ਚਿੰਗਾਰੀ ਐਪ ਦਾ ਜਲਵਾ, ਰੋਜ਼ਾਨਾ 3.8 ਕਰੋੜ ਯੂਜ਼ਰਸ ਬਣਾ ਰਹੇ ਹਨ ਵੀਡੀਓਜ਼

ਗੈਜੇਟ ਡੈਸਕ-ਟਿਕਟੌਕ ਬੈਨ ਹੋਣ ਤੋਂ ਬਾਅਦ ਦੇਸੀ ਸ਼ਾਰਟ ਵੀਡੀਓ ਮੇਕਿੰਗ ਅਤੇ ਸ਼ੇਅਰਿੰਗ ਐਪ ਦੇ ਵਧੀਆ ਦਿਨ ਆ ਗਏ ਹਨ। MX TakaTak ਸਮੇਤ ਜ਼ਬਰਦਸਤ ਐਪ ਦੀ ਤਰ੍ਹਾਂ ਹੀ ਹੁਣ ਚਿੰਗਾਰੀ ਐਪ ਦਾ ਜਲਵਾ ਵੀ ਲੋਕਾਂ ਦੇ ਸਿਰ ਚੜ੍ਹ ਬੋਲ ਰਿਹਾ ਹੈ। ਹਾਲ ਹੀ 'ਚ ਦੇਸੀ ਐਪ ਚਿੰਗਾਰੀ ਦੇ ਐਕਟੀਵ ਯੂਜ਼ਰਸ ਦਾ ਅੰਕੜਾ 38 ਮਿਲੀਅਨ ਭਾਵ 3.8 ਕਰੋੜ ਹੋ ਗਿਆ ਹੈ ਅਤੇ ਇਸ ਐਪ 'ਤ ਲੋਕ ਰੋਜ਼ਾਨਾ ਲੱਖਾਂ ਵੀਡੀਓਜ਼ ਬਣਾ ਰਹੇ ਹਨ ਅਤੇ ਦੁਨੀਆ ਦੇ ਸਾਹਮਣੇ ਆਪਣੇ ਟੈਲੇਂਟ ਦਾ ਨਜ਼ਰਾਨਾ ਪੇਸ਼ ਕਰ ਰਹੇ ਹਨ।

ਇਹ ਵੀ ਪੜ੍ਹੋ:- ਫਾਈਜ਼ਰ ਸ਼ੁਰੂ ਕਰੇਗੀ ਕੋਰੋਨਾ ਵੈਕਸੀਨ ਦੀ ਵੰਡ ਦਾ ਪਾਇਲਟ ਪ੍ਰੋਗਰਾਮ

ਹਾਲ ਹੀ 'ਚ ਚਿੰਗਾਰੀ ਨੇ ਕੁਝ ਡਾਟਾ ਜਾਰੀ ਕੀਤੇ ਜਿਸ ਮੁਤਾਬਕ ਚਿੰਗਾਰੀ ਐਪ 'ਤੇ ਰੋਜ਼ਾਨਾ 95 ਮਿਲੀਅਨ ਭਾਵ 9.5 ਕਰੋੜ ਵੀਡੀਓਜ਼ ਦੇਖੀਆਂ ਜਾਂਦੀਆਂ ਹਨ ਅਤੇ ਹਰ ਯੂਜ਼ਰ ਔਸਤਨ 51 ਮਿੰਟ ਇਸ ਸ਼ਾਰਟ ਵੀਡੀਓ ਸ਼ੇਅਰਿੰਗ ਐਪ 'ਤੇ ਸਮਾਂ ਦਿੰਦਾ ਹੈ ਜੋ ਕਿ ਕਈ ਮਸ਼ਹੂਰ ਦੇਸੀ-ਵਿਦੇਸ਼ੀ ਐਪ ਤੋਂ ਕਿਤੇ ਜ਼ਿਆਦਾ ਹੈ। ਚਿੰਗਾਰੀ ਦੇ 3.8 ਕਰੋੜ ਐਕਟੀਵ ਯੂਜ਼ਰਸ ਹੋ ਗਏ ਹਨ ਜੋ ਕਿ ਵੱਡੀ ਸਫਲਤਾ ਹੈ। ਨਾਲ ਹੀ ਯੂਜ਼ਰਸ ਇੰਗੇਜਮੈਂਟ ਦੇ ਮਾਮਲੇ 'ਚ ਚਿੰਗਾਰੀ ਸਭ ਤੋਂ ਉੱਚੇ ਸਥਾਨ 'ਤੇ ਸਥਾਪਿਤ ਹੈ। ਚਿੰਗਾਰੀ ਦੇ ਅੰਕੜਿਆਂ ਮੁਤਾਬਕ ਬੀਤੇ 45 ਦਿਨਾਂ 'ਚ ਇਸ ਐਪ 'ਤੇ ਯੂਜ਼ਰਸ ਨੇ 2.6 ਬਿਲੀਅਨ ਲੋਕਾਂ ਨੇ ਸ਼ਾਰਟ ਵੀਡੀਓਜ਼ ਦੇਖੀਆਂ।

