ਘਰੇਲੂ ਹਿੰਸਾ ਦੀਆਂ ਖਬਰਾਂ ਚਿੰਤਾਜਨਕ: ਯੂਰਪ ''ਚ WHO ਦਫਤਰ

ਲੰਡਨ- ਵਿਸ਼ਵ ਸਿਹਤ ਸੰਗਠਨ ਦੇ ਯੂਰਪ ਦਫਤਰ ਦੇ ਮੁਖੀ ਨੇ ਕਿਹਾ ਹੈ ਕਿ ਏਜੰਸੀ ਕੋਰੋਨਾ ਵਾਇਰਸ ਮਹਾਮਾਰੀ ਦੇ ਵਿਚਾਲੇ ਬੈਲਜੀਅਮ, ਬ੍ਰਿਟੇਨ, ਫਰਾਂਸ, ਰੂਸ, ਸਪੇਨ, ਤੇ ਹੋਰ ਦੇਸ਼ਾਂ ਵਿਚ ਔਰਤਾਂ, ਪੁਰਸ਼ਾਂ ਤੇ ਬੱਚਿਆਂ ਖਿਲਾਫ ਵਧਦੀ ਘਰੇਲੂ ਹਿੰਸਾ ਦੀਆਂ ਖਬਰਾਂ ਨੂੰ ਲੈ ਕੇ ਬਹੁਚ ਚਿੰਤਤ ਹਨ।

ਡਾਕਟਰ ਹਾਂਸ ਕਲੂਗੋ ਨੇ ਵੀਰਵਾਰ ਨੂੰ ਪੱਤਰਕਾਰਾਂ ਨਾਲ ਗੱਲ ਕਰਦਿਆਂ ਕਿਹਾ ਕਿ ਡਾਟਾ ਬਹੁਤ ਘੱਟ ਹੈ ਪਰ ਯੂਰਪੀ ਦੇਸ਼ਾਂ ਵਿਚ 60 ਫੀਸਦੀ ਔਰਤਾਂ ਦੇ ਘਰੇਲੂ ਹਿੰਸਾ ਨਾਲ ਪ੍ਰਭਾਵਿਤ ਹੋਣ ਦੀ ਜਾਣਕਾਰੀ ਆ ਰਹੀ ਹੈ ਤੇ ਹੈਲਪਲਾਈਨ ਨੰਬਰਾਂ 'ਤੇ ਕੀਤੀ ਜਾਣ ਵਾਲੀ ਕਾਲ ਵਿਚ ਪੰਜ ਗੁਣਾ ਵਾਧਾ ਦਰ ਕੀਤਾ ਗਿਆ ਹੈ। ਉਹਨਾਂ ਨੇ ਚਿਤਾਵਨੀ ਦਿੱਤੀ ਹੈ ਕਿ ਕੋਵਿਡ-19 ਨੂੰ ਕਾਬੂ ਕਰਨ ਲਈ ਪਾਬੰਦੀਆਂ ਵਾਲੇ ਉਪਾਅ ਜਾਰੀ ਰੱਖਣ ਦੇ ਜੋਖਿਮ ਦਾ ਸਾਹਮਣਾ ਕਰਨ ਵਾਲੀਆਂ ਔਰਤਾਂ ਤੇ ਬੱਚਿਆਂ 'ਤੇ ਭਿਆਨਕ ਪ੍ਰਭਾਵ ਹੋ ਸਕਦਾ ਹੈ। ਉਹਨਾਂ ਨੇ ਸੰਯੁਕਤ ਰਾਸ਼ਟਰ ਜਨਸੰਖਿਆ ਫੰਡ ਦੇ ਡਾਟਾ ਦਾ ਉਲੰਘਣ ਕਰਦੇ ਹੋਏ ਕਿਹਾ ਕਿ ਜੇਕਰ ਲਾਕਡਾਊਨ 6 ਮਹੀਨੇ ਜਾਰੀ ਰਹਿੰਦਾ ਹੈ ਤਾਂ ਸਾਡੇ ਸਾਹਮਣੇ ਪੂਰੀ ਦੁਨੀਆ ਵਿਚ ਲੈਂਗਿਕ ਹਿੰਸਾ ਦੇ 3.1 ਕਰੋੜ ਵਧੇਰੇ ਮਾਮਲੇ ਆ ਸਕਦੇ ਹਨ। ਕਲੂਗੋ ਨੇ ਕਿਹਾ ਕਿ ਅਧਿਕਾਰੀਆਂ ਨੂੰ ਇਹ ਪੁਖਤਾ ਕਰਨ ਨੂੰ ਨੈਤਿਕ ਡਿਊਟੀ ਮੰਨਣਾ ਚਾਹੀਦਾ ਹੈ ਕਿ ਮਦਦ ਸੇਵਾਵਾਂ ਭਾਈਚਾਰਿਆਂ ਲਈ ਮੁਹੱਈਆ ਹੋਣ।