਆਂ ਦੀ ਜਾਣਕਾਰੀ ਵੀ ਈਰਾਨ ਨਾਲ ਸਾਂਝੀ ਕਰ ਰਿਹਾ ਹੈ, ਜਿਸ ਦੇ ਆਧਾਰ 'ਤੇ ਈਰਾਨ ਮਿਜ਼ਾਈਲ ਹਮਲੇ ਕਰਦਾ ਹੈ। ਹਾਲਾਂਕਿ, ਰੂਸ ਨੇ ਇਨ੍ਹਾਂ ਦੋਸ਼ਾਂ ਨੂੰ ਸਿਰੇ ਤੋਂ ਨਕਾਰਦਿਆਂ ਕਿਹਾ ਹੈ ਕਿ ਉਸ ਨੇ ਸਿਰਫ ਜ਼ਰੂਰੀ ਦਵਾਈਆਂ ਹੀ ਈਰਾਨ ਭੇਜੀਆਂ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e