ਪੰਜਾਬ ਸਪੋਰਟਸ ਕਲੱਬ ਵੱਲੋਂ ਡਿਪਟੀ ਸਪੀਕਰ ਜੈ ਕ੍ਰਿਸ਼ਨ ਸਿੰਘ ਰੋੜੀ ਦਾ ਆਸਟ੍ਰੇਲੀਆ ਪਹੁੰਚਣ ''ਤੇ ਸਵਾਗਤ

ਆਸਟ੍ਰੇਲੀਆ (ਸਨੀ ਚਾਂਦਪੁਰੀ): ਪੰਜਾਬ ਸਪੋਰਟਸ ਕਲੱਬ ਦੇ ਮੈਂਬਰਾਂ ਵਲੋਂ ਅੱਜ ਸਿਡਨੀ ਪਹੁੰਚਣ ਤੇ ਬਹੁਤ ਗਰਮ ਜੋਸ਼ੀ ਨਾਲ ਸਵਾਗਤ ਕੀਤਾ ਗਿਆ । ਇੱਥੇ ਜਿਕਰਯੋਗ ਹੈ ਕਿ ਭਲਕੇ ਹੋਣ ਵਾਲੇ ਤੀਜੇ ਕਬੱਡੀ ਕੱਪ ਤੇ ਡਿਪਟੀ ਸਪੀਕਰ ਜੈ ਕ੍ਰਿਸ਼ਨ ਸਿੰਘ ਰੌੜੀ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕਰਨਗੇ । ਪੱਤਰਕਾਰ ਨਾਲ ਗੱਲਬਾਤ ਕਰਦਿਆਂ ਗੁਰਪਿੰਦਰ ਉੱਪਲ ਨੇ ਕਿਹਾ ਸਾਡੇ ਸਾਰੇ ਕਲੱਬ ਮੈਂਬਰਾਂ ਵੱਲੋਂ ਅਸੀਂ ਡਿਪਟੀ ਸਪੀਕਰ ਜੀ ਦਾ ਸਿਡਨੀ ਪਹੁੰਚਣ ਤੇ ਸਵਾਗਤ ਕਰਦੇ ਹਾਂ ਅਤੇ ਨਾਲ ਹੀ ਉਹਨਾਂ ਦਾ ਤਹਿ ਦਿਲੋਂ ਧੰਨਵਾਦ ਕਰਦੇ ਹਾਂ ਕਿ ਉਨ੍ਹਾਂ ਨੇ ਆਪਣੇ ਰੁਝੇਵਿਆਂ ਵਿੱਚੋਂ ਸਮਾਂ ਕੱਢ ਕੇ ਸਾਡੇ ਤੀਜੇ ਕਬੱਡੀ ਕੱਪ ਤੇ ਆਉਣ ਦਾ ਸੱਦਾ ਕਬੂਲਿਆ । ਡਿਪਟੀ ਸਪੀਕਰ ਜੈ ਕ੍ਰਿਸ਼ਨ ਸਿੰਘ ਰੋੜੀ ਨੇ ਕਿਹਾ ਕਿ ਪੰਜਾਬੀ ਦੁਨੀਆਂ ਦੇ ਕਿਸੇ ਵੀ ਕੋਨੇ ਵਿੱਚ ਗਏ ਹੋਣ ਉਹਨਾਂ ਦੀ ਰੂਹ ਦੀ ਤੰਦ ਹਮੇਸ਼ਾ ਪੰਜਾਬ ਨਾਲ ਆਪਣੇ ਦੇਸ਼ ਨਾਲ ਜੁੜੀ ਹੁੰਦੀ ਹੈ । ਉਨ੍ਹਾਂ ਕਿਹਾ ਕਿ ਪੰਜਾਬੀ ਆਪਣੇ ਵਿਰਸੇ ਸੱਭਿਆਚਾਰ ਨੂੰ ਵੀ ਆਪਣੇ ਨਾਲ ਹੀ ਲੈ ਕੇ ਆਉਂਦੇ ਹਨ । 

