ਬੁਲਟ ਪ੍ਰੇਮੀਆਂ ਲਈ ਵੱਡੀ ਖੁਸ਼ਖਬਰੀ! Royal Enfield ਨੇ ਲਾਂਚ ਕੀਤੀ Bullet 650, ਕੀਮਤ ਸਿਰਫ

ਗੈਜੇਟ ਡੈਸਕ : ਭਾਰਤੀ ਬਾਜ਼ਾਰ ਵਿੱਚ ਕਈ ਦਹਾਕਿਆਂ ਤੋਂ ਰਾਜ ਕਰਨ ਵਾਲੀ 'ਬੁਲਟ' ਦੇ ਪ੍ਰੇਮੀਆਂ ਲਈ ਇੰਤਜ਼ਾਰ ਖ਼ਤਮ ਹੋ ਗਿਆ ਹੈ। ਰੋਇਅਲ ਐਨਫੀਲਡ (Royal Enfield) ਨੇ ਆਪਣੀ ਹੁਣ ਤੱਕ ਦੀ ਸਭ ਤੋਂ ਦਮਦਾਰ ਬਾਈਕ 'ਬੁਲੇਟ 650' ਨੂੰ ਅਧਿਕਾਰਤ ਤੌਰ 'ਤੇ ਭਾਰਤ ਵਿੱਚ ਲਾਂਚ ਕਰ ਦਿੱਤਾ ਹੈ। ਕੰਪਨੀ ਨੇ ਇਸ ਦੀ ਸ਼ੁਰੂਆਤੀ ਐਕਸ-ਸ਼ੋਰੂਮ ਕੀਮਤ 3.65 ਲੱਖ ਰੁਪਏ ਰੱਖੀ ਹੈ। ਇਹ ਬਾਈਕ ਕੰਪਨੀ ਦੀ 650cc ਲਾਈਨਅੱਪ ਵਿੱਚ ਸ਼ਾਮਲ ਹੋ ਗਈ ਹੈ, ਜਿਸ ਵਿੱਚ ਪਹਿਲਾਂ ਹੀ ਇੰਟਰਸੈਪਟਰ ਅਤੇ ਕਾਂਟੀਨੈਂਟਲ ਜੀਟੀ ਵਰਗੀਆਂ ਮਸ਼ਹੂਰ ਬਾਈਕਸ ਮੌਜੂਦ ਹਨ।

ਕਲਾਸਿਕ ਡਿਜ਼ਾਈਨ ਤੇ ਪ੍ਰੀਮੀਅਮ ਲੁੱਕ
ਨਵੀਂ ਬੁਲੇਟ 650 ਦਾ ਡਿਜ਼ਾਈਨ ਇਸ ਦੇ ਆਈਕੋਨਿਕ ਵਿਰਸੇ ਨੂੰ ਬਰਕਰਾਰ ਰੱਖਦਾ ਹੈ। ਇਸ ਵਿੱਚ ਸਿਗਨੇਚਰ ਕ੍ਰੋਮ ਹੈੱਡਲਾਈਟ, ਕ੍ਰੋਮ ਫਿਨਿਸ਼ ਅਤੇ ਕਲਾਸਿਕ ਟੇਲਲਾਈਟ ਦਿੱਤੀ ਗਈ ਹੈ। ਬਾਈਕ ਦੇ ਫਿਊਲ ਟੈਂਕ 'ਤੇ ਹੱਥ ਨਾਲ ਬਣੀ ਪਿਨਸਟ੍ਰਾਈਪ ਡਿਜ਼ਾਈਨ ਅਤੇ ਮੈਟਲ ਬੈਜ ਇਸ ਨੂੰ ਹੋਰ ਵੀ ਪ੍ਰੀਮੀਅਮ ਬਣਾਉਂਦੇ ਹਨ। ਲੰਬੀ ਦੂਰੀ ਦੀ ਯਾਤਰਾ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ਇਸ ਵਿੱਚ ਇੱਕ ਆਰਾਮਦਾਇਕ ਸਿੰਗਲ-ਪੀਸ ਸੀਟ ਦਿੱਤੀ ਗਈ ਹੈ।

