50MP ਦੇ ਕੈਮਰੇ ਨਾਲ ਜਲਦ ਲਾਂਚ ਹੋਵੇਗਾ ਸ਼ਾਨਦਾਰ ਫੋਨ !  7000mAh ਦੀ ਹੋਵੇਗੀ ਬੈਟਰੀ

ਗੈਜੇਟ ਡੈਸਕ - iQOO ਭਾਰਤ 'ਚ ਇਕ ਹੋਰ ਸ਼ਕਤੀਸ਼ਾਲੀ ਫੋਨ ਲਾਂਚ ਕਰਨ ਦੀ ਤਿਆਰੀ ਕਰ ਰਿਹਾ ਹੈ। ਇਹ iQOO ਫੋਨ Z11 ਸੀਰੀਜ਼ 'ਚ ਪੇਸ਼ ਕੀਤਾ ਜਾਵੇਗਾ। ਕੰਪਨੀ ਨੇ ਅਧਿਕਾਰਤ ਤੌਰ 'ਤੇ ਇਸ ਦੀ ਲਾਂਚ ਮਿਤੀ ਦੀ ਪੁਸ਼ਟੀ ਕੀਤੀ ਹੈ। ਇਸ ਫੋਨ ਦਾ ਡਿਜ਼ਾਈਨ ਕੁਝ ਦਿਨ ਪਹਿਲਾਂ ਸਾਹਮਣੇ ਆਇਆ ਸੀ। ਇਹ ਗੂਗਲ ਪਿਕਸਲ ਫੋਨ ਵਰਗਾ ਦਿਖਦਾ ਹੈ। 

iQOO ਇੰਡੀਆ ਦੇ ਸੀ.ਈ.ਓ. ਨਿਪੁਣ ਮਾਰੀਆ ਨੇ ਫੋਨ ਦੀ ਲਾਂਚ ਮਿਤੀ ਸੰਬੰਧੀ 5-ਸਕਿੰਟ ਦਾ ਟੀਜ਼ਰ ਵੀਡੀਓ ਜਾਰੀ ਕੀਤਾ, ਜੋ ਸਪੱਸ਼ਟ ਤੌਰ 'ਤੇ ਦਰਸਾਉਂਦਾ ਹੈ ਕਿ ਫੋਨ ਇਸ ਮਹੀਨੇ, ਅਗਸਤ ਨੂੰ ਲਾਂਚ ਹੋਵੇਗਾ। ਕੰਪਨੀ ਨੇ ਆਪਣੇ ਅਧਿਕਾਰਤ ਹੈਂਡਲ ਰਾਹੀਂ ਇਸਦੀ ਲਾਂਚ ਮਿਤੀ 20 ਅਗਸਤ ਹੋਣ ਦੀ ਪੁਸ਼ਟੀ ਕੀਤੀ ਹੈ। ਕੰਪਨੀ ਵੱਲੋਂ ਜਾਰੀ ਕੀਤੇ ਗਏ ਇਕ ਪੋਸਟਰ 'ਚ, ਫੋਨ ਦੇ ਸਾਹਮਣੇ ਇਕ ਕਰਵਡ ਡਿਸਪਲੇਅ ਪੈਨਲ ਦੇਖਿਆ ਜਾ ਸਕਦਾ ਹੈ ਜਿਸ 'ਚ ਇਕ ਡਾਇਨਾਮਿਕ ਆਈਲੈਂਡ ਹੈ। ਕੰਪਨੀ ਇਸ ਨੂੰ ਇਕ AI ਫੋਨ ਦੇ ਤੌਰ 'ਤੇ ਪ੍ਰਮੋਟ ਕਰ ਰਹੀ ਹੈ।

