Oppo ਦਾ ਨਵਾਂ 5G ਫੋਨ ਜਲਦ ਹੋਵੇਗਾ ਲਾਂਚ ! ਜਾਣੋ ਫੀਚਰਜ਼

ਗੈਜੇਟ ਡੈਸਕ - ਇਨ੍ਹੀਂ ਦਿਨੀਂ ਸਮਾਰਟਫੋਨ ਇੰਡਸਟਰੀ 'ਚ ਵੱਡੀਆਂ ਬੈਟਰੀਆਂ ਵਾਲੇ ਫੋਨ ਟ੍ਰੈਂਡ ਕਰ ਰਹੇ ਹਨ। ਕੰਪਨੀਆਂ 'ਚ ਵੱਧ ਸਮਰੱਥਾ ਵਾਲੇ ਸਮਾਰਟਫੋਨ ਲਾਂਚ ਕਰਨ ਲਈ ਮੁਕਾਬਲਾ ਚੱਲ ਰਿਹਾ ਹੈ। Oppo ਕਥਿਤ ਤੌਰ 'ਤੇ 12,000 mAh ਬੈਟਰੀ ਵਾਲਾ ਫ਼ੋਨ ਲਾਂਚ ਕਰਨ ਦੀ ਤਿਆਰੀ ਕਰ ਰਿਹਾ ਹੈ। ਕੰਪਨੀ ਦੇ ਆਉਣ ਵਾਲੇ ਸਮਾਰਟਫੋਨ ਦੀਆਂ ਅਧਿਕਾਰਤ ਫੋਟੋਆਂ ਸਾਹਮਣੇ ਆਈਆਂ ਹਨ।

 ਇਹ ਓਪੋ ਫੋਨ ਚੀਨ 'ਚ MIIT ਨੈੱਟਵਰਕ ਐਕਸੈਸ ਲਾਇਸੈਂਸ ਪਲੇਟਫਾਰਮ 'ਤੇ PNC110 ਨਾਮ ਹੇਠ ਸੂਚੀਬੱਧ ਹੈ। ਇਹ ਲਿਸਟ ਓਪੋ ਦੇ ਆਉਣ ਵਾਲੇ ਪਰਪਲ 5G ਮਾਡਲ ਦੀ ਪਹਿਲੀ ਝਲਕ ਦਿਖਾਉਂਦੀ ਹੈ। ਇਹ ਸੂਚੀ ਓਪੋ ਦੇ ਆਉਣ ਵਾਲੇ ਪਰਪਲ 5G ਮਾਡਲ ਦੀ ਪਹਿਲੀ ਝਲਕ ਦਿਖਾਉਂਦੀ ਹੈ। ਫਿਲਹਾਲ, ਓਪੋ ਨੇ ਆਪਣੇ ਨਾਮ, ਕੀਮਤ ਜਾਂ ਲਾਂਚ ਮਿਤੀ ਸੰਬੰਧੀ ਕੋਈ ਜਾਣਕਾਰੀ ਨਹੀਂ ਦਿੱਤੀ ਹੈ।

Gizmochina ਨੇ AndroidTreasure ਦਾ ਹਵਾਲਾ ਦਿੰਦੇ ਹੋਏ, ਆਉਣ ਵਾਲੇ Oppo PNC110 ਦੀਆਂ ਚਾਰ ਨਵੀਆਂ ਫੋਟੋਆਂ ਪ੍ਰਕਾਸ਼ਿਤ ਕੀਤੀਆਂ ਹਨ, ਜੋ ਕਿ CMIIT ਡੇਟਾਬੇਸ ਤੋਂ ਵੇਖੀਆਂ ਗਈਆਂ ਹਨ। PNC110 ਦਾ ਪਿਛਲਾ ਪੈਨਲ ਜਾਮਨੀ ਰੰਗ ਦਾ ਹੈ, ਜਿਸ 'ਚ ਦੋ ਲੈਂਸਾਂ ਵਾਲਾ ਗੋਲੀ ਦੇ ਆਕਾਰ ਦਾ ਕੈਮਰਾ ਟਾਪੂ ਹੈ। ਇਸ ਕੈਮਰਾ ਮੋਡੀਊਲ 'ਚ ਫਲੈਸ਼ ਦੇ ਨਾਲ AI CAMERA SYSTEM ਪ੍ਰਿੰਟ ਕੀਤਾ ਗਿਆ ਹੈ। ਓਪੋ ਦਾ ਲੋਗੋ ਵੀ ਪਿਛਲੇ ਪੈਨਲ 'ਤੇ ਦਿਖਾਈ ਦੇ ਰਿਹਾ ਹੈ।

