ਆਸਟ੍ਰੇਲੀਆ : ਹਨੂਕਾ ਫੈਸਟੀਵਲ ਦੌਰਾਨ ਗੋਲੀਬਾਰੀ ਕਰਨ ਵਾਲੇ ਪਿਓ-ਪੁੱਤ ਦਾ ਪਾਕਿ ਤੇ ISIS ਨਾਲ ਕਨੈਕਸ਼ਨ!

ਸਿਡਨੀ : ਆਸਟ੍ਰੇਲੀਆ ਦੇ ਸਿਡਨੀ ਸ਼ਹਿਰ ਵਿੱਚ ਮਸ਼ਹੂਰ ਬੌਂਡੀ ਬੀਚ 'ਤੇ ਹਨੂਕਾ (Hanukkah) ਤਿਉਹਾਰ ਦੌਰਾਨ ਹੋਈ ਅੰਨ੍ਹੇਵਾਹ ਗੋਲੀਬਾਰੀ ਨੇ ਦੇਸ਼ ਨੂੰ ਹਿਲਾ ਕੇ ਰੱਖ ਦਿੱਤਾ ਹੈ। ਆਸਟ੍ਰੇਲੀਆਈ ਅਧਿਕਾਰੀਆਂ ਅਨੁਸਾਰ, ਇਸ ਅੱਤਵਾਦੀ ਹਮਲੇ ਵਿੱਚ ਇੱਕ ਬੱਚੇ ਸਮੇਤ 12 ਤੋਂ ਵਧੇਰੇ ਲੋਕਾਂ ਦੀ ਮੌਤ ਹੋ ਗਈ ਹੈ। ਘਟਨਾ ਵਿੱਚ ਕਈ ਹੋਰ ਲੋਕ ਜ਼ਖਮੀ ਹੋਏ ਹਨ, ਜਿਨ੍ਹਾਂ ਵਿੱਚੋਂ ਕਈ ਗੰਭੀਰ ਦੱਸੇ ਜਾ ਰਹੇ ਹਨ। ਸੋਮਵਾਰ ਸਵੇਰ ਤੱਕ ਘੱਟੋ-ਘੱਟ 42 ਲੋਕ ਹਸਪਤਾਲਾਂ ਵਿੱਚ ਦਾਖਲ ਸਨ।

Navid Akram, one of the perpetrators of the Bondi Beach attack in Sydney, Australia,
was Googled in Tel Aviv on December 13th, one day before the attack !!!pic.twitter.com/LHS7FFyEuI

