45 ਤੋਂ ਵੱਧ ਰੂਸੀ ਤੇਲ ਟੈਂਕਰਾਂ ''ਤੇ ਪਾਬੰਦੀ ਲਗਾਏਗਾ EU!

ਮਾਸਕੋ (ਯੂ. ਐੱਨ. ਆਈ.)- ਯੂਰਪੀ ਸੰਘ ਰੂਸ ਖ਼ਿਲਾਫ਼ ਪਾਬੰਦੀਆਂ ਦੇ 15ਵੇਂ ਪੈਕੇਜ ਦੇ ਹਿੱਸੇ ਵਜੋਂ 45 ਤੋਂ ਵੱਧ ਰੂਸੀ ਤੇਲ ਟੈਂਕਰਾਂ 'ਤੇ ਪਾਬੰਦੀਆਂ ਲਗਾਉਣ ਦੀ ਯੋਜਨਾ ਬਣਾ ਰਿਹਾ ਹੈ। ਬਲੂਮਬਰਗ ਨੇ ਦਸਤਾਵੇਜ਼ਾਂ ਦਾ ਹਵਾਲਾ ਦਿੰਦੇ ਹੋਏ ਇਹ ਜਾਣਕਾਰੀ ਦਿੱਤੀ। ਰਿਪੋਰਟ 'ਚ ਕਿਹਾ ਗਿਆ ਕਿ ਯੂਰਪੀ ਸੰਘ 50 ਤੋਂ ਜ਼ਿਆਦਾ ਵਿਅਕਤੀਆਂ ਅਤੇ ਕਰੀਬ 40 ਸੰਗਠਨਾਂ 'ਤੇ ਪਾਬੰਦੀਆਂ ਲਗਾ ਸਕਦਾ ਹੈ। ਇਸ ਤੋਂ ਇਲਾਵਾ ਯੂਰਪੀਅਨ ਬੰਦਰਗਾਹਾਂ ਵਿੱਚ ਦਾਖਲੇ 'ਤੇ ਅਤੇ 45 ਤੋਂ ਵੱਧ ਰੂਸੀ ਤੇਲ ਟੈਂਕਰਾਂ ਲਈ ਜੋਖਮ ਭਰੇ ਸ਼ਿਪਿੰਗ ਤੱਕ ਪਹੁੰਚ 'ਤੇ ਪਾਬੰਦੀਆਂ ਸ਼ਾਮਲ ਹਨ। 

ਪੜ੍ਹੋ ਇਹ ਅਹਿਮ ਖ਼ਬਰ-ਪੁਤਿਨ ਦੀ ਨਵੀਂ ਚਾਲ, ਰੂਸੀ ਫੌਜ 'ਚ ਯਮਨ ਦੇ ਸੈਂਕੜੇ ਨੌਜਵਾਨ ਭਰਤੀ!

ਪਾਬੰਦੀਆਂ ਦੇ ਅਗਲੇ ਪੈਕੇਜ ਵਿਚ ਮੁੱਖ ਤੌਰ 'ਤੇ ਰੂਸੀ ਫੌਜੀ ਨਿਰਮਾਤਾਵਾਂ ਦੇ ਨਾਲ-ਨਾਲ ਕਈ ਚੀਨੀ ਕੰਪਨੀਆਂ ਵਿਰੁੱਧ ਪਾਬੰਦੀ ਲਗਾਏ ਜਾਣ ਦੀ ਯੋਜਨਾ ਹੈ ਜੋ ਕਥਿਤ ਤੌਰ 'ਤੇ ਡਰੋਨ ਦੇ ਉਤਪਾਦਨ ਲਈ ਕੁਝ ਹਿੱਸੇ ਪ੍ਰਦਾਨ ਕਰਦੀਆਂ ਹਨ। ਰੂਸੀ ਕੰਪਨੀਆਂ ਦੇ ਨਾਲ-ਨਾਲ ਫੌਜ ਅਤੇ ਕੰਪਨੀ ਦੇ ਅਧਿਕਾਰੀਆਂ 'ਤੇ ਵੀ ਪਾਬੰਦੀਆਂ ਲਗਾਈਆਂ ਜਾ ਸਕਦੀਆਂ ਹਨ। ਇਸ ਤੋਂ ਇਲਾਵਾ ਈਯੂ ਸਰਬੀਆ, ਈਰਾਨ, ਭਾਰਤ, ਥਾਈਲੈਂਡ ਅਤੇ ਸੰਯੁਕਤ ਅਰਬ ਅਮੀਰਾਤ (ਯੂ.ਏ.ਈ) ਦੇ ਸੰਗਠਨਾਂ 'ਤੇ ਪਾਬੰਦੀਆਂ ਲਗਾਉਣ 'ਤੇ ਵਿਚਾਰ ਕਰ ਰਿਹਾ ਹੈ ਜੋ ਕਥਿਤ ਤੌਰ 'ਤੇ ਰੂਸੀ ਫੈਡਰੇਸ਼ਨ ਨੂੰ ਫੌਜੀ ਤਕਨਾਲੋਜੀ ਹਾਸਲ ਕਰਨ ਵਿੱਚ ਮਦਦ ਕਰਦੇ ਹਨ। ਅੰਤ ਵਿੱਚ ਯੂਰਪੀਅਨ ਯੂਨੀਅਨ ਨੂੰ ਉੱਤਰੀ ਕੋਰੀਆ ਦੇ ਫੌਜੀ ਅਧਿਕਾਰੀਆਂ ਵਿਰੁੱਧ ਪਾਬੰਦੀਆਂ ਲਗਾਉਣ ਦਾ ਪ੍ਰਸਤਾਵ ਹੈ ਜੋ ਕਥਿਤ ਤੌਰ 'ਤੇ ਰੂਸ ਨੂੰ ਆਪਣੀਆਂ ਫੌਜਾਂ ਭੇਜਣ ਵਿੱਚ ਸ਼ਾਮਲ ਹਨ। ਯੂਰਪੀ ਸੰਘ ਦੇ ਮੈਂਬਰ ਦੇਸ਼ਾਂ ਦੇ ਸਥਾਈ ਨੁਮਾਇੰਦੇ ਬੁੱਧਵਾਰ ਨੂੰ ਹੋਣ ਵਾਲੀ ਬੈਠਕ 'ਚ ਰੂਸ ਖ਼ਿਲਾਫ਼ ਪਾਬੰਦੀਆਂ ਦੇ 15ਵੇਂ ਪੈਕੇਜ 'ਤੇ ਚਰਚਾ ਸ਼ੁਰੂ ਕਰਨਗੇ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।