PUBG Mobile ਪਲੇਅਰਾਂ ਲਈ ਖੁਸ਼ਖਬਰੀ, Google ਦੇ ਰਿਹੈ 200 ਰੁਪਏ ਦਾ ਕੂਪਨ

ਗੈਜੇਟ ਡੈਸਕ– ਪਬਜੀ ਮੋਬਾਇਲ ਦੀ ਨਵੀਂ ਅਪਡੇਟ 0.15.5 ਅੱਜ ਯਾਨੀ 8 ਨਵੰਬਰ ਨੂੰ ਲਾਈਵ ਹੋਣ ਵਾਲੀ ਹੈ, ਜਿਸ ਤੋਂ ਬਾਅਦ ਗੇਮਿੰਗ ’ਚ ਕਈ ਬਦਲਾਅ ਦੇਖਣ ਨੂੰ ਮਿਲਣਗੇ। ਇਸ ਤੋਂ ਇਲਾਵਾ ਪਬਜੀ ਮੋਬਾਇਲ ਪਲੇਅਰਾਂ ਲਈ ਵੱਡੀ ਖੁਸ਼ਖਬਰੀ ਹੈ। ਗੂਗਲ ਪਲੇਅ ਸਟੋਰ ’ਤੇ ਪਲੇਅਰਾਂ ਨੂੰ 200 ਰੁਪਏ ਦਾ ਕੂਪਨ ਆਫਰ ਦਿੱਤਾ ਜਾ ਰਿਹਾ ਹੈ। ਇਸ ਕੂਪਨ ਦਾ ਲਾਭ ਪਲੇਅਰ ਗੇਮਿੰਗ ਦੌਰਾਨ ਕਿਸੇ ਵੀ ਆਈਟਮ ਨੂੰ ਖਰੀਦਣ ਲਈ ਕਰ ਸਕਦੇ ਹਨ। ਪਲੇਅਰਾਂ ਨੂੰ ਇਸ ਕੂਪਨ ਲਈ ਨੋਟੀਫਿਕੇਸ਼ਨ ਦਿੱਤਾ ਜਾ ਰਿਹਾ ਹੈ। ਜੇਕਰ ਤੁਹਾਨੂੰ ਅਜੇ ਨੋਟੀਫਿਕੇਸ਼ਨ ਨਹੀਂ ਮਿਲੀ ਤਾਂ ਤੁਸੀਂ ਗੂਗਲ ਪਲੇਅ ਸਟੋਰ ’ਤੇ ਜਾ ਕੇ ਨੋਟੀਫਿਕੇਸ਼ਨ ਚੈੱਕ ਕਰ ਸਕਦੇ ਹੋ। ਫਿਲਹਾਲ ਇਹ ਆਫਰ ਲਿਮਟਿਡ ਸਮੇਂ ਲਈ ਹੀ ਯੋਗ ਹੈ ਅਤੇ ਇਸ ਨੂੰ ਪਲੇਅ ਸਟੋਰ ਦੇ ਮੇਨ ਮੈਨਿਊ ਜਾ ਰਿਵਾਰਡ ਸੈਕਸ਼ਨ ’ਚ ਦੇਖ ਸਕਦੇ ਹੋ। 

ਪਬਜੀ ਮੋਬਾਇਲ ’ਚ ਕ੍ਰੈਡਿਟ ਗੇਮ ’ਚ 200 ਰੁਪਏ ਦਾ ਕੂਪਨ ਦੇਖਿਆ ਜਾ ਸਕਦਾ ਹੈ ਪਰ ਪਲੇਅਰਾਂ ਨੂੰ ਕੂਪਨ ਦਾ ਲਾਭ ਲੈਣ ਲਈ ਗੇਮ ’ਚ ਘੱਟੋ-ਘੱਟ 350 ਰੁਪਏ ਦਾ ਕੁਝ ਖਰੀਦਣਾ ਹੋਵੇਗਾ। ਪਬਜੀ ਮੋਬਾਇਲ ਪਲੇਅਰਾਂ ਨੂੰ ਮੋਟੇ ਤੌਰ ’ਤੇ ਦੋ ਗਰੁੱਪ ’ਚ ਵੰਡਿਆ ਗਿਆ ਹੈ- ਇਕ ਉਹ ਗਰੁੱਪ ਜੋ ਇਨ-ਗੇਮ ਕਰੰਸੀ ’ਤੇ ਖਰਚ ਕਰਦੇ ਹਨ ਅਤੇ ਦੂਜਾ ਉਹ ਜੋ ਖਰਚ ਨਹੀਂ ਕਰਦੇ। ਜੋ ਪਲੇਅਰ ਖਰਚ ਕਰਦੇ ਹਨ, ਉਨ੍ਹਾਂ ਨੂੰ ਬਿਹਤਰ ਗੇਮਿੰਗ ਦੀ ਸੁਵਿਧਾ ਪ੍ਰਦਾਨ ਕਰਨ ਲਈ ਗੂਗਲ ਇਨ-ਗੇਮ ਆਈਟਮ ਖਰੀਦਣ ਲਈ ਵਾਧੂ ਕੈਸ਼ ਦੇ ਰਿਹਾ ਹੈ ਪਰ ਦੱਸ ਦੇਈਏ ਕਿ ਗੂਗਲ ਦੁਆਰਾ ਪਬਜੀ ਮੋਬਾਇਲ ਪਲੇਅਰਾਂ ਨੂੰ ਦਿੱਤੇ ਜਾ ਰਹੇ ਇਸ ਆਫਰ ਲਈ ਨਿਯਮ ਅਤੇ ਸ਼ਰਤਾਂ ਲਾਗੂ ਹਨ। 

