ਪੂਰਬੀ ਅਫਗਾਨਿਸਤਾਨ ''ਚ ਧਮਾਕੇ ''ਚ 3 ਬੱਚਿਆਂ ਦੀ ਮੌਤ ਤੇ 3 ਜ਼ਖਮੀ

ਗਜ਼ਨੀ : ਪੂਰਬੀ ਅਫਗਾਨਿਸਤਾਨ ਦੇ ਗਜ਼ਨੀ ਸੂਬੇ 'ਚ ਇਕ ਯੰਤਰ ਫਟਣ ਕਾਰਨ ਤਿੰਨ ਬੱਚਿਆਂ ਦੀ ਮੌਤ ਹੋ ਗਈ ਤੇ ਤਿੰਨ ਹੋਰ ਜ਼ਖਮੀ ਹੋ ਗਏ। ਸੂਬਾਈ ਪੁਲਸ ਦਫਤਰ ਨੇ ਸੋਮਵਾਰ ਰਾਤ ਨੂੰ ਇਕ ਬਿਆਨ 'ਚ ਇਸ ਬਾਰੇ ਜਾਣਕਾਰੀ ਦਿੱਤੀ। ਇਹ ਹਾਦਸਾ ਸੂਬੇ ਦੇ ਕਾਰਾ ਬਾਗ ਜ਼ਿਲ੍ਹੇ 'ਚ ਉਸ ਸਮੇਂ ਵਾਪਰਿਆ ਜਦੋਂ ਬੱਚੇ ਆਲੂ ਦੇ ਖੇਤ 'ਚ ਕੰਮ ਕਰ ਰਹੇ ਸਨ। ਦਫਤਰ ਨੇ ਦੱਸਿਆ ਕਿ ਯੰਤਰ ਫਟ ਗਿਆ, ਜਿਸ ਨਾਲ ਤਿੰਨ ਬੱਚਿਆਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ ਅਤੇ ਤਿੰਨ ਹੋਰ ਜ਼ਖਮੀ ਹੋ ਗਏ। ਇਸ 'ਚ ਕਿਹਾ ਗਿਆ ਹੈ ਕਿ ਜ਼ਖਮੀਆਂ ਨੂੰ ਇਲਾਜ ਲਈ ਨੇੜੇ ਦੇ ਹਸਪਤਾਲ 'ਚ ਭੇਜ ਦਿੱਤਾ ਗਿਆ ਹੈ।

ਸੰਯੁਕਤ ਰਾਸ਼ਟਰ ਦੇ ਮਨੁੱਖੀ ਮਾਮਲਿਆਂ ਦੇ ਤਾਲਮੇਲ ਲਈ ਦਫਤਰ ਨੇ ਦੱਸਿਆ ਕਿ 2024 ਦੇ ਪਹਿਲੇ ਛੇ ਮਹੀਨਿਆਂ 'ਚ ਬਾਰੂਦੀ ਸੁਰੰਗਾਂ ਅਤੇ ਬਚੇ ਹੋਏ ਵਿਸਫੋਟਕਾਂ 'ਚ ਧਮਾਕਿਆਂ ਦੌਰਾਨ ਕੁੱਲ 292 ਲੋਕਾਂ ਦੀ ਜਾਨ ਚਲੀ ਗਈ, ਜਿਨ੍ਹਾਂ ਵਿੱਚ ਜ਼ਿਆਦਾਤਰ ਬੱਚੇ ਸਨ। ਯੁੱਧ ਨਾਲ ਤਬਾਹ ਅਫਗਾਨਿਸਤਾਨ ਦੁਨੀਆ ਦੇ ਸਭ ਤੋਂ ਵੱਧ ਬਾਰੂਦੀ ਸੁਰੰਗਾਂ ਵਾਲੇ ਦੇਸ਼ਾਂ 'ਚੋਂ ਇੱਕ ਹੈ, ਜਿੱਥੇ ਹਰ ਮਹੀਨੇ ਦਰਜਨਾਂ ਲੋਕ, ਜ਼ਿਆਦਾਤਰ ਬੱਚੇ, ਮਾਰੇ ਜਾਂਦੇ ਹਨ ਤੇ ਅਪੰਗ ਹੋ ਜਾਂਦੇ ਹਨ।