Samsung Galaxy ਦੇ ਇਸ ਫੋਨ ''ਚ ਦੀ ਬੈਟਰੀ ''ਚ ਹੋਣ ਜਾ ਰਹੀ ਵੱਡੀ ਅਪਗ੍ਰੇਡੇਸ਼ਨ ! ਤਕਨਾਲੋਜੀ ਹੋਵੇਗੀ ਹੁਣ ਹੋਰ ਖਾਸ

ਗੈਜੇਟ ਡੈਸਕ - ਸੈਮਸੰਗ ਗਲੈਕਸੀ S27 ਸੀਰੀਜ਼ ਦੀ ਬੈਟਰੀ 'ਚ ਵੱਡਾ ਅਪਗ੍ਰੇਡ ਹੋ ਸਕਦਾ ਹੈ। ਇਸ ਫੋਨ ਦੀ ਇਸ ਫਲੈਗਸ਼ਿਪ ਸੀਰੀਜ਼ 'ਚ ਪਹਿਲੀ ਵਾਰ ਨਵੀਂ ਤਕਨਾਲੋਜੀ ਵਾਲਾ ਬੈਟਰੀ ਪੈਕ ਹੋ ਸਕਦਾ ਹੈ। ਦੱਖਣੀ ਕੋਰੀਆਈ ਕੰਪਨੀ ਨੇ ਹੁਣ ਤੱਕ ਆਪਣੇ ਫੋਨਾਂ 'ਚ ਲਿਥੀਅਮ-ਆਇਨ ਬੈਟਰੀਆਂ ਦੀ ਵਰਤੋਂ ਕੀਤੀ ਹੈ। ਕੰਪਨੀ ਦੀ ਹਾਲ ਹੀ ਵਿੱਚ ਲਾਂਚ ਕੀਤੀ ਗਈ ਫੋਲਡੇਬਲ ਸਮਾਰਟਫੋਨ ਸੀਰੀਜ਼ 'ਚ ਵੀ ਇਹੀ ਬੈਟਰੀ ਵਰਤੀ ਗਈ ਹੈ। ਇਕ ਰਿਪੋਰਟ ਦੇ ਅਨੁਸਾਰ, ਕੰਪਨੀ ਆਉਣ ਵਾਲੀ Galaxy S27 ਸੀਰੀਜ਼ 'ਚ ਸਿਲੀਕਾਨ-ਕਾਰਬਨ ਬੈਟਰੀਆਂ ਦੀ ਵਰਤੋਂ ਕਰੇਗੀ।

ਇਕ ਰਿਪੋਰਟ 'ਚ ਖੁਲਾਸਾ ਹੋਇਆ ਹੈ ਕਿ ਸੈਮਸੰਗ ਗਲੈਕਸੀ S27 ਪ੍ਰੋ ਅਤੇ ਗਲੈਕਸੀ S27 ਅਲਟਰਾ ਸਿਲੀਕਾਨ-ਕਾਰਬਨ ਬੈਟਰੀਆਂ ਦੀ ਵਰਤੋਂ ਕਰ ਸਕਦੇ ਹਨ। S27 Pro 'ਚ 5,087mAh ਬੈਟਰੀ ਹੋ ਸਕਦੀ ਹੈ। ਇਸ ਦੀ ਆਮ ਸਮਰੱਥਾ 5,200mAh ਹੋਵੇਗੀ। ਹਾਲ ਹੀ 'ਚ, ਇਸਦੀ ਬੈਟਰੀ ਸੰਬੰਧੀ ਇਕ ਲੀਕ ਹੋਈ ਰਿਪੋਰਟ ਸਾਹਮਣੇ ਆਈ ਹੈ। ਇਸ 'ਚ ਦਾਅਵਾ ਕੀਤਾ ਗਿਆ ਸੀ ਕਿ ਇਹ ਫੋਨ 5,000mAh ਬੈਟਰੀ ਨਾਲ ਲਾਂਚ ਹੋਵੇਗਾ।

Samsung Galaxy S27 Ultra ਦੀ ਬੈਟਰੀ 'ਚ ਇਕ ਵੱਡਾ ਅਪਗ੍ਰੇਡ ਦੇਖਣ ਨੂੰ ਮਿਲ ਸਕਦਾ ਹੈ। ਇਸ 'ਚ 5,534mAh ਬੈਟਰੀ ਹੋ ਸਕਦੀ ਹੈ, ਜਿਸ ਦਾ ਆਮ ਮੁੱਲ 5,700mAh ਹੈ। ਹਾਲਾਂਕਿ, ਇਕ ਰਿਪੋਰਟ 'ਚ ਇਹ ਵੀ ਦਾਅਵਾ ਕੀਤਾ ਗਿਆ ਹੈ ਕਿ ਕੰਪਨੀ Galaxy S27 Ultra ਦੀ ਬੈਟਰੀ ਨੂੰ 5,800mAh ਵਜੋਂ ਇਸ਼ਤਿਹਾਰ ਦੇ ਸਕਦੀ ਹੈ। ਇਸ ਸਾਲ ਲਾਂਚ ਕੀਤੇ ਗਏ Galaxy S26 Ultra 'ਚ 5,000mAh ਬੈਟਰੀ ਹੈ। ਇਹ 60W ਚਾਰਜਿੰਗ ਫੀਚਰ ਦੇ ਨਾਲ ਆਉਂਦਾ ਹੈ।

