ਇਸ ਬੀਬੀ ਨੇ ''ਬ੍ਰੀਫਕੇਸ'' ਨਾਲ ਕੀਤਾ ਵਿਆਹ, ਸ਼ੇਅਰ ਕੀਤੀ ਅਜੀਬੋ-ਗਰੀਬ ਪ੍ਰੇਮ ਕਹਾਣੀ

ਮਾਸਕੋ (ਬਿਊਰੋ): ਹਰੇਕ ਇਨਸਾਨ ਦੀ ਆਪਣੀ ਪਸੰਦ ਹੁੰਦੀ ਹੈ। ਜੇਕਰ ਕੋਈ ਆਪਣੀ ਪਸੰਦੀਦਾ ਚੀਜ਼ ਨੂੰ ਹੀ ਜੀਵਨਸਾਥੀ ਬਣਾ ਲਵੇ ਤਾਂ ਹੈਰਾਨੀ ਹੋਣਾ ਲਾਜ਼ਮੀ ਹੈ। ਅਜਿਹਾ ਹੀ ਇਕ ਮਾਮਲਾ ਰੂਸ ਦਾ ਸਾਹਮਣੇ ਆਇਆ ਹੈ।ਰੂਸ ਦੀ ਇਕ 24 ਸਾਲਾ ਬੀਬੀ ਦਾ ਕਹਿਣਾ ਹੈ ਕਿ ਉਹ ਇਨਸਾਨਾਂ ਵੱਲ ਨਹੀਂ ਸਗੋਂ ਵੱਖ-ਵੱਖ ਬੇਜ਼ਾਨ ਚੀਜ਼ਾਂ ਵੱਲ ਆਕਰਸ਼ਿਤ ਹੁੰਦੀ ਹੈ। ਹੈਰਾਨੀ ਦੀ ਗੱਲ ਹੈ ਕਿ ਇਸ ਆਕਰਸ਼ਣ ਦੇ ਕਾਰਨ ਉਹ ਇਕ ਬ੍ਰੀਫਕੇਸ ਨਾਲ ਵਿਆਹ ਕਰਾ ਚੁੱਕੀ ਹੈ। ਰੇਨ ਗਾਰਡਨ ਨਾਮ ਦੀ ਇਸ ਬੀਬੀ ਦਾ ਕਹਿਣਾ ਹੈ ਕਿ ਉਹ ਇਸ ਬ੍ਰੀਫਕੈਸ ਦੇ ਨਾਲ ਜਿੰਨਾਂ ਕੁਨੈਕਸ਼ਨ ਮਹਿਸੂਸ ਕਰਦੀ ਹੈ ਉਨਾਂ ਕਿਸੇ ਇਨਸਾਨ ਦੇ ਨਾਲ ਨਹੀਂ ਕਰ ਪਾਈ ਹੈ।

ਰੇਨ ਨਰਸਰੀ ਸਕੂਲ ਟੀਚਰ ਹੈ ਅਤੇ ਉਹ ਬਚਪਨ ਤੋਂ ਹੀ ਮੰਨਦੀ ਆਈ ਹੈ ਕਿ ਜਿਉਂਦੀਆਂ ਚੀਜ਼ਾਂ ਤੋਂ ਲੈਕੇ ਬੇਜ਼ਾਨ ਚੀਜ਼ਾਂ ਵਿਚ ਵੀ ਆਤਮਾ ਹੁੰਦੀ ਹੈ। ਉਹ ਜਾਨਵਰਾਂ ਦੇ ਕੰਨਸੈਪਟ ਵਿਚ ਵੀ ਵਿਸ਼ਵਾਸ ਕਰਦੀ ਹੈ। ਜਿਸ ਦਾ ਮਤਲਬ ਹੁੰਦਾ ਹੈ ਕਿ ਹਰ ਚੀਜ਼ ਵਿਚ ਜ਼ਿੰਦਗੀ ਹੁੰਦੀ ਹੈ। ਰੇਨ ਨੇ 'ਦੀ ਮਿਰਰ' ਦੇ ਨਾਲ ਗੱਲਬਾਤ ਵਿਚ ਕਿਹਾ ਕਿ ਪਹਿਲਾਂ ਉਸ ਨੂੰ ਵੱਖ-ਵੱਖ ਚੀਜ਼ਾਂ ਨੂੰ ਲੈ ਕੇ ਉਤਸੁਕਤਾ ਹੁੰਦੀ ਸੀ ਅਤੇ ਹੁਣ ਉਸ ਦੀ ਇਹ ਉਤਸੁਕਤਾ ਰੁਮਾਂਟਿਕ ਆਕਰਸ਼ਣ ਵਿਚ ਬਦਲ ਚੁੱਕੀ ਹੈ। 

