ਨਿਊਜ਼ੀਲੈਂਡ ''ਚ ਬਚਾਈਆਂ ਗਈਆਂ 30 ਤੋਂ ਵੱਧ ਵ੍ਹੇਲ ਮੱਛੀਆਂ

ਵੈਲਿੰਗਟਨ (ਪੋਸਟ ਬਿਊਰੋ)- ਨਿਊਜ਼ੀਲੈਂਡ ਦੇ ਇਕ ਬੀਚ 'ਤੇ 30 ਤੋਂ ਵੱਧ ਵ੍ਹੇਲ ਮੱਛੀਆਂ ਨੂੰ ਬਚਾਅ ਕਰਮਚਾਰੀਆਂ ਅਤੇ ਸਥਾਨਕ ਲੋਕਾਂ ਨੇ ਸ਼ੀਟਾਂ ਦੀ ਮਦਦ ਨਾਲ ਵਾਪਸ ਸਮੁੰਦਰ 'ਚ ਛੱਡ ਦਿੱਤਾ। ਇਹ ਜਾਣਕਾਰੀ ਦਿੰਦਿਆਂ ਨਿਊਜ਼ੀਲੈਂਡ ਦੀ ਕੰਜ਼ਰਵੇਸ਼ਨ ਏਜੰਸੀ ਨੇ ਦੱਸਿਆ ਕਿ ਚਾਰ ਵ੍ਹੇਲਾਂ ਦੀ ਮੌਤ ਹੋ ਗਈ। ਨਿਊਜ਼ੀਲੈਂਡ ਵਿੱਚ ਵ੍ਹੇਲ ਮੱਛੀਆਂ ਅਕਸਰ ਤੱਟਵਰਤੀ ਖੇਤਰਾਂ ਵਿੱਚ ਆਉਂਦੀਆਂ ਹਨ ਅਤੇ ਇੱਥੇ ਖਾਸ ਤੌਰ 'ਤੇ 'ਪਾਇਲਟ' ਪ੍ਰਜਾਤੀ ਦੀਆਂ ਵ੍ਹੇਲਾਂ ਵੱਡੀ ਗਿਣਤੀ ਵਿੱਚ ਸਮੁੰਦਰੀ ਕਿਨਾਰੇ ਆਉਂਦੀਆਂ ਹਨ। 

ਪੜ੍ਹੋ ਇਹ ਅਹਿਮ ਖ਼ਬਰ-ਪਾਕਿਸਤਾਨ 'ਚ ਬਣੇਗੀ ਭਗਤ ਸਿੰਘ ਹੈਰੀਟੇਜ ਗੈਲਰੀ, ਯਾਦਗਾਰਾਂ ਚੀਜ਼ਾਂ ਹੋਣਗੀਆਂ ਸ਼ਾਮਲ

ਸੁਰੱਖਿਆ ਵਿਭਾਗ ਨੇ ਕਿਹਾ ਕਿ ਨਿਊਜ਼ੀਲੈਂਡ ਦੇ ਉੱਤਰ ਵਿੱਚ ਵੰਗਾਰੇਈ ਕਸਬੇ ਨੇੜੇ ਰੁਆਕਾਕਾ ਬੀਚ 'ਤੇ ਐਤਵਾਰ ਨੂੰ ਬਚਾਈਆਂ ਗਈਆਂ ਵ੍ਹੇਲ ਦੀ ਇੱਕ ਟੀਮ ਦੁਆਰਾ ਨਿਗਰਾਨੀ ਕੀਤੀ ਜਾ ਰਹੀ ਸੀ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਉਹ ਕਿਨਾਰੇ 'ਤੇ ਵਾਪਸ ਨਾ ਆ ਜਾਣ। ਸੈਂਕੜੇ ਲੋਕਾਂ ਵੱਲੋਂ ਵ੍ਹੇਲ ਮੱਛੀਆਂ ਨੂੰ ਬਚਾਉਣ ਲਈ ਕੀਤੇ ਗਏ ਯਤਨਾਂ ਦੀ ਕਾਫੀ ਸ਼ਲਾਘਾ ਕੀਤੀ ਗਈ ਹੈ। ਵਿਭਾਗ ਦੇ ਬੁਲਾਰੇ ਜੋਏਲ ਲੌਟਰਬਾਕ ਨੇ ਇੱਕ ਬਿਆਨ ਵਿੱਚ ਕਿਹਾ,"ਲੋਕਾਂ ਨੇ ਇਨ੍ਹਾੰ ਸ਼ਾਨਦਾਰ ਮੱਛੀਆਂ ਪ੍ਰਤੀ ਜੋ ਹਮਦਰਦੀ ਦਿਖਾਈ ਹੈ ਉਹ ਤਾਰੀਫ਼ ਦੇ ਕਾਬਲ ਹੈ।" ਤਿੰਨ ਬਾਲਗ ਵ੍ਹੇਲ ਅਤੇ ਇੱਕ ਬੇਬੀ ਵ੍ਹੇਲ ਦੀ ਇੱਕ ਮਾਓਰੀ ਸੱਭਿਆਚਾਰਕ ਸਮਾਰੋਹ ਦੌਰਾਨ ਮੌਤ ਹੋ ਗਈ। ਨਿਊਜ਼ੀਲੈਂਡ ਦੇ ਆਦਿਵਾਸੀ ਲੋਕ ਵ੍ਹੇਲ ਮੱਛੀ ਨੂੰ ਸੱਭਿਆਚਾਰਕ ਮਹੱਤਤਾ ਦਾ ਪਵਿੱਤਰ ਖਜ਼ਾਨਾ ਮੰਨਦੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।