ਭੂ-ਮੱਧ ਸਾਗਰ ''ਚ ਮਹਿਸੂਸ ਕੀਤੇ ਗਏ ਭੂਚਾਲ ਦੇ ਤੇਜ਼ ਝਟਕੇ
Thursday, May 21, 2020 - 09:29 AM (IST)
ਮਾਸਕੋ (ਵਾਰਤਾ) : ਭੂ-ਮੱਧ ਸਾਗਰ ਦੇ ਮੱਧ ਭਾਗ ਵਿਚ ਭੂਚਾਲ ਦੇ ਤੇਜ਼ ਝਟਕੇ ਮਹਿਸੂਸ ਕੀਤੇ ਗਏ ਹਨ। ਯੂਰਪੀ ਭੂ-ਮੱਧ ਸਾਗਰ ਕੇਂਦਰ ਨੇ ਇਹ ਜਾਣਕਾਰੀ ਦਿੱਤੀ ਹੈ।
ਕੇਂਦਰ ਮੁਤਾਬਕ ਬੁੱਧਵਾਰ ਨੂੰ ਰਾਤ 23:43 ਵਜੇ ਮਹਿਸੂਸ ਕੀਤੇ ਗਏ ਭੂਚਾਲ ਦਾ ਕੇਂਦਰ ਯੂਨਾਨੀ ਸ਼ਹਿਰ ਮੇਥੋਨੀ ਤੋਂ 224 ਕਿਲੋਮੀਟਰ ਦੱਖਣ-ਪੱਛਮ ਅਤੇ ਲੀਬੀਆਈ ਸ਼ਹਿਰ ਅਲ ਬਾਇਡਾ ਤੋਂ 305 ਕਿਲੋਮੀਟਰ ਪੱਛਮੀ-ਉਤਰ ਵਿਚ ਸੀ। ਭੂਚਾਲ ਦਾ ਕੇਂਦਰ ਧਰਤੀ ਦੀ ਸਤਿਹ ਤੋਂ 10 ਕਿਲੋਮੀਟਰ ਦੀ ਡੂੰਘਾਈ 'ਤੇ ਸੀ। ਭੂਚਾਲ ਕਾਰਨ ਕਿਸੇ ਤਰ੍ਹਾਂ ਦੇ ਨੁਕਸਾਨ ਦੀ ਸੂਚਨਾ ਨਹੀਂ ਹੈ।