ਮੈਨੂੰ ਇਸ ਖੇਡ ਮੇਲੇ ਨਾਲ ਜੁੜਨ ਦੀ ਜਿੱਥੇ ਖ਼ੁਸ਼ੀ ਹੋਈ ਉਥੇ ਹੀ ਮੈਨੂੰ ਮਾਣ ਵੀ ਮਹਿਸੂਸ ਹੋਇਆ ਕਿ ਅਸਟ੍ਰੇਲੀਆ ਵਿੱਚ ਵੀ ਸਾਡੀਆਂ ਖੇਤਰੀ ਖੇਡਾਂ ਪ੍ਰਫੁੱਲਤ ਹੋ ਰਹੀਆਂ ਹਨ । ਮੈਂ ਸਾਰੇ ਹੀ ਕਲੱਬ ਮੈਂਬਰਾਂ ਨੂੰ ਵਧਾਈ ਦਿੰਦਾ ਹਾਂ ਅਤੇ ਵਿਸ਼ਵਾਸ ਕਰਦਾ ਹਾਂ ਕਿ ਅਜਿਹੇ ਖੇਡ ਮੇਲੇ ਆਉਣ ਵਾਲੀਆਂ ਪੀੜ੍ਹੀਆਂ ਨੂੰ ਸਾਡੇ ਵਿਰਸੇ ਅਤੇ ਸੱਭਿਆਚਾਰ ਨਾਲ ਜੋੜਨ ਦਾ ਕੰਮ ਕਰਨਗੇ । ਇਸ ਮੌਕੇ ਕਲੱਬ ਮੈਂਬਰ ਅੱਗੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਸਿਡਨੀ ਦੇ ਬਲੈਕ ਟਾਊਨ ਸ਼ਹਿਰ ਸ਼ੋਅ ਗਰਾਊਂਡ ਵਿੱਚ ਇਹ ਖੇਡ ਮੇਲਾ ਹੋਵੇਗਾ । ਉਹਨਾਂ ਦੱਸਿਆ ਕਿ ਕੇ ਕਬੱਡੀ ਦੇ ਨਾਲ ਨਾਲ ਬੱਚਿਆਂ ਦੇ ਸੌਕਰ ਦੇ ਮੁਕਾਬਲੇ ਮਿਊਜੀਕਲ ਚੇਅਰ, ਅਥਲੈਟਿਕਸ ਅਤੇ ਵਾਲੀਬਾਲ ਵਰਗੀਆਂ ਹੋਰ ਵੀ ਖੇਡਾਂ ਕਰਵਾਈਆਂ ਜਾਣਗੀਆਂ। ਇਸ ਮੌਕੇ ਉਨ੍ਹਾਂ ਦੇ ਨਾਲ ਗੁਰਪਿੰਦਰ ਉੱਪਲ, ਹਰਜੀਤ ਪੰਧੇਰ, ਮਨਜਿੰਦਰ ਚੌਹਾਨ, ਗੈਰੀ ਗਰੇਵਾਲ਼, ਰਾਜਨ ਓਹਰੀ, ਗੁਰਮਿੰਦਰ ਟਾਟਲਾ, ਗੁਰਬੀਰ ਬਰਾੜ, ਅਮਰਜੀਤ ਸਿੰਘ, ਹਰਪ੍ਰੀਤ ਬਰਾੜ, ਜਗਮੀਤ ਸੰਧੂ, ਜਸਪ੍ਰੀਤ ਬਰਾੜ, ਲਵਪ੍ਰੀਤ ਸੰਧੂ, ਨਰਵੀਰ, ਸੰਨੀ , ਦਵਿੰਦਰ ਸਿੰਘ ਕਾਕਾ ਰੌੜੀ ,ਅਵਤਾਰ ਸਿੰਘ ਬਿੱਲੂ,ਚਰਨਪ੍ਰਤਾਪ ਸਿੰਘ,ਅਮਰਿੰਦਰ ਮੌਟੀ ਕਮਲ ਬੈਂਸ ,ਦੀਪਕ ਬੱਗੂਵਾਲ ਆਦਿ ਹਾਜ਼ਰ ਸਨ।