iQOO ਨੇ ਹਾਲ ਹੀ 'ਚ ਭਾਰਤੀ ਬਾਜ਼ਾਰ 'ਚ ਆਪਣੀ ਲੜੀ ਦਾ ਸਭ ਤੋਂ ਸਸਤਾ ਮਾਡਲ, iQOO Z11 Lite ਲਾਂਚ ਕੀਤਾ ਹੈ। iQOO Z11 ਦਾ ਡਿਜ਼ਾਈਨ ਇਸਦੇ ਲਾਈਟ ਮਾਡਲ ਤੋਂ ਕਾਫ਼ੀ ਵੱਖਰਾ ਹੈ। ਇਸ ਸਮਾਰਟਫੋਨ ਨੂੰ ਹਾਲ ਹੀ 'ਚ ਇਕ ਸਰਟੀਫਿਕੇਸ਼ਨ ਵੈੱਬਸਾਈਟ 'ਤੇ ਮਾਡਲ ਨੰਬਰ I2414 ਦੇ ਨਾਲ ਸੂਚੀਬੱਧ ਕੀਤਾ ਗਿਆ ਸੀ। ਇਸ iQOO ਫੋਨ ਦਾ ਡਿਜ਼ਾਈਨ ਗੂਗਲ ਪਿਕਸਲ ਦੇ ਪਿਛਲੇ ਪਾਸੇ ਵਾਲੇ ਹਰੀਜੱਟਲ ਕੈਮਰਾ ਮੋਡੀਊਲ ਵਰਗਾ ਹੈ। ਇਸ 'ਚ ਦੋ ਵੱਡੇ ਕੈਮਰਾ ਸੈਂਸਰਾਂ ਦੇ ਨਾਲ ਇਕ ਰਿੰਗ ਲਾਈਟ ਹੈ। ਸਾਹਮਣੇ ਵਾਲੇ ਪਾਸੇ ਇਕ ਕਰਵਡ ਡਿਸਪਲੇਅ ਪੈਨਲ ਦਿੱਤਾ ਗਿਆ ਹੈ। ਇਸ ਵਿੱਚ ਸੈਂਟਰ-ਅਲਾਈਨਡ ਪੰਚ-ਹੋਲ ਡਿਜ਼ਾਈਨ ਹੋਵੇਗਾ।

iQOO Z11 ਦੇ ਫੀਚਰਜ਼ ਦੀ ਗੱਲ ਕਰੀਏ ਤਾਂ ਇਸ 'ਚ 6.83-ਇੰਚ 1.5K OLED ਕਰਵਡ ਡਿਸਪਲੇਅ ਹੋਣ ਦੀ ਉਮੀਦ ਹੈ। ਫੋਨ ਦੀ ਡਿਸਪਲੇਅ 144Hz ਰਿਫਰੈਸ਼ ਰੇਟ ਦਾ ਸਮਰਥਨ ਕਰ ਸਕਦੀ ਹੈ। ਇਹ ਮੀਡੀਆਟੈੱਕ ਡਾਇਮੈਂਸਿਟੀ 7500 ਪ੍ਰੋਸੈਸਰ ਦੁਆਰਾ ਸੰਚਾਲਿਤ ਹੋਣ ਦੀ ਸੰਭਾਵਨਾ ਹੈ। ਫੋਨ ਵਿੱਚ ਇਨ-ਡਿਸਪਲੇ ਫਿੰਗਰਪ੍ਰਿੰਟ ਸੈਂਸਰ ਵੀ ਹੋ ਸਕਦਾ ਹੈ। ਇਸ ਸਮਾਰਟਫੋਨ ਨੂੰ ਇਕ ਸ਼ਕਤੀਸ਼ਾਲੀ 7000mAh ਬੈਟਰੀ ਅਤੇ 90W ਵਾਇਰਡ ਫਾਸਟ ਚਾਰਜਿੰਗ ਨਾਲ ਲਾਂਚ ਕੀਤਾ ਜਾ ਸਕਦਾ ਹੈ। ਇਸ 'ਚ 50MP ਮੁੱਖ OIS ਕੈਮਰਾ ਹੋ ਸਕਦਾ ਹੈ। ਇਹ 32MP ਸੈਲਫੀ ਕੈਮਰੇ ਦੇ ਨਾਲ ਆਵੇਗਾ। ਇਹ ਫ਼ੋਨ IP68 ਅਤੇ IP69 ਰੇਟਿੰਗ ਵਾਲਾ ਹੋਵੇਗਾ। ਇਹ ਇਸ ਨੂੰ ਪਾਣੀ ਅਤੇ ਧੂੜ ਪ੍ਰਤੀ ਰੋਧਕ ਬਣਾਉਂਦਾ ਹੈ। ਇਸਦੀ ਕੀਮਤ ₹35,000 ਤੋਂ ਸ਼ੁਰੂ ਹੋ ਸਕਦੀ ਹੈ। ਇਹ ਐਂਡਰਾਇਡ 6 'ਤੇ ਆਧਾਰਿਤ OriginOS 16 ਦੇ ਨਾਲ ਆ ਸਕਦਾ ਹੈ।