ਰੇਨ ਨੇ ਆਪਣੇ ਭਵਿੱਖ ਦੇ ਪਤੀ ਨੂੰ ਸਾਲ 2015 ਵਿਚ ਖਰੀਦਿਆ ਸੀ। ਉਸ ਨੇ ਇਸ ਬ੍ਰੀਫਕੇਸ ਨੂੰ ਇਕ ਹਾਰਡਵੇਅਰ ਦੁਕਾਨ ਤੋਂ ਖਰੀਦਿਆ ਸੀ। ਇਸ ਬਾਰੇ ਵਿਚ ਰੇਨ ਨੇ ਗੱਲ ਕਰਦਿਆਂ ਕਿਹਾ ਕਿ ਮੈਨੂੰ ਕੋਈ ਅੰਦਾਜ਼ਾ ਨਹੀਂ ਸੀਕਿ ਅਸੀਂ ਵਿਆਹ ਕਰ ਲਵਾਂਗੇ। ਮੈਨੂੰ ਉਸ ਨੂੰ ਦੇਖਣਾ ਬਹੁਤ ਚੰਗਾ ਲੱਗਦਾ ਸੀ। ਅਸੀਂ ਸ਼ਾਮ ਅਤੇ ਰਾਤ ਨੂੰ ਇਕੱਠੇ ਸਮਾਂ ਬਿਤਾਉਂਦੇ ਸੀ ਅਤੇ ਅਸੀਂ ਫਲਸਫੇ ਨਾਲ ਜੁੜੀਆਂ ਕਾਫੀ ਗੱਲਾਂ ਕਰਦੇ ਸੀ।

ਫਿਰ ਹੌਲੀ-ਹੌਲੀ ਮੈਨੂੰ ਅਹਿਸਾਸ ਹੋਇਆ ਕਿ ਮੈਂ ਇਸ ਬ੍ਰੀਫਕੇਸ ਨੂੰ ਪਸੰਦ ਕਰਨ ਲੱਗੀ ਹਾਂ। ਉਸ ਨੇ ਕਿਹਾ ਕਿ ਗਿਡਿਯਾਨ (ਬ੍ਰੀਫਕੇਸ ਦਾ ਨਾਮ) ਸਿਰਫ ਮੇਰਾ ਪਾਰਟਨਰ ਨਹੀਂ ਹੈ ਸਗੋਂ ਉਹ ਮੇਰਾ ਪਤੀ ਹੈ, ਦੋਸਤ ਹੈ ਅਤੇ ਸਲਾਹਕਾਰ ਵੀ ਹੈ। ਮੈਨੂੰ ਕਦੇ-ਕਦੇ ਲੱਗਦਾ ਹੈਕਿ ਉਹ ਮੈਨੂੰ ਮੇਰੇ ਨਾਲੋਂ ਬਿਹਤਰ ਢੰਗ ਨਾਲ ਸਮਝ ਪਾਉਂਦਾ ਹੈ। 

