ਇਜ਼ਰਾਈਲ ਨੂੰ ਹਮਾਸ ਦੀ ਕੈਦ ਤੋਂ ਰਿਹਾਅ ਹੋਣ ਵਾਲੇ ਬੰਧਕਾਂ ਦੀ ਮਿਲੀ ਸੂਚੀ

ਤੇਲ ਅਵੀਵ (ਏਜੰਸੀ)- ਇਜ਼ਰਾਈਲ ਨੇ ਸ਼ੁੱਕਰਵਾਰ ਨੂੰ ਗਾਜ਼ਾ ਵਿੱਚ ਜਾਰੀ ਜੰਗਬੰਦੀ ਤਹਿਤ ਸ਼ਨੀਵਾਰ ਨੂੰ ਹਮਾਸ ਦੀ ਹਿਰਾਸਤ ਵਿੱਚੋਂ ਰਿਹਾਅ ਕੀਤੇ ਜਾਣ ਵਾਲੇ ਬੰਧਕਾਂ ਦੀ ਸੂਚੀ ਮਿਲਣ ਦੀ ਪੁਸ਼ਟੀ ਕੀਤੀ ਹੈ।

ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਦੇ ਦਫ਼ਤਰ ਵੱਲੋਂ ਜਾਰੀ ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਇਜ਼ਰਾਈਲ ਨੂੰ ਕੱਲ੍ਹ ਰਿਹਾਅ ਕੀਤੇ ਜਾਣ ਵਾਲੇ ਬੰਧਕਾਂ ਦੀ ਸੂਚੀ ਮਿਲ ਗਈ ਹੈ ਅਤੇ ਸੂਚੀ ਦੀ ਸਮੀਖਿਆ ਅਤੇ ਪਰਿਵਾਰਾਂ ਨੂੰ ਸੂਚਿਤ ਕਰਨ ਤੋਂ ਬਾਅਦ ਹੋਰ ਜਾਣਕਾਰੀ ਪ੍ਰਦਾਨ ਕੀਤੀ ਜਾਵੇਗੀ।

ਇਸ ਤੋਂ ਪਹਿਲਾਂ ਹਮਾਸ ਨੇ ਸਮਝੌਤ ਤਹਿਤ 3 ਇਜ਼ਰਾਈਲੀ ਬੰਧਕਾਂ - ਓਫਰ ਕੈਲਡੇਰੋਨ (54), ਕੀਥ ਸੀਗਲ (65) ਅਤੇ ਯਾਦਰੇਨ ਬਿਬਾਸ (35) ਦੀ ਰਿਹਾਈ ਦਾ ਐਲਾਨ ਕੀਤਾ ਸੀ।