— Ahmed Hassan 🇾🇪 أحمد حسن زيد (@Ahmed_hassan_za) December 14, 2025

ਹਮਲਾਵਰਾਂ ਦੀ ਪਛਾਣ ਅਤੇ ਕਨੈਕਸ਼ਨ
ਅਧਿਕਾਰੀਆਂ ਨੇ ਦੱਸਿਆ ਕਿ ਗੋਲੀਬਾਰੀ ਕਰਨ ਵਾਲੇ ਇਹ ਪਿਤਾ ਅਤੇ ਪੁੱਤਰ ਪਾਕਿਸਤਾਨੀ ਸਨ। ਹਮਲਾਵਰਾਂ ਵਿੱਚੋਂ 50 ਸਾਲਾ ਨਾਵਿਦ ਅਕਰਮ ਨੂੰ ਮੌਕੇ 'ਤੇ ਹੀ ਮਾਰ ਦਿੱਤਾ ਗਿਆ, ਜਦੋਂ ਕਿ ਉਸਦਾ 24 ਸਾਲਾ ਪੁੱਤਰ ਸਾਜਿਦ ਅਕਰਮ ਗੰਭੀਰ ਰੂਪ ਵਿੱਚ ਜ਼ਖਮੀ ਹੈ ਅਤੇ ਹਸਪਤਾਲ ਵਿੱਚ ਇਲਾਜ ਅਧੀਨ ਹੈ। ਪੁਲਸ ਨੇ ਦੱਸਿਆ ਕਿ ਸ਼ੂਟਰਾਂ ਦੀ ਕਾਰ ਵਿੱਚੋਂ ISIS ਦਾ ਝੰਡਾ ਬਰਾਮਦ ਹੋਇਆ। ਇਹ ਹੈਰਾਨੀ ਦੀ ਗੱਲ ਹੈ ਕਿ ਨਾਵਿਦ ਅਕਰਮ ਅਤੇ ਸਾਜਿਦ ਅਕਰਮ ਨਾਮਕ ਇਹ ਪਿਓ-ਪੁੱਤ ਦੀ ਜੋੜੀ ਪਹਿਲਾਂ ਹੀ ਆਸਟ੍ਰੇਲੀਆਈ ਸੁਰੱਖਿਆ ਏਜੰਸੀਆਂ (ASIO) ਦੀ ਨਿਗਰਾਨੀ ਹੇਠ ਸੀ। ਪੁਲਸ ਕਮਿਸ਼ਨਰ ਮਾਲ ਲੈਨਨ ਨੇ ਪੁਸ਼ਟੀ ਕੀਤੀ ਕਿ ਇੱਕ ਹਮਲਾਵਰ ਸੁਰੱਖਿਆ ਏਜੰਸੀਆਂ ਲਈ ਪਹਿਲਾਂ ਤੋਂ ਜਾਣਿਆ-ਪਛਾਣਿਆ ਸੀ। ਇੱਕ ਹੋਰ ਹੈਰਾਨ ਕਰਨ ਵਾਲੀ ਗੱਲ ਇਹ ਸਾਹਮਣੇ ਆਈ ਹੈ ਕਿ ਹਮਲੇ ਤੋਂ ਸਿਰਫ਼ ਇੱਕ ਦਿਨ ਪਹਿਲਾਂ, 13 ਦਸੰਬਰ ਨੂੰ, ਇੱਕ ਦੋਸ਼ੀ ਨਾਵਿਦ ਅਕਰਮ ਨੂੰ ਤੇਲ ਅਵੀਵ 'ਚ ਗੂਗਲ 'ਤੇ ਸਰਚ ਕੀਤਾ ਗਿਆ ਸੀ।

The two Islamic terrorists who kiIIed 15 people at a Hanukkah event in Sydney were father and son, from Pakistan. pic.twitter.com/0nEEMDY9zw

— Akki🦇 (@byteToBorderss) December 15, 2025

ਯਹੂਦੀ-ਵਿਰੋਧੀ ਅੱਤਵਾਦ ਤੇ ਅੰਤਰਰਾਸ਼ਟਰੀ ਪ੍ਰਤੀਕਿਰਿਆ
ਪ੍ਰਧਾਨ ਮੰਤਰੀ ਐਂਥਨੀ ਅਲਬਨੀਜ਼ ਨੇ ਇਸ ਹਮਲੇ ਨੂੰ “ਪੂਰੀ ਤਰ੍ਹਾਂ ਯਹੂਦੀ-ਵਿਰੋਧੀ ਅੱਤਵਾਦ” ਕਰਾਰ ਦਿੱਤਾ ਹੈ। ਮ੍ਰਿਤਕਾਂ ਦੀ ਉਮਰ 10 ਤੋਂ 87 ਸਾਲ ਦੇ ਵਿਚਕਾਰ ਦੱਸੀ ਗਈ ਹੈ। ਇਜ਼ਰਾਈਲ ਦੇ ਵਿਦੇਸ਼ ਮੰਤਰਾਲੇ ਨੇ ਇੱਕ ਇਜ਼ਰਾਈਲੀ ਨਾਗਰਿਕ ਦੀ ਮੌਤ ਦੀ ਪੁਸ਼ਟੀ ਕੀਤੀ ਹੈ, ਜਦੋਂ ਕਿ ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਂ ਨੇ ਦੱਸਿਆ ਕਿ ਮਰਨ ਵਾਲਿਆਂ ਵਿੱਚ ਫਰਾਂਸੀਸੀ ਨਾਗਰਿਕ ਡੈਨ ਐਲਕਾਇਮ ਵੀ ਸ਼ਾਮਲ ਸਨ। ਪੁਲਸ ਨੇ ਘਟਨਾ ਵਾਲੀ ਥਾਂ ਤੋਂ ਦੋ ਦੇਸੀ ਬੰਬ ਵੀ ਬਰਾਮਦ ਕੀਤੇ, ਜਿਨ੍ਹਾਂ ਨੂੰ ਸੁਰੱਖਿਅਤ ਢੰਗ ਨਾਲ ਨਕਾਰਾ ਕਰ ਦਿੱਤਾ ਗਿਆ। ਚਸ਼ਮਦੀਦ ਵਕੀਲ ਆਰਸੇਨ ਓਸਟ੍ਰੋਵਸਕੀ ਨੇ ਇਸ ਘਟਨਾ ਨੂੰ “ਪੂਰੀ ਤਰ੍ਹਾਂ ਨਰਸੰਹਾਰ” ਕਿਹਾ, ਜਿੱਥੇ ਚਾਰੇ ਪਾਸੇ ਲਾਸ਼ਾਂ ਖਿੱਲਰੀਆਂ ਹੋਈਆਂ ਸਨ।

