ਚੀਨ ''ਚ ਨਦੀ ''ਚ ਡਿੱਗੀ ਬੱਸ, 2 ਲੋਕਾਂ ਦੀ ਮੌਤ, 12 ਲਾਪਤਾ

ਹੇਬੇਈ- ਚੀਨ ਦੇ ਉੱਤਰੀ ਹੇਬੇਈ ਸੂਬੇ ਵਿਚ ਸੋਮਵਾਰ ਨੂੰ ਇਕ ਬੱਸ ਨਦੀ ਵਿਚ ਡਿੱਗਣ ਕਾਰਨ 2 ਲੋਕਾਂ ਦੀ ਮੌਤ ਹੋ ਗਈ ਅਤੇ 12 ਹੋਰ ਲਾਪਤਾ ਹੋ ਗਏ। ਇਕ ਨਿਊਜ਼ ਏਜੰਸੀ ਨੇ ਖੇਤਰੀ ਐਮਰਜੈਂਸੀ ਵਿਭਾਗ ਦੇ ਹਵਾਲੇ ਤੋਂ ਦੱਸਿਆ ਕਿ ਹੁਣ ਤੱਕ 39 ਲੋਕਾਂ ਨੂੰ ਪਾਣੀ ਵਿੱਚੋਂ ਬਾਹਰ ਕੱਢਿਆ ਗਿਆ ਹੈ, ਜਿਨ੍ਹਾਂ ਵਿਚੋਂ 2 ਦੀ ਮੌਤ ਹੋ ਗਈ ਹੈ ਅਤੇ 12 ਹੋਰ ਲਾਪਤਾ ਹਨ। ਕੁੱਲ ਮਿਲਾ ਕੇ ਬੱਸ ਵਿਚ 51 ਲੋਕ ਸਵਾਰ ਸਨ।

ਇਹ ਹਾਦਸਾ ਤੜਕੇ ਸਵੇਰੇ ਉਦੋਂ ਵਾਪਰਿਆ, ਜਦੋਂ ਮਜ਼ਦੂਰਾਂ ਨੂੰ ਲੈ ਕੇ ਜਾ ਰਹੀ ਇਕ ਬੱਸ ਪਿੰਗਸ਼ਾਨ ਕਾਊਂਟੀ ਵਿਚ ਹੁਤੂਓ ਨਦੀ ਵਿਚ ਇਕ ਪੁਲ ਤੋਂ ਹੇਠਾਂ ਡਿੱਗ ਗਈ। ਹਾਦਸੇ ਦੇ ਕਾਰਨਾਂ ਦਾ ਪਤਾ ਨਹੀਂ ਲੱਗ ਸਕਿਆ ਹੈ।ਇਲਾਕੇ ਵਿਚ ਖੋਜ ਅਤੇ ਬਚਾਅ ਕਾਰਜ ਜਾਰੀ ਹੈ। ਜਾਂਚ ਦੇ ਲਈ ਬੱਸ ਚਾਲਕ ਨੂੰ ਹਿਰਾਸਤ ਵਿਚ ਲੈ ਲਿਆ ਗਿਆ।