ਮਾਸਕੋ ਚੋਣਾਂ ''ਚ ਕ੍ਰੇਮਲਿਨ ਸਮਰਥਕ ਉਮੀਦਵਾਰਾਂ ਦੀ ਵੱਡੀ ਹਾਰ

ਮਾਸਕੋ (ਭਾਸ਼ਾ)— ਵਿਰੋਧੀ ਧਿਰ ਦੀ ਰਣਨੀਤਕ ਮੁਹਿੰਮ ਦੇ ਬਾਅਦ ਮਾਸਕੋ ਬੌਡੀ ਚੋਣਾਂ ਵਿਚ ਕ੍ਰੇਮਲਿਨ ਸਮਰਥਕ ਉਮੀਦਵਾਰਾਂ ਨੂੰ ਵੱਡੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਰੂਸ ਦੀਆਂ ਸਮਾਚਾਰ ਏਜੰਸੀਆਂ ਨੇ ਸੋਮਵਾਰ ਨੂੰ ਇਸ ਬਾਰੇ ਜਾਣਕਾਰੀ ਦਿੱਤੀ। ਲੱਗਭਗ ਸਾਰੀਆਂ ਵੋਟਾਂ ਦੀ ਗਿਣਤੀ ਹੋ ਚੁੱਕੀ ਹੈ। ਸੱਤਾਧਾਰੀ ਯੂਨਾਈਟਿਡ ਰਸ਼ੀਆ ਪਾਰਟੀ ਵਿਰੁੱਧ ਗਠਜੋੜ ਕਰ ਕੇ ਲੜਨ ਵਾਲੇ ਆਜ਼ਾਦ, ਕਮਿਊਨਿਸਟ ਅਤੇ ਉਦਾਰਵਾਦੀ ਉਮੀਦਵਾਰਾਂ ਨੂੰ ਮਹੱਤਵਪੂਰਣ ਬੜਤ ਮਿਲੀ ਹੈ। 

ਇੰਟਰਫੈਕਸ ਅਤੇ ਰੀਆ ਨੋਵੋਸਤੀ ਮੁਤਾਬਕ ਪਿਛਲੀ ਅਸੈਂਬਲੀ ਚੋਣਾਂ ਵਿਚ ਸਿਰਫ 5 ਸੀਟਾਂ ਜਿੱਤਣ ਵਾਲੇ ਕਮਿਊਨਿਸਟਾਂ ਨੇ 13 ਜਾਂ 14 ਸੀਟਾਂ 'ਤੇ ਬੜਤ ਬਣਾਈ। ਲਿਬਰਲ ਯਾਬਲੋਕੋ ਪਾਰਟੀ ਅਤੇ ਜਸਟ ਏਸ਼ੀਆ ਪਾਰਟੀ ਨੂੰ 3-3 ਸੀਟਾਂ ਮਿਲੀਆਂ ਹਨ ਜਦਕਿ ਪਹਿਲਾਂ ਦੀਆਂ ਚੋਣਾਂ ਵਿਚ ਦੋਹਾਂ ਦਲਾਂ ਨੂੰ ਇਕ ਵੀ ਸੀਟ ਨਹੀਂ ਮਿਲੀ ਸੀ। ਕ੍ਰੇਮਲਿਨ ਸਮਰਥਕ ਪ੍ਰਤੀਨਿਧੀਆਂ ਨੇ 2014 ਦੀ ਅਸੈਂਬਲੀ ਚੋਣਾਂ ਵਿਚ 45 ਵਿਚੋਂ 38 ਸੀਟਾਂ 'ਤੇ ਕਬਜ਼ਾ ਕੀਤਾ ਸੀ। ਇਸ ਵਿਚ 28 ਉਮੀਦਵਾਰ ਯੂਨਾਈਟਿਡ ਏਸ਼ੀਆ ਪਾਰਟੀ ਦੇ ਸਨ। ਗਠਜੋੜ 'ਤੇ ਰੋਕ ਲੱਗਣ ਦੇ ਬਾਅਦ ਮੁਖ ਵਿਰੋਧੀ ਨੇਤਾ ਐਲੇਕਸੇਈ ਨਵਾਲਨੀ ਨੇ ਮਾਸਕੋਵਾਸੀਆਂ ਨੂੰ ਅਜਿਹੇ ਉਮੀਦਵਾਰਾਂ ਦਾ ਸਮਰਥਨ ਕਰਨ ਅਪੀਲ ਕੀਤੀ ਸੀ ਜਿਨ੍ਹਾਂ ਦੇ ਜਿੱਤਣ ਦੀ ਸੰਭਾਵਨਾ ਸਭ ਤੋਂ ਵੱਧ ਹੈ।