ਈਰਾਨ ਪ੍ਰਦਰਸ਼ਨਾਂ ''ਚ ਔਰਤਾਂ ਦਾ ਦਲੇਰਾਨਾ ਮੋਰਚਾ, ਖਾਮੇਨੇਈ ਹਕੂਮਤ ਨੂੰ ਦਿੱਤੀ ਸਿੱਧੀ ਚੁਣੌਤੀ

ਵੈੱਬ ਡੈਸਕ : ਈਰਾਨ 'ਚ ਜਾਰੀ ਵਿਰੋਧ ਪ੍ਰਦਰਸ਼ਨਾਂ ਨੇ ਹੁਣ ਇੱਕ ਨਵਾਂ ਤੇ ਦਲੇਰਾਨਾ ਰੂਪ ਲੈ ਲਿਆ ਹੈ। ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਤਸਵੀਰਾਂ ਤੇ ਵੀਡੀਓਜ਼ 'ਚ ਦੇਖਿਆ ਜਾ ਸਕਦਾ ਹੈ ਕਿ ਈਰਾਨੀ ਔਰਤਾਂ ਸੁਪਰੀਮ ਲੀਡਰ ਅਯਾਤੁੱਲਾ ਅਲੀ ਖਾਮੇਨੇਈ ਦੀਆਂ ਤਸਵੀਰਾਂ ਨੂੰ ਸਾੜ ਰਹੀਆਂ ਹਨ ਤੇ ਉਸੇ ਅੱਗ ਨਾਲ ਸਿਗਰਟਾਂ ਸੁਲਗਾ ਰਹੀਆਂ ਹਨ। ਇਸ ਕਦਮ ਨੂੰ ਸ਼ਾਸਨ ਦੇ ਖਿਲਾਫ ਖੁੱਲ੍ਹੀ ਬਗਾਵਤ ਵਜੋਂ ਦੇਖਿਆ ਜਾ ਰਿਹਾ ਹੈ, ਕਿਉਂਕਿ ਈਰਾਨ 'ਚ ਖਾਮੇਨੇਈ ਦੀ ਤਸਵੀਰ ਸਾੜਨਾ ਇੱਕ ਗੰਭੀਰ ਅਪਰਾਧ ਮੰਨਿਆ ਜਾਂਦਾ ਹੈ।

An Iranian girl is seen using a symbolic image of Ayatollah Khamenei to light a cigarette, a protest visual from Iran.

Young Iranian women are becoming the face of dissent, using symbolic acts and social media to oppose the Islamic regime. pic.twitter.com/g7UsfQHSw3

— Manni (@ThadhaniManish_) January 10, 2026

ਦੋਹਰੀ ਚੁਣੌਤੀ
ਧਾਰਮਿਕ ਤੇ ਸਿਆਸੀ ਨਿਯਮਾਂ ਦੀ ਉਲੰਘਣਾ ਈਰਾਨੀ ਔਰਤਾਂ ਦਾ ਇਹ ਪ੍ਰਦਰਸ਼ਨ ਦੋਹਰੇ ਪੱਧਰ 'ਤੇ ਸੱਤਾ ਨੂੰ ਚੁਣੌਤੀ ਦੇ ਰਿਹਾ ਹੈ। ਇੱਕ ਪਾਸੇ ਸੁਪਰੀਮ ਲੀਡਰ ਦਾ ਅਪਮਾਨ ਤੇ ਦੂਜੇ ਪਾਸੇ ਜਨਤਕ ਥਾਵਾਂ 'ਤੇ ਔਰਤਾਂ ਵੱਲੋਂ ਸਿਗਰਟਨੋਸ਼ੀ ਕਰਨਾ, ਜੋ ਕਿ ਉੱਥੋਂ ਦੇ ਧਾਰਮਿਕ ਅਤੇ ਸਮਾਜਿਕ ਨਿਯਮਾਂ ਦੇ ਤਹਿਤ ਵਰਜਿਤ ਹੈ। ਮਾਹਰਾਂ ਅਨੁਸਾਰ, ਇਹ ਗੁੱਸਾ ਦੇਸ਼ 'ਚ ਗਹਿਰਾ ਰਹੇ ਆਰਥਿਕ ਸੰਕਟ, ਵਧਦੀ ਮਹਿੰਗਾਈ, ਬੇਰੁਜ਼ਗਾਰੀ ਤੇ ਸਰਕਾਰੀ ਦਮਨ ਦਾ ਨਤੀਜਾ ਹੈ।

