ਗਲਾਸਗੋ 'ਚ ਛੁਰੇਬਾਜ਼ੀ ਕਰਨ ਵਾਲੇ ਹਮਲਾਵਰ ਦੀ ਪੁਲਸ ਨੇ ਜਾਰੀ ਕੀਤੀ ਤਸਵੀਰ

ਗਲਾਸਗੋ, (ਮਨਦੀਪ ਖੁਰਮੀ ਹਿੰਮਤਪੁਰਾ)- ਪਿਛਲੇ ਦਿਨੀਂ ਗਲਾਸਗੋ ਵਿਚ ਛੇ ਲੋਕਾਂ ਨੂੰ ਚਾਕੂ ਮਾਰਨ ਵਾਲੇ ਹਮਲਾਵਰ ਨੂੰ ਪੁਲਸ ਵਲੋਂ ਗੋਲੀ ਮਾਰ ਕੇ ਢੇਰ ਕਰ ਦਿੱਤਾ ਗਿਆ ਸੀ ਤੇ ਹੁਣ ਪੁਲਸ ਨੇ ਹਮਲਾਵਰ ਦੀ ਤਸਵੀਰ ਜਾਰੀ ਕੀਤੀ ਹੈ। ਪੁਲਸ ਨੇ ਪਹਿਲਾਂ ਸ਼ੱਕੀ ਵਿਅਕਤੀ ਦਾ ਨਾਮ ਜਨਤਕ ਕੀਤਾ ਸੀ, ਜਿਸ ਦੀ ਪਛਾਣ ਸੂਡਾਨ ਦੇ ਰਹਿਣ ਵਾਲੇ 28 ਸਾਲਾ ਬਦਰੇਦੀਨ ਅਬਦੁੱਲਾ ਆਦਮ ਵਜੋਂ ਕੀਤੀ ਗਈ।

ਇਕ ਬਿਆਨ 'ਚ ਸਕਾਟਲੈਂਡ ਪੁਲਸ ਨੇ ਕਿਹਾ ਕਿ ਮ੍ਰਿਤਕ ਦੀ ਪਛਾਣ ਇਸ ਸਾਲ ਦੇ ਸ਼ੁਰੂ 'ਚ ਗ੍ਰਹਿ ਦਫਤਰ ਨੂੰ ਦਿੱਤੀ ਜਾਣਕਾਰੀ' ਤੇ ਅਧਾਰਤ ਸੀ। ਜ਼ਿਕਰਯੋਗ ਹੈ ਕਿ ਇਸ ਹਮਲੇ ਵਿਚ ਇੱਕ ਕਾਂਸਟੇਬਲ ਡੇਵਿਡ ਵੌਇਟ ਸ਼ੁੱਕਰਵਾਰ ਨੂੰ ਵੈਸਟ ਜਾਰਜ ਸਟ੍ਰੀਟ ਦੇ ਪਾਰਕ ਇਨ ਹੋਟਲ ਵਿੱਚ ਹੋਏ ਹਮਲੇ ਵਿੱਚ ਜ਼ਖਮੀ ਹੋਏ ਛੇ ਲੋਕਾਂ ਵਿੱਚੋਂ ਇੱਕ ਸੀ। ਪੁਲਸ ਸਕਾਟਲੈਂਡ ਨੇ ਕਿਹਾ ਕਿ ਜ਼ਖਮੀ ਹੋਏ ਹੋਰ ਤਿੰਨ ਵਿਅਕਤੀ ਪਨਾਹ ਲੈਣ ਵਾਲੇ ਹਨ, ਜਦਕਿ ਦੋ ਹੋਟਲ ਸਟਾਫ ਦੇ ਮੈਂਬਰ ਹਨ। ਸਾਰੇ ਅਜੇ ਹਸਪਤਾਲ ਵਿੱਚ ਹੀ ਜ਼ੇਰੇ ਇਲਾਜ ਹਨ। ਦੋਸ਼ੀ ਦੇ ਇੱਕ ਦੋਸਤ ਅਲਮਾਦੀ ਮੁਤਾਬਕ ਐਡਮ ਦਸੰਬਰ ਵਿੱਚ ਯੂ. ਕੇ. ਆਇਆ ਸੀ।