SHOCKING FOOTAGE: 11 MINUTE VIDEO OF THE HANUKAH TERROR ATTACK IN SYDNEY AUSTRALIA pic.twitter.com/nWmZqoQN5b

— Breaking911 (@Breaking911) December 14, 2025

ਇਹ ਹਮਲਾ ਉਦੋਂ ਹੋਇਆ ਜਦੋਂ ਸੈਂਕੜੇ ਲੋਕ ਅੱਠ ਦਿਨਾਂ ਤੱਕ ਚੱਲਣ ਵਾਲੇ ਹਨੂਕਾ ਤਿਉਹਾਰ ਦੀ ਸ਼ੁਰੂਆਤ ਦੇ ਮੌਕੇ 'ਤੇ ਆਯੋਜਿਤ 'ਚਾਨੁਕਾ ਬਾਏ ਦਾ ਸੀ' (Chanukah by the Sea) ਪ੍ਰੋਗਰਾਮ ਵਿੱਚ ਸ਼ਾਮਲ ਹੋਏ ਸਨ। ਪ੍ਰਧਾਨ ਮੰਤਰੀ ਅਲਬਨੀਜ਼ ਨੇ ਕਿਹਾ ਕਿ ਬੌਂਡੀ ਬੀਚ ਜੋ ਖੁਸ਼ੀ ਅਤੇ ਉਤਸਵ ਦਾ ਪ੍ਰਤੀਕ ਸੀ, ਇਸ ਹਮਲੇ ਕਾਰਨ ਹਮੇਸ਼ਾ ਲਈ ਕਲੰਕਿਤ ਹੋ ਗਿਆ ਹੈ। ਬ੍ਰਿਟੇਨ ਦੇ ਮਹਾਰਾਜ ਚਾਰਲਸ ਤੀਜੇ, ਸੰਯੁਕਤ ਰਾਸ਼ਟਰ ਦੇ ਸਕੱਤਰ-ਜਨਰਲ ਐਂਟੋਨੀਓ ਗੁਟੇਰੇਸ ਅਤੇ ਅਮਰੀਕੀ ਵਿਦੇਸ਼ ਮੰਤਰੀ ਮਾਰਕੋ ਰੂਬੀਓ ਸਮੇਤ ਕਈ ਆਲਮੀ ਨੇਤਾਵਾਂ ਨੇ ਇਸ ਹਮਲੇ ਦੀ ਸਖ਼ਤ ਨਿੰਦਾ ਕੀਤੀ ਹੈ। ਪੁਲਸ ਨੇ ਕਿਹਾ ਹੈ ਕਿ ਫਿਲਹਾਲ ਕਿਸੇ ਹੋਰ ਸ਼ੱਕੀ ਦੀ ਭਾਲ ਨਹੀਂ ਕੀਤੀ ਜਾ ਰਹੀ ਹੈ, ਪਰ ਜਾਂਚ ਸਾਰੇ ਪਹਿਲੂਆਂ ਤੋਂ ਕੀਤੀ ਜਾ ਰਹੀ ਹੈ।