ਲਾਹੌਰ ਇਕ ਵਾਰ ਫਿਰ ਦੁਨੀਆ ਦੇ 5 ਸਭ ਤੋਂ ਪ੍ਰਦੂਸ਼ਿਤ ਸ਼ਹਿਰਾਂ ’ਚ ਸ਼ਾਮਲ

12/19/2020 2:02:49 PM

ਇਸਲਾਮਾਬਾਦ : ਆਈ.ਕਿਊ.ਏਅਰ ਦੇ ਅੰਕੜਿਆਂ ਮੁਤਾਬਕ ਪਾਕਿਸਤਾਨ ਦਾ ਲਾਹੌਰ ਇਕ ਵਾਰ ਫਿਰ ਦੁਨੀਆ ਦੇ ਸਭ ਤੋਂ ਖ਼ਰਾਬ ਹਵਾ ਦੀ ਗੁਣਵੱਤਾ ਵਾਲੇ ਚੋਟੀ ਦੇ 5 ਸ਼ਹਿਰਾਂ ਵਿਚ ਸ਼ਾਮਲ ਹੋ ਗਿਆ ਹੈ। ਇਕ ਰਿਪੋਰਟ ਮੁਤਾਬਕ ਲਾਹੌਰ, ਬੰਗਲਾਦੇਸ਼ ਦੇ ਢਾਕਾ, ਬੋਸਨੀਆ ਅਤੇ ਹਰਜ਼ੇਗੋਵਿਨਾ ਦੇ ਸਾਰਜੇਵੋ ਅਤੇ ਕਿਰਗਿਸਤਾਨ ਦੇ ਬਿਸ਼ਕੇਕ ਬਾਅਦ ਚੌਥੇ ਨੰਬਰ ’ਤੇ ਹੈ।

ਜੇਕਰ ਏ.ਕਿਊ.ਆਈ. 50 ਤੋਂ ਘੱਟ ਹੈ ਤਾਂ ਸੰਯੁਕਤ ਰਾਜ ਅਮਰੀਕਾ ਦੀ ਵਾਤਾਵਰਣ ਸੁਰੱਖਿਆ ਏਜੰਸੀ ਇਸ ਹਵਾ ਦੀ ਗੁਣਵੱਤਾ ਨੂੰ ਸੰਤੁਸ਼ਟੀਜਨਕ ਮੰਨਦੀ ਹੈ। ਲਾਹੌਰ ਨੇ 210 ਦਾ ਪਰਟੀਕੁਲਰ ਮੈਟਰ (PM) ਦਰਜ ਕੀਤਾ, ਜਿਸ ਨੂੰ ‘ਗੈਰ-ਸਿਹਤਮੰਦ’ ਮੰਨਿਆ ਜਾਂਦਾ ਹੈ। ਜਿਓ ਨਿਊਜ਼ ਮੁਤਾਬਕ ਸਮੌਗ ਘੱਟ ਕਰਨ ਲਈ ਪੰਜਾਬ ਵਿਚ ਸੂਬਾਈ ਆਫ਼ਤ ਪ੍ਰਬੰਧਨ ਅਥਾਰਟੀ (P4M1) ਨੇ 16 ਦਸੰਬਰ ਤੱਕ 1,844 ਇੱਟਾਂ ਦੇ ਭੱਠੇ, 2,850 ਉਦਯੋਗਾਂ ਅਤੇ 13,135 ਵਾਹਨਾਂ ਨੂੰ ਸੀਲ ਕਰ ਦਿੱਤਾ ਹੈ। ਅਧਿਕਾਰੀਆਂ ਵੱਲੋਂ 16 ਦਸੰਬਰ ਤੋਂ ਜਾਰੀ ਕੀਤੀ ਇਕ ਰਿਪੋਰਟ ਮੁਤਾਬਕ, ਪੀ.ਡੀ.ਐਮ.ਏ. ਨੇ ਵਾਤਾਵਰਣ ਦੀ ਰੱਖਿਆ ਲਈ ਸੂਬਾਈ ਸਰਕਾਰ ਦੁਆਰਾ ਜਾਰੀ ਦਿਸ਼ਾ-ਨਿਰਦੇਸ਼ਾਂ ਦੀ ਉਲੰਘਣਾ ਕਰਨ ਵਾਲੇ 548  ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਸੀ।
 


cherry

Content Editor cherry