ਦਮਦਾਰ ਇੰਜਣ ਅਤੇ ਪਰਫਾਰਮੈਂਸ ਇਸ ਬਾਈਕ ਦੀ ਸਭ ਤੋਂ ਵੱਡੀ ਖਾਸੀਅਤ ਇਸ ਦਾ 647.95cc ਪੈਰਲਲ-ਟਵਿਨ ਇੰਜਣ ਹੈ। ਇਹ ਏਅਰ-ਓਇਲ ਕੂਲਡ ਇੰਜਣ 47 bhp ਦੀ ਪਾਵਰ ਅਤੇ 52.3 Nm ਦਾ ਟਾਰਕ ਪੈਦਾ ਕਰਦਾ ਹੈ, ਜਿਸ ਨੂੰ 6-ਸਪੀਡ ਗਿਅਰਬਾਕਸ ਨਾਲ ਜੋੜਿਆ ਗਿਆ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਇੰਜਣ ਹਾਈਵੇਅ ਟੂਰਿੰਗ ਲਈ ਬਿਹਤਰ ਹਾਈ-ਸਪੀਡ ਪਰਫਾਰਮੈਂਸ ਦੇਣ ਵਿੱਚ ਸਮਰੱਥ ਹੈ।

ਹਾਰਡਵੇਅਰ ਅਤੇ ਸੁਰੱਖਿਆ ਫੀਚਰਸ:
•ਬ੍ਰੇਕਿੰਗ: ਸੁਰੱਖਿਆ ਲਈ ਫਰੰਟ ਵਿੱਚ 320mm ਅਤੇ ਰੀਅਰ ਵਿੱਚ 300mm ਡਿਸਕ ਬ੍ਰੇਕ ਦੇ ਨਾਲ ਡਿਊਲ ਚੈਨਲ ABS ਸਟੈਂਡਰਡ ਤੌਰ 'ਤੇ ਮਿਲਦਾ ਹੈ।
•ਟਾਇਰ ਅਤੇ ਸਸਪੈਂਸ਼ਨ: ਫਰੰਟ ਵਿੱਚ 19-ਇੰਚ ਅਤੇ ਰੀਅਰ ਵਿੱਚ 18-ਇੰਚ ਦੇ ਵ੍ਹੀਲ ਦਿੱਤੇ ਗਏ ਹਨ। ਬਾਈਕ ਵਿੱਚ 43mm ਟੈਲੀਸਕੋਪਿਕ ਫੋਰਕਸ ਅਤੇ ਪਿੱਛੇ ਟਵਿਨ ਸ਼ੌਕ ਐਬਜ਼ੋਰਬਰ ਮਿਲਦੇ ਹਨ।
•ਹੋਰ ਵੇਰਵੇ: ਬਾਈਕ ਦਾ ਕੁੱਲ ਭਾਰ 243 ਕਿਲੋਗ੍ਰਾਮ ਹੈ ਅਤੇ ਇਸ ਵਿੱਚ 14.8 ਲੀਟਰ ਦਾ ਫਿਊਲ ਟੈਂਕ ਦਿੱਤਾ ਗਿਆ ਹੈ। ਇਸ ਦੀ ਸੀਟ ਦੀ ਉਚਾਈ 800mm ਰੱਖੀ ਗਈ ਹੈ।

ਕਿਸ ਨਾਲ ਹੋਵੇਗਾ ਮੁਕਾਬਲਾ? 
ਭਾਰਤੀ ਬਾਜ਼ਾਰ ਵਿੱਚ ਬੁਲੇਟ 650 ਦਾ ਸਿੱਧਾ ਮੁਕਾਬਲਾ BSA Gold Star 650 ਅਤੇ Kawasaki Eliminator ਵਰਗੀਆਂ ਬਾਈਕਸ ਨਾਲ ਮੰਨਿਆ ਜਾ ਰਿਹਾ ਹੈ। ਇਹ ਬਾਈਕ ਉਨ੍ਹਾਂ ਗਾਹਕਾਂ ਲਈ ਇੱਕ ਵਧੀਆ ਵਿਕਲਪ ਹੈ ਜੋ ਕਲਾਸਿਕ ਲੁੱਕ ਦੇ ਨਾਲ-ਨਾਲ ਜ਼ਿਆਦਾ ਪਾਵਰ ਦੀ ਇੱਛਾ ਰੱਖਦੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e