ਚੀਨ ''ਚ ਮੋਹਲੇਧਾਰ ਮੀਂਹ ਕਾਰਨ 14 ਲੋਕਾਂ ਦੀ ਮੌਤ
Monday, Aug 07, 2023 - 02:52 PM (IST)
ਚਾਂਗਚੁਨ (ਵਾਰਤਾ)- ਚੀਨ ਦੇ ਉੱਤਰ-ਪੂਰਬੀ ਸੂਬੇ ਜਿਲਿਨ ਦੇ ਸ਼ੂਲਾਨ ਸ਼ਹਿਰ 'ਚ ਲਗਾਤਾਰ ਪੈ ਰਹੇ ਭਾਰੀ ਮੀਂਹ ਕਾਰਨ ਘੱਟੋ-ਘੱਟ 14 ਲੋਕਾਂ ਦੀ ਮੌਤ ਹੋ ਗਈ ਅਤੇ ਇਕ ਵਿਅਕਤੀ ਲਾਪਤਾ ਹੋ ਗਿਆ। ਸਥਾਨਕ ਅਧਿਕਾਰੀਆਂ ਨੇ ਸੋਮਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਅਧਿਕਾਰੀਆਂ ਨੇ ਅੱਜ ਇੱਥੇ ਦੱਸਿਆ ਕਿ ਇਸ ਸਮੇਂ ਜਲ ਭੰਡਾਰਾਂ ਅਤੇ ਵੱਡੀਆਂ ਨਦੀਆਂ ਵਿੱਚ ਪਾਣੀ ਦਾ ਪੱਧਰ ਹੁਣ ਸੁਰੱਖਿਅਤ ਸੀਮਾਵਾਂ ਤੱਕ ਘੱਟ ਗਿਆ ਹੈ।
ਪਿਛਲੇ ਮੰਗਲਵਾਰ ਰਾਤ ਤੋਂ ਸ਼ੂਲਨ ਵਿੱਚ ਲਗਾਤਾਰ ਮੀਂਹ ਪੈ ਰਿਹਾ ਹੈ ਪਰ ਹੁਣ ਮੀਂਹ ਦੇ ਘੱਟ ਹੋਣ ਦੇ ਆਸਾਰ ਹਨ। ਸਥਾਨਕ ਸਰਕਾਰ ਨੇ ਆਮ ਜਨਜੀਵਨ ਬਹਾਲ ਕਰਨ, ਸੜਕਾਂ ਦੀ ਮੁਰੰਮਤ, ਬਿਜਲੀ ਅਤੇ ਸੰਚਾਰ ਬਹਾਲ ਕਰਨ ਲਈ ਵੱਖ-ਵੱਖ ਬਚਾਅ ਬਲਾਂ ਨੂੰ ਤਾਇਨਾਤ ਕੀਤਾ ਹੈ।
