ਅਫ਼ਗਾਨ ਪ੍ਰਵਾਸੀਆਂ ਦਾ ਭੱਖਿਆ ਦਰਦ : ਕਿਹਾ- ਪਾਕਿਸਤਾਨ ਹੀ ਅਫ਼ਗਾਨੀਸਤਾਨ ਦੀ ਤਬਾਹੀ ਦਾ ਕਾਰਨ

ਕਾਬੁਲ: ਨੀਦਰਲੈਂਡਜ਼ ਵਿਚਲੇ ਅਫਗਾਨ ਪ੍ਰਵਾਸੀਆਂ ਨੇ ਅਫਗਾਨਿਸਤਾਨ ਤੋਂ ਅਮਰੀਕੀ ਅਤੇ ਨਾਟੋ ਫੌਜਾਂ ਦੀ ਵਾਪਸੀ ਦੇ ਵਿਚਾਲੇ ਵੱਧ ਰਹੀ ਹਿੰਸਾ ਅਤੇ ਪਾਕਿਸਤਾਨ ਦੀ ਚਾਲ ਦੇ ਦੁਖਾਂਤ ਤੇ ਆਪਣਾ ਦਰਦ ਜ਼ਾਹਰ ਕੀਤਾ ਹੈ। ਅਫਗਾਨਿਸਤਾਨ ਦੇ ਪ੍ਰਵਾਸੀਆਂ ਦੇ ਇਕ ਸਮੂਹ ਨੇ ਕਿਹਾ ਕਿ ਅਫਗਾਨਿਸਤਾਨ ਵਿਚ ਪਾਕਿਸਤਾਨ ਦੀ ਦੋਹਰੀ ਰਣਨੀਤੀ ਅਜੇ ਵੀ ਜਾਰੀ ਹੈ, ਜਿਸ ਨਾਲ ਡੁਰਾਂਡ ਲਾਈਨ ਦੇ ਦੋਵੇਂ ਪਾਸਿਆਂ ਦੇ ਅਫਗਾਨਾਂ ਨੂੰ ਅਸਹਿ ਦਰਦ ਸਹਿਣਾ ਪੈ ਰਿਹਾ ਹੈ। ਸਮੂਹ ਨੇ ਇੱਕ ਬਿਆਨ ਵਿਚ ਕਿਹਾ ਕਿ 'ਪਾਕਿਸਤਾਨੀ ਫੌਜੀ ਮੁਖੀਆਂ ਨੇ ਅਧਿਕਾਰਤ ਤੌਰ 'ਤੇ ਤਾਲਿਬਾਨ ਵਰਗੇ ਹਮਾਇਤੀ ਸਮੂਹਾਂ ਨੂੰ ਸਵੀਕਾਰ ਕਰ ਲਿਆ ਹੈ। ਉਹ ਇਸ ਦਖਲ ਨੂੰ ਰਣਨੀਤਕ ਡੂੰਘਾਈ ਕਹਿੰਦੇ ਹਨ। ਪਿਛਲੇ ਕੁਝ ਦਹਾਕਿਆਂ ਤੋਂ, ਅਫ਼ਗਾਨ ਲੋਕ ਖੇਤਰੀ ਦੇਸ਼ਾਂ ਅਤੇ ਵਿਸ਼ਵ ਸ਼ਕਤੀਆਂ ਦੁਆਰਾ ਲਗਾਤਾਰ ਪ੍ਰੌਕਸੀ ਯੁੱਧਾਂ ਦਾ ਸ਼ਿਕਾਰ ਹੋਏ ਹਨ। ਪਾਕਿਸਤਾਨ ਨੇ ਖ਼ਾਸਕਰ ਯੁੱਧ ਭੜਕਾਉਣ ਵਿਚ ਵੱਡੀ ਭੂਮਿਕਾ ਨਿਭਾਈ ਹੈ।