'ਮਹਿਲਾ, ਜੀਵਨ, ਆਜ਼ਾਦੀ' ਅੰਦੋਲਨ ਦੀ ਅਗਲੀ ਕੜੀ
ਇਸ ਪ੍ਰਦਰਸ਼ਨ ਨੂੰ 2022 'ਚ ਮਹਸਾ ਅਮੀਨੀ ਦੀ ਮੌਤ ਤੋਂ ਬਾਅਦ ਸ਼ੁਰੂ ਹੋਏ 'ਮਹਿਲਾ, ਜੀਵਨ, ਆਜ਼ਾਦੀ' (Women, Life, Freedom) ਅੰਦੋਲਨ ਦਾ ਅਗਲਾ ਪੜਾਅ ਮੰਨਿਆ ਜਾ ਰਿਹਾ ਹੈ। ਜਿੱਥੇ ਪਹਿਲਾਂ ਔਰਤਾਂ ਨੇ ਹਿਜਾਬ ਸਾੜ ਕੇ ਵਿਰੋਧ ਜਤਾਇਆ ਸੀ, ਹੁਣ ਉਹ ਸਿੱਧਾ ਸੱਤਾ ਦੇ ਕੇਂਦਰ ਨੂੰ ਨਿਸ਼ਾਨਾ ਬਣਾ ਰਹੀਆਂ ਹਨ।

These Iranian women are showing their faces, no burkas, no fear...inside Iran....calmly smoking while burning a photo of Khamenei.

That takes more courage than the entire Western left-wing feminist class combined.

These women aren’t posting slogans or trying to run over law… pic.twitter.com/dZItOJzwzw

— Flopping Aces (@FloppingAces) January 9, 2026

ਅੰਤਰਰਾਸ਼ਟਰੀ ਪ੍ਰਤੀਕਿਰਿਆ ਅਤੇ ਹਾਲਾਤ
ਈਰਾਨ ਦੇ 27 ਸੂਬਿਆਂ 'ਚ ਜਨਤਕ ਰੋਸ ਭੜਕ ਚੁੱਕਾ ਹੈ ਤੇ ਰਿਪੋਰਟਾਂ ਅਨੁਸਾਰ ਹੁਣ ਤੱਕ ਕਈ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ ਅਤੇ ਹਜ਼ਾਰਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਦੂਜੇ ਪਾਸੇ, ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਸਖ਼ਤ ਚਿਤਾਵਨੀ ਦਿੱਤੀ ਹੈ ਕਿ ਜੇਕਰ ਪ੍ਰਦਰਸ਼ਨਕਾਰੀਆਂ ਦੀ ਹੱਤਿਆ ਕੀਤੀ ਗਈ ਤਾਂ ਅਮਰੀਕਾ ਜ਼ੋਰਦਾਰ ਹਮਲਾ ਕਰੇਗਾ। ਹਾਲਾਂਕਿ, ਖਾਮੇਨੇਈ ਨੇ ਇਨ੍ਹਾਂ ਪ੍ਰਦਰਸ਼ਨਕਾਰੀਆਂ ਨੂੰ ਵਿਦੇਸ਼ੀ ਤਾਕਤਾਂ ਦੇ ਏਜੰਟ ਕਰਾਰ ਦਿੱਤਾ ਹੈ। ਇਹ ਵਿਰੋਧ ਪ੍ਰਦਰਸ਼ਨ ਹੁਣ ਸਿਰਫ਼ ਆਰਥਿਕ ਮੰਗਾਂ ਤੱਕ ਸੀਮਤ ਨਹੀਂ ਰਿਹਾ, ਸਗੋਂ ਇਹ ਵਿਅਕਤੀਗਤ ਸੁਤੰਤਰਤਾ ਅਤੇ ਪੂਰੇ ਧਾਰਮਿਕ ਸ਼ਾਸਨ ਦੇ ਖਿਲਾਫ ਇੱਕ ਵੱਡੀ ਜੰਗ ਬਣ ਚੁੱਕਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e