ਭਾਰਤੀ ਵਿਦਿਆਰਥਣ ਦੀ ਮੌਤ 'ਤੇ ਹੱਸਣ ਵਾਲਾ ਅਮਰੀਕੀ ਪੁਲਸ ਮੁਲਾਜ਼ਮ ਬਰਖਾਸਤ
Thursday, Jul 18, 2024 - 12:24 PM (IST)
![](https://static.jagbani.com/multimedia/2024_7image_12_24_07598693359.jpg)
ਨਿਊਯਾਰਕ/ਸਿਆਟਲ (ਭਾਸ਼ਾ): ਅਮਰੀਕਾ ਵਿਚ ਭਾਰਤੀ ਵਿਦਿਆਰਥਣ ਦੀ ਮੌਤ ਤੋਂ ਬਾਅਦ ਅਸੰਵੇਦਨਸ਼ੀਲ ਟਿੱਪਣੀਆਂ ਕਰਨ ਅਤੇ ਹੱਸਣ ਵਾਲੇ ਪੁਲਸ ਅਧਿਕਾਰੀ ਨੂੰ ਬਰਖਾਸਤ ਕਰ ਦਿੱਤਾ ਗਿਆ ਹੈ। ਵਾਸ਼ਿੰਗਟਨ ਦੀ ਨੌਰਥ ਈਸਟਰਨ ਯੂਨੀਵਰਸਿਟੀ ਦੀ ਵਿਦਿਆਰਥਣ ਜਾਹਨਵੀ ਕੰਦੂਲਾ (23) ਨੂੰ 23 ਜਨਵਰੀ ਨੂੰ ਸੜਕ ਪਾਰ ਕਰਦੇ ਸਮੇਂ ਪੁਲਸ ਵਾਹਨ ਨੇ ਟੱਕਰ ਮਾਰ ਦਿੱਤੀ ਸੀ। ਇਸ ਗੱਡੀ ਨੂੰ ਕੇਵਿਨ ਡੇਵ ਨਾਂ ਦਾ ਅਧਿਕਾਰੀ ਚਲਾ ਰਿਹਾ ਸੀ ਅਤੇ ਉਹ ਕਿਸੇ ਹੋਰ ਮਾਮਲੇ ਦੀ ਜਾਂਚ ਲਈ ਤੇਜ਼ੀ ਨਾਲ ਗੱਡੀ ਚਲਾ ਰਿਹਾ ਸੀ।
ਗੱਡੀ ਦੀ ਲਪੇਟ 'ਚ ਆਉਣ ਤੋਂ ਬਾਅਦ ਕੰਦੂਲਾ 100 ਫੁੱਟ ਦੂਰ ਜਾ ਡਿੱਗੀ। ਸੀਏਟਲ ਪੁਲਸ ਵਿਭਾਗ ਦੁਆਰਾ ਜਾਰੀ ਬਾਡੀਕੈਮ ਫੁਟੇਜ ਵਿੱਚ ਅਧਿਕਾਰੀ ਡੈਨੀਅਲ ਆਰਡਰਰ ਨੂੰ ਭਿਆਨਕ ਹਾਦਸੇ 'ਤੇ ਹੱਸਦੇ ਹੋਏ ਅਤੇ ਕਹਿੰਦੇ ਹੋਏ ਸੁਣਿਆ ਗਿਆ ਹੈ, "ਓ, ਮੈਨੂੰ ਲੱਗਦਾ ਹੈ ਕਿ ਉਹ ਹੁੱਡ 'ਤੇ ਆ ਡਿੱਗੀ, ਸਾਹਮਣੇ ਵਾਲੀ ਵਿੰਡਸ਼ੀਲਡ ਨਾਲ ਟਕਰਾਈ ਅਤੇ ਫਿਰ ਜਦੋਂ ਉਸ ਨੇ (ਪੁਲਸ ਵਾਹਨ ਦੇ ਡਰਾਈਵਰ) ਬ੍ਰੇਕ ਮਾਰੀ ਤਾਂ ਕਾਰ ਤੋਂ ਦੂਰ ਜਾਕੇ ਡਿੱਗੀ... ਉਹ ਮਰ ਗਈ ਹੈ।'' ਅਨੁਸ਼ਾਸਨੀ ਕਾਰਵਾਈ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਇਹ ਅਸੰਵੇਦਨਸ਼ੀਲ ਟਿੱਪਣੀਆਂ ਕਰਨ ਤੋਂ ਬਾਅਦ ਆਰਡਰ "ਚਾਰ ਸਕਿੰਟ ਲਈ ਉੱਚੀ-ਉੱਚੀ ਹੱਸਿਆ।"
ਪੜ੍ਹੋ ਇਹ ਅਹਿਮ ਖ਼ਬਰ-ਅਮਰੀਕਾ : ਗੋਲੀਬਾਰੀ 'ਚ 29 ਸਾਲਾ ਭਾਰਤੀ ਨੌਜਵਾਨ ਦੀ ਮੌਤ, ਹਾਲ ਹੀ 'ਚ ਹੋਇਆ ਸੀ ਵਿਆਹ
ਸੀਏਟਲ ਦੇ ਕਾਰਜਕਾਰੀ ਪੁਲਸ ਮੁਖੀ ਸੂ ਰਾਹਨ ਨੇ ਇੱਕ ਈਮੇਲ ਵਿੱਚ ਕਿਹਾ ਕਿ ਆਰਡਰ ਦੀਆਂ ਟਿੱਪਣੀਆਂ ਕਾਰਨ ਕੰਦੂਲਾ ਦੇ ਪਰਿਵਾਰ ਨੂੰ ਜੋ ਦਰਦ ਪਹੁੰਚਿਆ ਉਸ ਨੂੰ "ਦੂਰ ਨਹੀਂ ਕੀਤਾ ਜਾ ਸਕਦਾ।" ਪੁਲਸ ਅਧਿਕਾਰੀ ਦੀਆਂ ਕਾਰਵਾਈਆਂ ਨੇ ਸੀਏਟਲ ਪੁਲਸ ਵਿਭਾਗ ਅਤੇ ਸਾਡੇ ਪੂਰੇ ਪੇਸ਼ੇ ਨੂੰ ਸ਼ਰਮਸਾਰ ਕੀਤਾ ਹੈ, ਜਿਸ ਨਾਲ ਹਰੇਕ ਪੁਲਸ ਅਧਿਕਾਰੀ ਦੀ ਨੌਕਰੀ ਹੋਰ ਵੀ ਮੁਸ਼ਕਲ ਹੋ ਗਈ ਹੈ।” ਰਾਹ ਨੇ ਕਿਹਾ ਕਿ ਏਜੰਸੀ ਦੇ ਮੁਖੀ ਵਜੋਂ ਇਹ ਉਸਦਾ ਫਰਜ਼ ਹੈ ਕਿ ਲੋਕਾਂ ਦੇ ਵਿਸ਼ਵਾਸ ਨੂੰ ਉੱਚੇ ਮਿਆਰਾਂ ਨੂੰ ਬਣਾਈ ਰੱਖਣਾ ਯਕੀਨੀ ਬਣਾਇਆ ਜਾਵੇ। ਉਨ੍ਹਾਂ ਕਿਹਾ, ''ਇਸ ਅਧਿਕਾਰੀ ਨੂੰ ਸਾਡੇ ਬਲ 'ਤੇ ਬਣੇ ਰਹਿਣ ਦੇਣਾ ਪੂਰੇ ਵਿਭਾਗ ਦਾ ਅਪਮਾਨ ਹੋਵੇਗਾ। ਇਸ ਕਾਰਨ ਤੋਂ ਮੈਂ ਉਸ ਨੂੰ ਬਰਖਾਸਤ ਕਰ ਰਹੀ ਹਾਂ।''
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।