ਉਨ੍ਹਾਂ ਕਿਹਾ ਕਿ ਪਾਕਿਸਤਾਨ ਦਾ ਨਾਰਕੋ-ਮਾਫੀਆ, ਅਲ ਕਾਇਦਾ ਅਤੇ ਹੋਰ ਅੱਤਵਾਦੀ ਸਮੂਹਾਂ ਦੇ ਗਠਜੋੜ ਨੂੰ ਹਮਾਇਤ ਨੇ ਅਫਗਾਨਿਸਤਾਨ ਵਿਚ ਅਕੁੱਸੀ ਮੌਤਾਂ ਅਤੇ ਤਬਾਹੀ ਮਚਾਈ ਹੈ। ਅਫਗਾਨਿਸਤਾਨ ਵਿਚ ਪਾਕਿਸਤਾਨ ਵੱਖ-ਵੱਖ ਪ੍ਰੌਕਸੀ ਗਰੁੱਪ ਬਣਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ 'ਅਸੀਂ ਮੰਨਦੇ ਹਾਂ ਕਿ ਅਫਗਾਨਿਸਤਾਨ ਵਿੱਚ ਅੱਤਵਾਦ ਲਈ ਪਾਕਿਸਤਾਨ ਦੇ ਸਮਰਥਨ ਨੇ ਅੱਤਵਾਦੀ ਸੰਗਠਨਾਂ ਜਿਵੇਂ ਅਲ-ਕਾਇਦਾ ਨੂੰ ਜਨਮ ਦਿੱਤਾ ਹੈ।' ਬਹੁਤੇ ਅਫਗਾਨ ਇਸ ਨਤੀਜੇ 'ਤੇ ਪਹੁੰਚੇ ਹਨ ਕਿ ਮੌਜੂਦਾ ਲੜਾਈ ਕਿਸੇ ਉੱਚੀਆਂ ਕਦਰਾਂ ਕੀਮਤਾਂ ਲਈ ਨਹੀਂ, ਬਲਕਿ ਸੱਤਾ ਲਈ ਲੜੀ ਗਈ ਹਨ।

ਇਹ ਵੀ ਪੜ੍ਹੋ : ਇੰਡੀਗੋ ਦਾ ਖ਼ਾਸ ਆਫ਼ਰ : ਟਿਕਟਾਂ 'ਤੇ 10% ਦੀ ਛੋਟ ਲੈਣ ਲਈ ਕਰਨਾ ਹੋਵੇਗਾ ਇਹ ਕੰਮ

ਇਸੇ ਲਈ ਅਸੀਂ ਪਾਕਿਸਤਾਨ ਅਤੇ ਉਨ੍ਹਾਂ ਦੇਸ਼ ਨੂੰ ਜ਼ਿੰਮੇਵਾਰ ਠਹਿਰਾਉਂਦੇ ਹਾਂ ਜੋ ਅਫਗਾਨਿਸਤਾਨ ਵਿਚ ਲੜਾਈ ਭੜਕਾਉਣ ਵਿਚ ਪਾਕਿਸਤਾਨ ਦਾ ਸਮਰਥਨ ਕਰਦੇ ਹਨ। ਇਸ ਯੁੱਧ ਨੂੰ ਜਾਰੀ ਰੱਖਣਾ ਸਾਰੇ ਅਫਗਾਨ, ਇਸਲਾਮਿਕ ਅਤੇ ਮਨੁੱਖਤਾਵਾਦੀ ਕਦਰਾਂ ਕੀਮਤਾਂ ਦੇ ਵਿਰੁੱਧ ਹੈ। ਦਰਅਸਲ ਮੱਕਾ ਵਿਚ ਇਸਲਾਮਿਕ ਵਿਦਵਾਨਾਂ ਦੇ ਇੱਕ ਵਫ਼ਦ ਨੇ ਅਫਗਾਨਿਸਤਾਨ ਦੀ ਲੜਾਈ ਨੂੰ ਅਨੈਤਿਕ ਅਤੇ ਇਸਲਾਮਿਕ ਕਦਰਾਂ ਕੀਮਤਾਂ ਦੇ ਵਿਰੁੱਧ ਕਿਹਾ ਹੈ।

ਉਨ੍ਹਾਂ ਕਿਹਾ ਕਿ ਨੀਦਰਲੈਂਡਜ਼ ਵਿੱਚ ਵਸਦੇ ਅਫਗਾਨਿਸਤਾਨੀ ਪ੍ਰੌਕਸੀ ਲੜਾਈ ਦਾ ਪੁਰਜ਼ੋਰ ਵਿਰੋਧ ਕਰਦੇ ਹਾਂ ਅਤੇ ਪਾਕਿਸਤਾਨ ਨੂੰ ਅਪੀਲ ਕਰਦੇ ਹਨ ਕਿ ਅਫਗਾਨਿਸਤਾਨ ਵਿੱਚ ਦਖਲਅੰਦਾਜ਼ੀ ਦੀ ਆਪਣੀ ਵਿਨਾਸ਼ਕਾਰੀ ਨੀਤੀ ਅਤੇ ਪਾਕਿਸਤਾਨੀ ਫੌਜ ਦੇ ਹਿੱਸਾਂ ਲਈ ਹੱਤਿਆ ਅਤੇ ਤਬਾਹੀ ਮਚਾਉਣ ਵਾਲੇ ਪ੍ਰੌਕਸੀ ਸਮੂਹਾਂ ਦਾ ਸਮਰਥਨ ਬੰਦ ਕਰੇ।

ਅਸੀਂ ਤਾਲਿਬਾਨ ਲੜਾਕਿਆਂ ਨੂੰ ਅਪੀਲ ਕਰਦੇ ਹਾਂ ਕਿ ਉਹ ਆਪਣੇ ਨੇਤਾਵਾਂ ਦੇ ਝੂਠਾਂ ਨਾਲ ਗੁੰਮਰਾਹ ਨਾ ਹੋਣ, ਜੋ ਕਿ ਪਾਕਿਸਤਾਨੀ ਖੁਫੀਆ ਏਜੰਸੀ ਆਈਐਸਆਈ ਦੁਆਰਾ ਨਿਯੰਤਰਿਤ ਹਨ! ਆਓ ਆਪਾਂ ਆਪਣੇ ਦੁੱਖਾਂ ਦਾ ਸੰਵਾਦ ਦੁਆਰਾ ਹੱਲ ਕਰੀਏ। ਹੁਣ ਜਦੋਂ ਵਿਦੇਸ਼ੀ ਫੌਜਾਂ ਜਾ ਰਹੀਆਂ ਹਨ, ਤਾਂ ਇਹ ਸਪੱਸ਼ਟ ਹੈ ਕਿ ਇਹ ਤਾਲਿਬਾਨ ਦੀ ਲੜਾਈ ਜਹਾਦ ਲਈ ਨਹੀਂ, ਸਗੋਂ ਪਾਕਿਸਤਾਨੀ ਫੌਜ ਦੇ ਹਿੱਤਾਂ ਲਈ ਸੀ। ਅਫਗਾਨਿਸਤਾਨ ਦੀ ਸਰਕਾਰ ਅਤੇ ਤਾਲਿਬਾਨ ਨੂੰ ਆਪਣੇ ਮਤਭੇਦ ਸੁਲਝਾਉਣੇ ਚਾਹੀਦੇ ਹਨ।

ਇਹ ਵੀ ਪੜ੍ਹੋ : ਪਿਛਲੇ 2 ਸਾਲਾਂ ’ਚ ITR ਨਹੀਂ ਫਾਈਲ ਕੀਤਾ ਤਾਂ ਹੋ ਸਕਦੀ ਮੁਸ਼ਕਿਲ, ਇਨਕਮ ਟੈਕਸ ਵਿਭਾਗ ਨੇ ਕੀਤੀ ਇਹ ਤਿਆਰੀ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।