ਪੜ੍ਹੋ ਇਹ ਅਹਿਮ ਖਬਰ- ਚੰਨ ਦੀ ਸਤਹਿ ਤੋਂ ਨਮੂਨੇ ਲੈ ਕੇ ਧਰਤੀ 'ਤੇ ਪਰਤੀ ਚੀਨ ਦੀ ਪੁਲਾੜ ਗੱਡੀ

ਸਾਡਾ ਰੂਹਾਨੀ ਕੁਨੈਕਸ਼ਨ ਅਤੇ ਕਮਿਊਨੀਕੇਸ਼ਨ ਟੇਲੀਪੈਥੀ ਦੇ ਜ਼ਰੀਏ ਸੰਭਵ ਹੋ ਪਾਉਂਦਾ ਹੈ। ਮੈਂ ਉਸ ਨੂੰ ਸੁਣਦੀ ਹਾਂ ਅਤੇ ਉਹ ਮੇਰੀ ਗੱਲ ਸੁਣਦਾ ਹੈ ਪਰ ਆਮ ਲੋਕਾਂ ਨੂੰ ਸਿਰਫ ਮੇਰੀ ਗੱਲ ਸੁਣਾਈ ਦਿੰਦੀ ਹੈ। ਰੇਨ ਨੇ ਕਿਹਾ ਕਿ ਮੈਂ ਸਾਲ 2017 ਵਿਚ ਇਕ ਸ਼ਖਸ ਨੂੰ ਡੇਟ ਕਰ ਰਹੀ ਸੀ ਅਤੇ ਇਹ ਰਿਸ਼ਤਾ 2 ਸਾਲ ਤੱਕ ਚੱਲਿਆ ਪਰ ਇਸ ਰਿਸ਼ਤੇ ਦਾ ਅੰਤ ਠੀਕ ਨਹੀਂ ਹੋਇਆ। ਉਸ ਨੂੰ ਪਤਾ ਸੀ ਕਿ ਮੈਨੂੰ ਬੇਜ਼ਾਨ ਚੀਜ਼ਾਂ ਪਸੰਦ ਹਨ ਅਤੇ ਇਹ ਸਾਡੇ ਬ੍ਰੇਕਅੱਪ ਦਾ ਇਕ ਮਹੱਤਵਪੂਰਣ ਕਾਰਨ ਸੀ। ਮੈ ਉਸ ਦੇ ਨਾਲ ਕੁਨੈਕਟ ਨਹੀਂ ਕਰ ਪਾਈ ਸੀ। ਜਦੋਂ ਮੈਨੂੰ ਇਨਸਾਨ ਅਤੇ ਗਿਡਿਯਾਨ ਵਿਚੋਂ ਕਿਸੇ ਇਕ ਨੂੰ ਚੁਣਨਾ ਪਿਆ ਤਾਂ ਮੈਂ ਗਿਡਿਯਾਨ ਨੂੰ ਚੁਣਿਆ।ਮੇਰਾ ਮੰਨਣਾ ਹੈ ਕਿ ਇਨਸਾਨਾਂ ਨਾਲੋਂ ਬਿਹਤਰ ਵਸਤਾਂ ਹੁੰਦੀਆਂ ਹਨ। ਰੇਨ ਆਪਣੇ ਇਸ ਰਿਸ਼ਤੇ ਦੇ ਬਾਰੇ ਵਿਚ ਪਰਿਵਾਰ ਨੂੰ ਵੀ ਦੱਸ ਚੁੱਕੀ ਹੈ ਅਤੇ ਉਹ ਵੀ ਇਸ ਰਿਸ਼ਤੇ ਨੂੰ ਸਵੀਕਾਰ ਕਰ ਚੁੱਕੇ ਹਨ।

ਨੋਟ- 24 ਸਾਲਾ ਬੀਬੀ ਨੇ 'ਬ੍ਰੀਫਕੇਸ' ਨਾਲ ਕੀਤਾ ਵਿਆਹ, ਖ਼ਬਰ ਬਾਰੇ ਦੱਸੋ ਆਪਣੀ ਰਾਏ।