ਓਪੋ ਫੋਨ ਦੇ ਖੱਬੇ ਪਾਸੇ ਵਾਲੀਅਮ ਅਤੇ ਪਾਵਰ ਬਟਨ ਹਨ। ਫਰੰਟ ਡਿਜ਼ਾਈਨ ਦੀ ਗੱਲ ਕਰੀਏ ਤਾਂ ਇਸ 'ਚ ਫਲੈਟ ਡਿਸਪਲੇਅ ਹੈ। ਡਿਸਪਲੇਅ 'ਚ ਸੈਲਫੀ ਲਈ ਪੰਚ-ਹੋਲ ਡਿਜ਼ਾਈਨ ਹੈ। ਇਹ ਓਪੋ ਦਾ ਸਭ ਤੋਂ ਵੱਡੀ ਬੈਟਰੀ ਵਾਲਾ ਸਮਾਰਟਫੋਨ ਹੋਵੇਗਾ। ਕੰਪਨੀ ਨੇ ਅਗਸਤ 'ਚ ਚੀਨ 'ਚ 10,000 mAh ਸਮਰੱਥਾ ਵਾਲਾ Oppo A7 Pro Max ਸਮਾਰਟਫੋਨ ਲਾਂਚ ਕੀਤਾ ਸੀ। ਕੰਪਨੀ ਆਉਣ ਵਾਲੇ ਫੋਨ 'ਚ ਹੋਰ ਵੀ ਵੱਡੀ ਬੈਟਰੀ ਦੇਣ ਦੀ ਯੋਜਨਾ ਬਣਾ ਰਹੀ ਹੈ। ਇਸ ਫੋਨ 'ਚ 1,460mAh ਤੋਂ 11,640mAh ਤੱਕ ਦੀ ਬੈਟਰੀ ਹੋ ਸਕਦੀ ਹੈ, ਜਿਸਨੂੰ 12000mAh ਦੇ ਰੂਪ 'ਚ ਮਾਰਕੀਟ ਕੀਤਾ ਜਾ ਸਕਦਾ ਹੈ।

ਰਿਪੋਰਟਾਂ ਦੱਸਦੀਆਂ ਹਨ ਕਿ PNC110 ਓਪੋ ਦਾ ਕਿਫਾਇਤੀ A-ਸੀਰੀਜ਼ ਸਮਾਰਟਫੋਨ ਹੋ ਸਕਦਾ ਹੈ। ਇਹ ਫੋਨ A7 ਸੀਰੀਜ਼ ਦੇ ਤਹਿਤ ਬਾਜ਼ਾਰ 'ਚ ਵਿਕਰੀ ਲਈ ਉਪਲਬਧ ਹੋ ਸਕਦਾ ਹੈ। ਕੰਪਨੀ ਨੇ ਇਸ ਸਮੇਂ ਕੋਈ ਸੰਕੇਤ ਨਹੀਂ ਦਿੱਤੇ ਹਨ। ਇਸ ਲਈ, ਫਿਲਹਾਲ ਕੁਝ ਨਹੀਂ ਕਿਹਾ ਜਾ ਸਕਦਾ। ਇਹ ਫੋਨ 5G ਅਤੇ ਡਿਊਲ ਸਿਮ ਸਪੋਰਟ ਦੇ ਨਾਲ ਆ ਸਕਦਾ ਹੈ। ਓਪੋ ਨੇ ਚਿੱਪਸੈੱਟ, ਡਿਸਪਲੇਅ ਅਤੇ ਚਾਰਜਿੰਗ ਸਪੀਡ ਬਾਰੇ ਵੀ ਕੋਈ ਜਾਣਕਾਰੀ ਨਹੀਂ ਦਿੱਤੀ ਹੈ।