ਸੈਮਸੰਗ ਦੀ ਆਉਣ ਵਾਲੀ ਫਲੈਗਸ਼ਿਪ ਸਮਾਰਟਫੋਨ ਸੀਰੀਜ਼ ਸੰਬੰਧੀ ਪਿਛਲੇ ਲੀਕ 'ਚ ਦਾਅਵਾ ਕੀਤਾ ਗਿਆ ਹੈ ਕਿ ਦੱਖਣੀ ਕੋਰੀਆਈ ਕੰਪਨੀ ਪਹਿਲੀ ਵਾਰ ਸਿਲੀਕਾਨ-ਕਾਰਬਨ ਬੈਟਰੀਆਂ ਦੀ ਵਰਤੋਂ ਕਰ ਸਕਦੀ ਹੈ। ਹੁਣ ਤੱਕ, ਸਿਲੀਕਾਨ-ਕਾਰਬਨ ਬੈਟਰੀਆਂ ਸਿਰਫ ਚੀਨੀ ਕੰਪਨੀਆਂ ਦੇ ਸਮਾਰਟਫੋਨਾਂ 'ਚ ਹੀ ਵਰਤੀਆਂ ਜਾਂਦੀਆਂ ਹਨ। Vivo, Realme, ਅਤੇ Oppo ਵਰਗੇ ਬ੍ਰਾਂਡ ਆਪਣੇ ਫ਼ੋਨਾਂ 'ਚ 10,000mAh ਤੱਕ ਦੀਆਂ ਬੈਟਰੀਆਂ ਵਰਤ ਰਹੇ ਹਨ। ਇਹ ਸੈਮਸੰਗ ਸਮਾਰਟਫੋਨ ਸੀਰੀਜ਼ ਚਾਰ ਮਾਡਲਾਂ ਨਾਲ ਲਾਂਚ ਹੋਣ ਦੀ ਉਮੀਦ ਹੈ: ਸੈਮਸੰਗ ਗਲੈਕਸੀ S27, ਗਲੈਕਸੀ S27+, ਗਲੈਕਸੀ S27 ਪ੍ਰੋ, ਅਤੇ ਗਲੈਕਸੀ S27 ਅਲਟਰਾ।

ਸੈਮਸੰਗ ਦੀ ਫਲੈਗਸ਼ਿਪ ਸੀਰੀਜ਼ 'ਚ ਇਕ ਨਵਾਂ ਪ੍ਰੋ ਮਾਡਲ ਜੋੜਿਆ ਜਾ ਰਿਹਾ ਹੈ। ਇਹ ਫੋਨ Galaxy S27+ ਅਤੇ Galaxy S27 Ultra ਵਿਚਕਾਰਲੇ ਪਾੜੇ ਨੂੰ ਭਰਨ ਲਈ ਲਾਂਚ ਕੀਤਾ ਜਾ ਰਿਹਾ ਹੈ। ਦੱਖਣੀ ਕੋਰੀਆਈ ਕੰਪਨੀ ਇਸ ਕੀਮਤ ਰੇਂਜ ਵਿੱਚ ਆਈਫੋਨ ਪ੍ਰੋ ਮਾਡਲਾਂ ਨਾਲ ਮੁਕਾਬਲਾ ਕਰਨ ਦੀ ਤਿਆਰੀ ਕਰ ਰਹੀ ਹੈ। ਸੈਮਸੰਗ ਗਲੈਕਸੀ ਐਸ27 ਪ੍ਰੋ ਕੰਪਨੀ ਦੇ ਇਨ-ਹਾਊਸ ਐਕਸੀਨੋਸ 2700 ਚਿੱਪਸੈੱਟ ਦੁਆਰਾ ਸੰਚਾਲਿਤ ਹੋਣ ਦੀ ਉਮੀਦ ਹੈ। ਹਾਲਾਂਕਿ, ਅਮਰੀਕੀ ਬਾਜ਼ਾਰ 'ਚ, ਇਹ ਫੋਨ ਕੁਆਲਕਾਮ ਦੇ ਆਉਣ ਵਾਲੇ ਫਲੈਗਸ਼ਿਪ ਚਿੱਪਸੈੱਟ ਨਾਲ ਲਾਂਚ ਹੋ ਸਕਦਾ ਹੈ। ਇਸ ਸਮਾਰਟਫੋਨ 'ਚ 200MP ਕੈਮਰਾ ਮਿਲ ਸਕਦਾ ਹੈ।