ਮਨੋਰੰਜਨ ਪ੍ਰੇਮੀਆਂ ਨੂੰ ਵੱਡਾ ਝਟਕਾ! 2 ਜੂਨ ਬੰਦ ਹੋ ਜਾਵੇਗਾ Netflix

ਗੈਜੇਟ ਡੈਸਕ - ਜੇਕਰ ਤੁਸੀਂ ਅਜੇ ਵੀ ਆਪਣੀ ਪੁਰਾਣੀ ਐਮਾਜ਼ਾਨ ਫਾਇਰ ਟੀਵੀ ਸਟਿੱਕ ਨੂੰ ਸਿਰਫ਼ ਬਜਟ ਜਾਂ ਪੁਰਾਣੀਆਂ ਯਾਦਾਂ ਲਈ ਵਰਤ ਰਹੇ ਹੋ, ਤਾਂ ਹੁਣ ਸਮਾਂ ਹੈ ਬਦਲਣ ਦਾ। ਖਾਸ ਕਰਕੇ ਜੇਕਰ ਤੁਸੀਂ ਨੈੱਟਫਲਿਕਸ ਦੇ ਪ੍ਰਸ਼ੰਸਕ ਹੋ। ਨੈੱਟਫਲਿਕਸ 2 ਜੂਨ, 2025 ਤੋਂ ਬਹੁਤ ਸਾਰੇ ਪੁਰਾਣੇ ਫਾਇਰ ਟੀਵੀ ਡਿਵਾਈਸਾਂ 'ਤੇ ਕੰਮ ਕਰਨਾ ਬੰਦ ਕਰ ਦੇਵੇਗਾ। ਇਹ ਕਦਮ ਪੁਰਾਣੇ ਸਟ੍ਰੀਮਿੰਗ ਹਾਰਡਵੇਅਰ ਲਈ ਇਕ ਯੁੱਗ ਦੇ ਅੰਤ ਵਾਂਗ ਹੈ। ਨੈੱਟਫਲਿਕਸ ਨੇ ਉਨ੍ਹਾਂ ਯੂਜ਼ਰਸ ਨੂੰ ਈਮੇਲ ਭੇਜਣਾ ਵੀ ਸ਼ੁਰੂ ਕਰ ਦਿੱਤਾ ਹੈ ਜਿਨ੍ਹਾਂ ਨੇ ਪਿਛਲੇ 12 ਮਹੀਨਿਆਂ ’ਚ ਪੁਰਾਣੇ ਫਾਇਰ ਟੀਵੀ ਡਿਵਾਈਸਾਂ 'ਤੇ ਨੈੱਟਫਲਿਕਸ ਦੀ ਵਰਤੋਂ ਕੀਤੀ ਹੈ।

Netflix ਹੁਣ AV1 ਵਰਗੇ ਹੋਰ ਉੱਨਤ ਵੀਡੀਓ ਫਾਰਮੈਟਾਂ ਵੱਲ ਵਧ ਰਿਹਾ ਹੈ, ਜੋ ਬਿਹਤਰ ਵੀਡੀਓ ਗੁਣਵੱਤਾ ਪ੍ਰਦਾਨ ਕਰਦਾ ਹੈ ਅਤੇ ਘੱਟ ਡੇਟਾ ਦੀ ਵਰਤੋਂ ਕਰਦਾ ਹੈ ਪਰ ਪਹਿਲੀ ਪੀੜ੍ਹੀ ਦੇ ਫਾਇਰ ਟੀਵੀ ਡਿਵਾਈਸ AV1 ਦਾ ਸਮਰਥਨ ਨਹੀਂ ਕਰਦੇ, ਜੋ Netflix ਨੂੰ ਉਨ੍ਹਾਂ 'ਤੇ ਇਕ ਅਨੁਕੂਲ ਅਨੁਭਵ ਪ੍ਰਦਾਨ ਕਰਨ ਤੋਂ ਰੋਕਦਾ ਹੈ।

 ਨਹੀਂ ਚੱਲੇਗਾ Netflix ਸਪੋਰਟ

ਐਮਾਜ਼ਾਨ ਫਾਇਰ ਟੀਵੀ (2014), ਫਾਇਰ ਟੀਵੀ ਸਟਿਕ (2014), ਅਲੈਕਸਾ ਵੌਇਸ ਰਿਮੋਟ ਨਾਲ ਫਾਇਰ ਟੀਵੀ ਸਟਿਕ (2016) ਇਹ ਸਾਰੇ ਡਿਵਾਈਸ ਹੁਣ ਤਕਨੀਕੀ ਤੌਰ 'ਤੇ ਪੁਰਾਣੇ ਹੋ ਚੁੱਕੇ ਹਨ ਅਤੇ ਇਨ੍ਹਾਂ ’ਚ ਨਵੀਆਂ ਸਟ੍ਰੀਮਿੰਗ ਫੀਚਰਜ਼ ਦਾ ਸਮਰਥਨ ਕਰਨ ਦੀ ਸਮਰੱਥਾ ਨਹੀਂ ਹੈ। ਐਮਾਜ਼ਾਨ ਨੇ ਕਈ ਸਾਲ ਪਹਿਲਾਂ ਇਨ੍ਹਾਂ ਡਿਵਾਈਸਾਂ ਲਈ ਸਾਫਟਵੇਅਰ ਅਤੇ ਸੁਰੱਖਿਆ ਅਪਡੇਟਸ ਪ੍ਰਦਾਨ ਕਰਨਾ ਵੀ ਬੰਦ ਕਰ ਦਿੱਤਾ ਸੀ।

ਜੇਕਰ ਤੁਹਾਨੂੰ ਨਹੀਂ ਪਤਾ ਕਿ ਤੁਹਾਡੀ ਡਿਵਾਈਸ ਪ੍ਰਭਾਵਿਤ ਹੋਈ ਹੈ ਜਾਂ ਨਹੀਂ, ਤਾਂ ਤੁਸੀਂ ਐਮਾਜ਼ਾਨ ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਜਾ ਕੇ ਆਪਣੀ ਡਿਵਾਈਸ ਦੀ ਜਾਣਕਾਰੀ ਦੀ ਜਾਂਚ ਕਰ ਸਕਦੇ ਹੋ। ਧਿਆਨ ’ਚ ਰੱਖੋ ਕਿ ਇਸ ਫੈਸਲੇ ਨਾਲ ਸਿਰਫ਼ ਸ਼ੁਰੂਆਤੀ ਮਾਡਲ ਹੀ ਪ੍ਰਭਾਵਿਤ ਹੋਣਗੇ। Netflix ਬਾਕੀ ਸਾਰੀਆਂ ਡਿਵਾਈਸਾਂ 'ਤੇ ਚੱਲਦਾ ਰਹੇਗਾ।