ਦੱਸ ਦੇਈਏ ਕਿ ਕੂਪਨ ਦੀ ਛੋਟ ਦਾ ਲਾਭ ਰਾਇਲ ਪਾਸ ਸੀਜ਼ਨ 10 ਜਾਂ ਕਿਸੇ ਵੀ ਇਨ-ਗੇਮ ਆਈਟਮ ’ਤੇ ਲਾਗੂ ਹੈ, ਜਿਸ ਦੀ ਕੀਮਤ 350 ਰੁਪਏ ਹੈ। ਇਸ ਲਈ ਗੇਮ ’ਚ ਤੁਸੀਂ ਜੋ ਸਭ ਤੋਂ ਸਸਤੀ ਆਈਟਮ ਖਰੀਦ ਸਕਦੇ ਹਨ, ਉਹ 350 ਰੁਪਏ ਦਾ ਯੂਸੀ ਹੋਵੇਗਾ ਅਤੇ ਤੁਸੀਂ ਇਸ ’ਤੇ 200 ਰੁਪਏ ਦੀ ਛੋਟ ਦਾ ਲਾਭ ਲੈ ਸਕਦੇ ਹੋ। ਜਿਸ ਤੋਂ ਬਾਅਦ ਤੁਸੀਂ 150 ਰੁਪਏ ਦੀ ਪ੍ਰਭਾਵੀ ਕੀਮਤ ਲਈ ਵਾਧੂ ਯੂਸੀ ਅੰਕ ਪ੍ਰਾਪਤ ਕਰ ਸਕਦੇ ਹੋ। 

ਇਸ ਦਾ ਲਾਭ ਲੈਣ ਲਈ ਸਭ ਤੋਂ ਪਹਿਲਾਂ ਤੁਹਾਨੂੰ ਪਤਾ ਹੋਣਾ ਚਾਹੀਦਾ ਹੈ ਕਿ ਇਨ-ਗੇਮ ਆਈਟਮ ਖਰੀਦਣ ਲਈ ਡਿਸਕਾਊਂਟ ਕੂਪਨ ਹੈ। ਇਸ ਲਈ ਪਬਜੀ ਮੋਬਾਈਲ ਪਲੇਅਰ ਦੇ ਰੂਪ ’ਚ ਤੁਹਾਨੂੰ ਪਹਿਲਾਂ ਪਬਜੀ ਮੋਬਾਇਲ ਸਟੋਰ ਤੋਂ ਕੁਝ ਖਰੀਦਣਾ ਹੋਵੇਗਾ ਅਤੇ ਉਸ ਤੋਂ ਬਾਅਦ ਤੁਹਾਨੂੰ 200 ਰੁਪਏ ਦੀ ਛੋਟ ਪ੍ਰਾਪਤ ਹੋਵੇਗੀ ਅਤੇ ਇਹ ਗੇਮ ਦੀਆਂ ਸਾਰੀਆਂ ਆਈਟਮਾਂ ’ਤੇ ਲਾਗੂ ਹੁੰਦੀ ਹੈ ਜਿਸ ਨੂੰ ਤੁਸੀਂ ਪਬਜੀ ਮੋਬਾਇਲ ਮਾਰਕੀਟਪਲੇਸ ਤੋਂ ਖਰੀਦਦੇ ਹੋ।