ਸੈਲਫੀ ਨੂੰ ਸੁੰਦਰ ਬਣਾਉਣ ਲਈ ''ਫਿਲਟਰ'' ਦਾ ਵੱਧ ਇਸਤੇਮਾਲ ਕਰਦੇ ਹਨ ਭਾਰਤੀ
11/20/2020 4:17:30 PM
ਵਾਸ਼ਿੰਗਟਨ (ਭਾਸ਼ਾ) : ਗੂਗਲ ਵਲੋਂ ਕੀਤੇ ਗਏ ਇਕ ਗਲੋਬਲ ਅਧਿਐਨ ਮੁਤਾਬਕ ਚੰਗੀ ਸੈਲਫੀ ਲੈਣ ਲਈ ਅਮਰੀਕਾ ਅਤੇ ਭਾਰਤ 'ਚ 'ਫਿਲਟਰ' (ਤਸਵੀਰ ਨੂੰ ਸੁੰਦਰ ਬਣਾਉਣ ਦੀ ਤਕਨੀਕ) ਦਾ ਸਭ ਤੋਂ ਵੱਧ ਇਸਤੇਮਾਲ ਕੀਤਾ ਜਾਂਦਾ ਹੈ। ਅਧਿਐਨ 'ਚ ਹਿੱਸਾ ਲੈਣ ਵਾਲੇ ਲੋਕਾਂ 'ਚ ਜਰਮਨੀ ਦੇ ਉਲਟ, ਭਾਰਤੀ ਲੋਕਾਂ ਨੇ ਬੱਚਿਆਂ 'ਤੇ 'ਫਿਲਟਰ' ਦੇ ਅਸਰ ਨੂੰ ਲੈ ਕੇ ਵੱਧ ਚਿੰਤਾ ਨਹੀਂ ਪ੍ਰਗਟਾਈ।
ਇਹ ਵੀ ਪੜ੍ਹੋ: ਵਿਗਿਆਨੀਆਂ ਨੇ ਨਵੀਂ ਖ਼ੋਜ 'ਚ ਕੀਤਾ ਦਾਅਵਾ, ਹੁਣ ਬਜ਼ੁਰਗ ਫਿਰ ਤੋਂ ਹੋ ਸਕਦੇ ਹਨ ਜਵਾਨ!
ਅਧਿਐਨ ਮੁਤਾਬਕ 'ਐਂਡ੍ਰਾਇਡ' ਯੰਤਰ 'ਚ 'ਫਰੰਟ ਕੈਮਰੇ' (ਸਕ੍ਰੀਨ ਦੇ ਉੱਪਰ ਲੱਗੇ ਕੈਮਰੇ) ਨਾਲ 70 ਫ਼ੀਸਦੀ ਤੋਂ ਵੱਧ ਤਸਵੀਰਾਂ ਲਈਆਂ ਜਾਂਦੀਆਂ ਹਨ। ਭਾਰਤੀਆਂ 'ਚ ਸੈਲਫੀ ਲੈਣ ਅਤੇ ਉਸ ਨੂੰ ਦੂਜੇ ਲੋਕਾਂ ਨਾਲ ਸਾਂਝਾ ਕਰਨ ਦੀ ਕਾਫ਼ੀ ਰਵਾਇਤ ਹੈ ਅਤੇ ਖ਼ੁਦ ਨੂੰ ਸੁੰਦਰ ਦਿਖਾਉਣ ਲਈ ਉਹ 'ਫਿਲਟਰ' ਨੂੰ ਇਕ ਉਪਯੋਗੀ ਤਰੀਕਾ ਮੰਨਦੇ ਹਨ। ਅਧਿਐਨ 'ਚ ਕਿਹਾ ਕਿ ਭਾਰਤੀ ਔਰਤਾਂ, ਖ਼ਾਸ ਕਰ ਕੇ ਆਪਣੀਆਂ ਤਸਵੀਰਾਂ ਨੂੰ ਸੁੰਦਰ ਬਣਾਉਣ ਲਈ ਉਤਸ਼ਾਹਿਤ ਰਹਿੰਦੀਆਂ ਹਨ ਅਤੇ ਇਸ ਲਈ ਉਹ ਕਈ 'ਫਿਲਟਰ ਐਪ' ਅਤੇ 'ਐਡੀਟਿੰਗ ਟੂਲ' ਦਾ ਇਸਤੇਮਾਲ ਕਰਦੀਆਂ ਹਨ। ਇਸ ਲਈ 'ਪਿਕਸ ਆਰਟ' ਅਤੇ 'ਮੇਕਅਪ ਪਲੱਸ' ਦਾ ਸਭ ਤੋਂ ਵੱਧ ਇਸਤੇਮਾਲ ਕੀਤਾ ਜਾਂਦਾ ਹੈ।
ਇਹ ਵੀ ਪੜ੍ਹੋ: ਵਿਰਾਟ ਕੋਹਲੀ ਦੇ ਘਰ ਜਨਮ ਲਵੇਗਾ ਮੁੰਡਾ ਜਾਂ ਕੁੜੀ, ਇਸ ਖਿਡਾਰੀ ਦਾ ਟਵੀਟ ਹੋਇਆ ਵਾਇਰਲ
ਉਥੇ ਹੀ ਜ਼ਿਆਦਾਤਰ ਯੁਵਾ 'ਸਨੈਪਚੈਟ' ਦਾ ਇਸਤੇਮਾਲ ਕਰਦੀਆਂ ਹਨ। ਉਸ ਨੇ ਕਿਹਾ ਕਿ ਸੈਲਫੀ ਲੈਣਾ ਅਤੇ ਸਾਂਝਾ ਕਰਨਾ ਭਾਰਤੀ ਔਰਤਾਂ ਦੇ ਜੀਵਨ ਦਾ ਇੰਨਾ ਵੱਡਾ ਹਿੱਸਾ ਹੈ ਕਿ ਇਹ ਉਨ੍ਹਾਂ ਦੇ ਵਰਤਾਓ ਅਤੇ ਇਥੋਂ ਤੱਕ ਕਿ ਘਰੇਲੂ ਅਰਥਸ਼ਾਸਤਰ ਨੂੰ ਵੀ ਪ੍ਰਭਾਵਿਤ ਕਰਦਾ ਹੈ। ਕਈ ਔਰਤਾਂ ਨੇ ਕਿਹਾ ਕਿ ਜੇ ਉਨ੍ਹਾਂ ਨੂੰ ਸੈਲਫੀ ਲੈਣੀ ਹੁੰਦੀ ਹੈ ਤਾਂ ਉਹ ਇਸ ਲਈ ਪਾਏ ਕੱਪੜੇ ਮੁੜ ਨਹੀਂ ਪਾਉਂਦੀਆਂ। ਅਧਿਐਨ 'ਚ ਕਿਹਾ ਗਿਆ ਕਿ ਭਾਰਤੀ ਮਾਤਾ-ਪਿਤਾ ਆਪਣੇ ਬੱਚਿਆਂ ਦੇ ਮੋਬਾਈਲ ਫੋਨ ਦੀ ਵੱਧ ਵਰਤੋਂ ਜਾਂ ਪ੍ਰਾਈਵੇਸੀ ਅਤੇ ਸਮਾਰਟਫੋਨ ਦੀ ਸੁਰੱਖਿਆ ਬਾਰੇ ਵੱਧ ਚਿੰਤਤ ਸਨ।
