ਮੈਕਸੀਕਨ ਜੇਲ੍ਹ ''ਚ ਹਿੰਸਕ ਝੜਪ, 10 ਮੌਤਾਂ ਤੇ 16 ਹੋਰ ਜ਼ਖਮੀ

(ਮੈਕਸੀਕੋ ਸਿਟੀ ਆਈਏਐਨਐਸ)- ਮੈਕਸੀਕੋ ਦੇ ਉੱਤਰ-ਪੱਛਮੀ ਰਾਜ ਸਿਨਾਲੋਆ ਦੇ ਮਜ਼ਾਟਲਾਨ ਵਿੱਚ "ਐਲ ਕੈਸਟੀਲੋ" ਜੇਲ੍ਹ ਵਿੱਚ ਕੈਦੀਆਂ ਵਿਚਕਾਰ ਹਿੰਸਕ ਝੜਪ ਹੋਣ ਦੀ ਜਾਣਕਾਰੀ ਸਾਹਮਣੇ ਆਈ ਹੈ। ਇਸ ਝੜਪ ਵਿੱਚ ਇੱਕ ਬੱਚੇ ਅਤੇ ਨੌਂ ਕੈਦੀਆਂ ਸਮੇਤ ਦਸ ਲੋਕ ਮਾਰੇ ਗਏ। ਇਸ ਘਟਨਾ ਵਿਚ 16 ਹੋਰ ਕੈਦੀ ਜ਼ਖਮੀ ਹੋ ਗਏ। ਸੂਬਾਈ ਜਨਤਕ ਮੈਕਸੀਕੋ ਸਿਟੀਸੁਰੱਖਿਆ ਸਕੱਤਰੇਤ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ 16 ਗੰਭੀਰ ਜ਼ਖਮੀ ਕੈਦੀਆਂ ਨੂੰ ਇਲਾਜ ਲਈ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਹੈ। 

ਪੜ੍ਹੋ ਇਹ ਅਹਿਮ ਖ਼ਬਰ-  ਲੱਗਿਆ ਟਰੰਪ ਦਾ 'ਸੋਨੇ' ਦਾ ਬਣਿਆ ਬਿਨਾਂ ਕੱਪੜਿਆਂ ਵਾਲਾ 'ਬੁੱਤ' ! ਬਣਿਆ ਚਰਚਾ ਦਾ ਵਿਸ਼ਾ

ਸਿਨਾਲੋਆ ਜਨਤਕ ਸੁਰੱਖਿਆ ਸਕੱਤਰ ਸਿਨੁਹੇ ਟੇਲੇਜ ਨੇ ਸੋਸ਼ਲ ਮੀਡੀਆ 'ਤੇ ਜਾਰੀ ਵੀਡੀਓ ਵਿਚ ਮ੍ਰਿਤਕਾਂ ਵਿਚ ਇਕ ਨਾਬਾਲਗ ਬੱਚਾ ਹੋਣ ਦੀ ਪੁਸ਼ਟੀ ਕੀਤੀ ਹੈ ਜੋ ਮੁਲਾਕਾਤ ਲਈ ਆਉਣ ਵਾਲਿਆਂ ਵਿੱਚ ਸ਼ਾਮਲ ਸੀ। ਉਨ੍ਹਾਂ ਕਿਹਾ ਕਿ ਸਾਂਝੀਆਂ ਸੁਰੱਖਿਆ ਟੀਮਾਂ ਮੌਕੇ 'ਤੇ ਪਹੁੰਚੀਆਂ ਅਤੇ ਸਥਿਤੀ ਨੂੰ ਪੂਰੀ ਤਰ੍ਹਾਂ ਕਾਬੂ ਵਿੱਚ ਲਿਆਂਦਾ। ਪਰਿਵਾਰਕ ਮੈਂਬਰਾਂ ਨੂੰ ਸਾਵਧਾਨੀ ਵਜੋਂ ਜੇਲ੍ਹ ਵਿੱਚ ਦਾਖਲ ਹੋਣ ਤੋਂ ਰੋਕ ਦਿੱਤਾ ਗਿਆ ਹੈ। ਰਾਜ ਦੇ ਵਕੀਲ ਦੇ ਦਫ਼ਤਰ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਅਧਿਕਾਰੀਆਂ ਦੇ ਅਨੁਸਾਰ, ਬਾਕੀ ਕੈਦੀ ਸੁਰੱਖਿਅਤ ਹਨ। ਗੌਰਤਲਬ ਹੈ ਕਿ ਸਿਨਾਲੋਆ ਰਾਜ ਡਰੱਗ ਕਾਰਟੇਲ ਧੜਿਆਂ ਵਿਚਕਾਰ ਸਰਬੋਤਮਤਾ ਲਈ ਸੰਘਰਸ਼ ਦਾ ਇੱਕ ਵੱਡਾ ਕੇਂਦਰ ਰਿਹਾ ਹੈ। ਹਾਲਾਂਕਿ, ਅਧਿਕਾਰੀਆਂ ਨੇ ਅਜੇ ਤੱਕ ਇਹ ਸਪੱਸ਼ਟ ਨਹੀਂ ਕੀਤਾ ਹੈ ਕਿ ਕੀ ਜੇਲ੍ਹ ਦੇ ਅੰਦਰ ਹੋਈ ਹਿੰਸਾ ਡਰੱਗ ਕਾਰਟੇਲ ਧੜੇਬੰਦੀ ਨਾਲ ਜੁੜੀ ਹੋਈ ਸੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।