ਅਮਰੀਕੀ ਫੌਜ ਨੇ ਹਿੰਦ ਮਹਾਸਾਗਰ ''ਚ ਜ਼ਬਤ ਕੀਤਾ ਈਰਾਨ ਨਾਲ ਸਬੰਧਿਤ ਤੇਲ ਟੈਂਕਰ ''ਮੈਜੇਸਟਿਕ ਐਕਸ''

ਦੁਬਈ: ਅਮਰੀਕੀ ਫੌਜ ਨੇ ਵੀਰਵਾਰ ਨੂੰ ਐਲਾਨ ਕੀਤਾ ਹੈ ਕਿ ਉਸ ਨੇ ਹਿੰਦ ਮਹਾਸਾਗਰ ਵਿੱਚ ਈਰਾਨ ਨਾਲ ਜੁੜੇ ਇੱਕ ਹੋਰ ਤੇਲ ਟੈਂਕਰ ਨੂੰ ਜ਼ਬਤ ਕਰ ਲਿਆ ਹੈ। ਅਮਰੀਕੀ ਰੱਖਿਆ ਵਿਭਾਗ (Pentagon) ਅਨੁਸਾਰ, 'ਮੈਜੇਸਟਿਕ ਐਕਸ' ਨਾਮਕ ਇਸ ਜਹਾਜ਼ ਦੀ ਵਰਤੋਂ ਈਰਾਨੀ ਤੇਲ ਦੀ ਤਸਕਰੀ ਕਰਨ ਵਾਲੇ ਇੱਕ ਗੈਰ-ਕਾਨੂੰਨੀ ਨੈੱਟਵਰਕ ਵਜੋਂ ਕੀਤੀ ਜਾ ਰਹੀ ਸੀ।

ਰੱਖਿਆ ਵਿਭਾਗ ਨੇ ਸਪੱਸ਼ਟ ਕੀਤਾ ਹੈ ਕਿ ਉਹ ਅਜਿਹੇ ਨੈੱਟਵਰਕਾਂ ਨੂੰ ਰੋਕਣਾ ਜਾਰੀ ਰੱਖਣਗੇ ਜੋ ਈਰਾਨ ਨੂੰ ਰਸਦ ਸਹਾਇਤਾ ਪ੍ਰਦਾਨ ਕਰਦੇ ਹਨ, ਚਾਹੇ ਉਹ ਜਹਾਜ਼ ਦੁਨੀਆ ਦੇ ਕਿਸੇ ਵੀ ਹਿੱਸੇ ਵਿੱਚ ਕਿਉਂ ਨਾ ਹੋਣ। ਇਹ ਕਾਰਵਾਈ ਈਰਾਨ ਵੱਲੋਂ ਬੁੱਧਵਾਰ ਨੂੰ ਹੋਰਮੁਜ਼ ਦੀ ਖਾੜੀ ਵਿੱਚ ਤਿੰਨ ਮਾਲਵਾਹਕ ਜਹਾਜ਼ਾਂ 'ਤੇ ਕੀਤੇ ਗਏ ਹਮਲੇ ਅਤੇ ਉਨ੍ਹਾਂ ਵਿੱਚੋਂ ਦੋ ਨੂੰ ਕਬਜ਼ੇ ਵਿੱਚ ਲੈਣ ਤੋਂ ਬਾਅਦ ਕੀਤੀ ਗਈ ਹੈ।

ਸ਼੍ਰੀਲੰਕਾ ਤੇ ਇੰਡੋਨੇਸ਼ੀਆ ਦੇ ਵਿਚਕਾਰ ਹੋਈ ਜ਼ਬਤੀ
ਜਹਾਜ਼ ਦੀ ਨਿਗਰਾਨੀ ਕਰਨ ਵਾਲੇ ਅੰਕੜਿਆਂ ਤੋਂ ਪਤਾ ਲੱਗਾ ਹੈ ਕਿ 'ਮੈਜੇਸਟਿਕ ਐਕਸ' ਹਿੰਦ ਮਹਾਸਾਗਰ 'ਚ ਸ਼੍ਰੀਲੰਕਾ ਤੇ ਇੰਡੋਨੇਸ਼ੀਆ ਦੇ ਵਿਚਕਾਰ ਸਥਿਤ ਸੀ। ਇਹ ਲਗਭਗ ਉਹੀ ਸਥਾਨ ਹੈ ਜਿੱਥੇ ਅਮਰੀਕੀ ਫੌਜ ਨੇ ਪਹਿਲਾਂ 'ਟਿਫਾਨੀ' ਨਾਮਕ ਤੇਲ ਟੈਂਕਰ ਨੂੰ ਆਪਣੇ ਕਬਜ਼ੇ 'ਚ ਲਿਆ ਸੀ। ਰੱਖਿਆ ਵਿਭਾਗ ਨੇ ਇਸ ਕਾਰਵਾਈ ਦੀ ਇਕ ਵੀਡੀਓ ਫੁਟੇਜ ਵੀ ਜਾਰੀ ਕੀਤੀ ਹੈ, ਜਿਸ ਵਿੱਚ ਅਮਰੀਕੀ ਸੈਨਿਕ ਜਹਾਜ਼ 'ਤੇ ਸਵਾਰ ਨਜ਼ਰ ਆ ਰਹੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e