ਅਮਰੀਕਾ ਨੇ ਪੱਛਮੀ ਏਸ਼ੀਆ ''ਚ ਪ੍ਰਮਾਣੂ ਪਣਡੁੱਬੀ ਤਾਇਨਾਤ ਕਰਨ ਦਾ ਹੁਕਮ ਦਿੱਤਾ

ਵਾਸ਼ਿੰਗਟਨ, (ਯੂ. ਐੱਨ. ਆਈ.)- ਅਮਰੀਕਾ ਨੇ ਪੱਛਮੀ ਏਸ਼ੀਆ ਵਿਚ ਯੂ.ਐੱਸ.ਐੱਸ. ਜਾਰਜੀਆ ਪ੍ਰਮਾਣੂ ਪਣਡੁੱਬੀ ਦੀ ਤਾਇਨਾਤੀ ਦੇ ਹੁਕਮ ਦਿੱਤੇ ਹਨ ਅਤੇ ਅਬ੍ਰਾਹਮ ਲਿੰਕਨ ਏਅਰਕ੍ਰਾਫਟ ਕੈਰੀਅਰ ਦੀ ਤਾਇਨਾਤੀ ਵਿਚ ਤੇਜ਼ੀ ਲਿਆਂਦੀ ਹੈ। ਅਮਰੀਕੀ ਰੱਖਿਆ ਮੰਤਰਾਲੇ 'ਪੈਂਟਾਗਨ' ਨੇ ਐਤਵਾਰ ਨੂੰ ਰੱਖਿਆ ਮੰਤਰੀ ਲੋਇਡ ਆਸਟਿਨ ਦੀ ਇਜ਼ਰਾਈਲ ਦੇ ਰੱਖਿਆ ਮੰਤਰੀ ਯੋਵ ਗੈਲੈਂਟ ਨਾਲ ਗੱਲਬਾਤ ਤੋਂ ਬਾਅਦ ਇਹ ਜਾਣਕਾਰੀ ਦਿੱਤੀ। 

ਰੱਖਿਆ ਸਕੱਤਰ ਆਸਟਿਨ ਨੇ F-35C ਲੜਾਕੂ ਜਹਾਜ਼ਾਂ ਨਾਲ ਲੈਸ USS ਅਬ੍ਰਾਹਮ ਲਿੰਕਨ ਕੈਰੀਅਰ ਸਟ੍ਰਾਈਕ ਗਰੁੱਪ ਨੂੰ ਸੈਂਟਰਲ ਕਮਾਂਡ ਖੇਤਰ ਵਿਚ ਆਪਣੀ ਆਵਾਜਾਈ ਨੂੰ ਤੇਜ਼ ਕਰਨ ਦਾ ਹੁਕਮ ਦਿੱਤਾ ਹੈ।ਇਸ ਵਿਚ ਕਿਹਾ ਗਿਆ ਹੈ ਕਿ ਇਹ ਭੂਮਿਕਾ USS ਥੀਓਡੋਰ ਰੂਜ਼ਵੈਲਟ ਕੈਰੀਅਰ ਸਟ੍ਰਾਈਕ ਗਰੁੱਪ ਰਾਹੀਂ ਪਹਿਲਾਂ ਹੀ ਪ੍ਰਦਾਨ ਕੀਤੀ ਗਈ ਹੈ। ਪੈਂਟਾਗਨ ਨੇ ਕਿਹਾ ਕਿ ਇਸ ਤੋਂ ਇਲਾਵਾ ਰੱਖਿਆ ਮੰਤਰੀ ਨੇ ਯੂਐੱਸਐੱਸ ਜਾਰਜੀਆ (ਐੱਸਐੱਸਜੀਐੱਨ 729) ਗਾਈਡਿਡ ਮਿਜ਼ਾਈਲ ਪਣਡੁੱਬੀ ਨੂੰ ਸੈਂਟਰਲ ਕਮਾਂਡ ਖੇਤਰ ਵਿਚ ਭੇਜਣ ਦਾ ਵੀ ਹੁਕਮ  ਦਿੱਤਾ ਹੈ। ਮਿਸਟਰ ਔਸਟਿਨ ਅਤੇ ਮਿਸਟਰ ਗੈਲੈਂਟ ਨੇ ਫ਼ੋਨ ਕਾਲ ਦੌਰਾਨ ਗਾਜ਼ਾ ਵਿਚ ਜੰਗਬੰਦੀ ਅਤੇ ਇਜ਼ਰਾਈਲ ਦੇ ਸੁਰੱਖਿਆ ਉਪਾਵਾਂ ਨੂੰ ਪ੍ਰਾਪਤ ਕਰਨ ਦੇ ਯਤਨਾਂ ਬਾਰੇ ਚਰਚਾ ਕੀਤੀ। ਸ਼੍ਰੀਮਾਨ ਆਸਟਿਨ ਨੇ ਖਾਸ ਤੌਰ 'ਤੇ ਪੱਛਮੀ ਏਸ਼ੀਆ ਵਿਚ ਆਪਣੇ ਸਹਿਯੋਗੀ ਦੀ ਰੱਖਿਆ ਲਈ ਸਾਰੇ ਜ਼ਰੂਰੀ ਕਦਮ ਚੁੱਕਣ ਲਈ ਅਮਰੀਕਾ ਦੀ ਤਿਆਰੀ 'ਤੇ ਜ਼ੋਰ ਦਿੱਤਾ।