ਭੀੜ ''ਤੇ ਗੱਡੀ ਚੜ੍ਹਾ ਕੇ 35 ਲੋਕਾਂ ਨੂੰ ਮਾਰਨ ਵਾਲੇ ਵਿਅਕਤੀ ਨੂੰ ਸਜ਼ਾ-ਏ-ਮੌਤ, ਤਲਾਕ ਦੇ ਸਮਝੌਤੇ ਤੋਂ ਸੀ ਨਾਖੁਸ਼

ਬੀਜਿੰਗ (ਏਜੰਸੀ)- ਚੀਨ ਦੀ ਇਕ ਅਦਾਲਤ ਨੇ ਪਿਛਲੇ ਮਹੀਨੇ ਭੀੜ 'ਤੇ ਕਾਰ ਚੜ੍ਹਾ ਕੇ 35 ਲੋਕਾਂ ਦੀ ਹੱਤਿਆ ਕਰਨ ਵਾਲੇ ਵਿਅਕਤੀ ਨੂੰ ਮੌਤ ਦੀ ਸਜ਼ਾ ਸੁਣਾਈ ਹੈ। ਇਸ ਹਮਲੇ ਨੇ ਸਮੂਹਿਕ ਕਤਲੇਆਮ ਨੂੰ ਲੈ ਕੇ ਰਾਸ਼ਟਰੀ ਚਿੰਤਾ ਪੈਦਾ ਕਰ ਦਿੱਤੀ ਸੀ। ਦੱਖਣੀ ਸ਼ਹਿਰ ਜ਼ੁਹਾਈ ਦੀ ਅਦਾਲਤ ਨੇ ਸ਼ੁੱਕਰਵਾਰ ਨੂੰ ਫੈਨ ਵੇਈਕੂ ਨੂੰ ਸਜ਼ਾ ਸੁਣਾਉਂਦੇ ਹੋਏ ਕਿਹਾ ਕਿ ਅਪਰਾਧ ਦੀ ਪ੍ਰਕਿਰਤੀ ਬੇਹੱਦ ਘਿਨਾਉਣੀ ਹੈ। ਅਦਾਲਤ ਨੇ ਪਾਇਆ ਕਿ ਫੈਨ ਨੇ ਆਪਣਾ ਗੁੱਸਾ ਜ਼ਾਹਰ ਕਰਨ ਲਈ ਅਜਿਹਾ ਕੰਮ ਕੀਤਾ, ਕਿਉਂਕਿ ਉਹ ਆਪਣੇ ਤਲਾਕ ਦੇ ਸਮਝੌਤੇ ਤੋਂ ਖੁਸ਼ ਨਹੀਂ ਸੀ।

ਇਹ ਵੀ ਪੜ੍ਹੋ: 'ਉਹ ਇਕ ਸੱਚੇ ਰਾਜਨੇਤਾ ਸਨ', ਅਮਰੀਕੀ ਰਾਸ਼ਟਰਪਤੀ ਬਾਈਡੇਨ ਨੇ ਡਾ.ਮਨਮੋਹਨ ਸਿੰਘ ਨੂੰ ਦਿੱਤੀ ਸ਼ਰਧਾਂਜਲੀ

ਹਮਲੇ ਤੋਂ ਬਾਅਦ, ਚੀਨੀ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਨੇ ਸਥਾਨਕ ਸਰਕਾਰਾਂ ਨੂੰ ਭਵਿੱਖ ਵਿੱਚ ਅਜਿਹੇ "ਘਿਨਾਉਣੇ ਮਾਮਲਿਆਂ" ਨੂੰ ਰੋਕਣ ਲਈ ਕਦਮ ਚੁੱਕਣ ਦੇ ਆਦੇਸ਼ ਦਿੱਤੇ ਸਨ। ਅਦਾਲਤ ਦੇ ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਫੈਨ ਦੇ "ਅਪਰਾਧ ਦਾ ਉਦੇਸ਼ ਬਹੁਤ ਹੀ ਘਿਣਾਉਣਾ ਸੀ, ਅਪਰਾਧ ਦੀ ਪ੍ਰਕਿਰਤੀ ਬਹੁਤ ਹੀ ਘਿਣਾਉਣੀ ਸੀ, ਅਪਰਾਧ ਦੇ ਸਾਧਨ ਬਹੁਤ ਹੀ ਜ਼ਾਲਮ ਸਨ ਅਤੇ ਅਪਰਾਧ ਦੇ ਨਤੀਜੇ ਬਹੁਤ ਗੰਭੀਰ ਸਨ, ਜਿਸ ਨਾਲ ਸਮਾਜਿਕ ਨੁਕਸਾਨ ਹੋਇਆ।" ਇਹ ਹਮਲਾ ਅਕਤੂਬਰ ਅਤੇ ਨਵੰਬਰ ਦੇ ਅਖੀਰ ਵਿੱਚ ਚੀਨ ਵਿੱਚ ਹੋਏ ਕਈ ਹਮਲੇ ਵਿੱਚੋਂ ਇੱਕ ਸੀ। ਪੁਲਸ ਨੇ ਨਵੰਬਰ ਵਿੱਚ ਕਿਹਾ ਸੀ ਕਿ ਫੈਨ ਦੀ ਉਮਰ 62 ਸਾਲ ਹੈ।

ਇਹ ਵੀ ਪੜ੍ਹੋ: ਡੋਂਕੀ ਲਗਾ ਸਪੇਨ ਜਾਣ ਦੀ ਕੋਸ਼ਿਸ਼, 70 ਲੋਕਾਂ ਦੀ ਗਈ ਜਾਨ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8