ਇੰਗੇਜਮੈਂਟ ਟਾਈਮ 'ਚ ਰਿਕਾਰਡ ਵਾਧਾ
ਚਿੰਗਾਰੀ ਦੇ ਕੋ-ਫਾਊਂਡਰ ਅਤੇ ਸੀ.ਈ.ਓ. ਸੁਮਿਤ ਘੋਸ਼ ਨੇ ਦੱਸਿਆ ਕਿ ਪਿਛਲੇ ਇਕ ਹਫਤੇ ਦੌਰਾਨ ਚਿੰਗਾਰੀ ਐਪ ਦੇ ਐਕਟੀਵ ਯੂਜ਼ਰਸ ਦੇ ਇੰਗੇਜਮੈਂਟ ਟਾਈਮ 'ਚ 611 ਫੀਸਦੀ ਦਾ ਵਾਧਾ ਹੋਇਆ ਹੈ ਜੋ ਕਿ ਰਿਕਾਰਡ ਹੀ ਹੈ। ਭਾਰਤ 'ਚ ਹੀ ਨਹੀਂ ਸਗੋਂ ਸੰਯੁਕਤ ਅਰਬ ਅਮੀਰਾਤ, ਅਮਰੀਕਾ, ਸਿੰਗਾਪੁਰ, ਕੁਵੈਤ, ਵੀਅਤਨਾਮ ਸਮੇਤ ਕਈ ਹੋਰ ਦੇਸ਼ਾਂ 'ਚ ਚਿੰਗਾਰੀ ਦੇ ਲੱਖਾਂ ਐਕਟੀਵ ਯੂਜ਼ਰਸ ਹਨ ਜੋ ਰੋਜ਼ਾਨਾ ਲੱਖਾਂ ਵੀਡੀਓਜ਼ ਦੇਖਦੇ ਅਤੇ ਬਣਾਉਂਦੇ ਹਨ।

ਇਹ ਵੀ ਪੜ੍ਹੋ:- ਸਭ ਤੋਂ ਪਹਿਲਾਂ ਕੋਵਿਡ-19 ਟੀਕਾ ਕਿਸ ਨੂੰ ਲਗਾਇਆ ਜਾਵੇਗਾ?

ਕਈ ਦੇਸੀ-ਵਿਦੇਸ਼ੀ ਭਾਸ਼ਾ 'ਚ
ਚਿੰਗਾਰੀ ਐਪ ਸਿਰਫ ਹਿੰਦੀ 'ਚ ਹੀ ਨਹੀਂ ਸਗੋਂ ਬੰਗਾਲੀ, ਗੁਜਰਾਤੀ, ਪੰਜਾਬੀ, ਮਰਾਠੀ, ਤਮਿਲ, ਤੇਲੁਗੂ, ਕਨੰੜ ਵਰਗੀਆਂ ਦੇਸੀ ਭਾਸ਼ਾਵਾਂ ਨਾਲ ਇੰਗਲਿਸ਼ ਅਤੇ ਸਪੈਨਿਸ਼ ਵਰਗੀਆਂ ਵਿਦੇਸ਼ੀ ਭਾਸ਼ਾਵਾਂ 'ਚ ਵੀ ਹਨ ਜਿਥੇ ਇਨ੍ਹਾਂ ਭਾਸ਼ਾਵਾਂ ਦੇ ਯੂਜ਼ਰਸ ਵੀਡੀਓ ਬਣਾਉਣ ਦੇ ਨਾਲ ਹੀ ਦੇਖ ਵੀ ਸਕਦੇ ਹਨ ਅਤੇ ਸ਼ੇਅਰ ਵੀ ਕਰ ਸਕਦੇ ਹਨ।