ਜਿਓ ਨੇ ਇਕ ਵਾਰ ਫਿਰ ਦਿੱਤਾ ਗਾਹਕਾਂ ਨੂੰ ਝਟਕਾ, ਹੁਣ ਇਸ ਪਲਾਨ ’ਚ ਕੀਤੇ ਬਦਲਾਅ

ਗੈਜੇਟ ਡੈਸਕ– ਰਿਲਾਇੰਸ ਜਿਓ ਨੇ ਪਿਛਲੇ ਹਫਤੇ ਯੀਅਰਲੀ ਪਲਾਨ ਦੀ ਮਿਆਦ ਘਟਾਉਂਦੇ ਹੋਏ 336 ਦਿਨ ਕਰ ਦਿੱਤੀ ਸੀ। ਜਿਓ ਨੇ ਪਿਛਲੇ ਹਫਤੇ ਹੀ ਨਵਾਂ 2,121 ਰੁਪਏ ਵਾਲਾ ਪ੍ਰੀਪੇਡ ਪਲਾਨ ਪੇਸ਼ ਕੀਤਾ ਹੈ। ਇਸ ਪਲਾਨ ਦੀ ਮਿਆਦ 12 ਮਹੀਨਿਆਂ ਦੀ ਹੈ। ਹੁਣ ਰਿਲਾਇੰਸ ਜਿਓ ਨੇ 1,299 ਰੁਪਏ ਵਾਲੇ ਯੀਅਰਲੀ ਪ੍ਰੀਪੇਡ ਪਲਾਨ ਦੀ ਮਿਆਦ ਨੂੰ ਘੱਟ ਕਰਦੇ ਹੋਏ 336 ਦਿਨ ਕਰ ਦਿੱਤਾ ਹੈ। 

ਜਿਓ ਦਾ 1,299 ਰੁਪਏ ਵਾਲਾ ਪਲਾਨ
ਦਸੰਬਰ 2019 ’ਚ ਟੈਰਿਫ ਰੀਵਿਜ਼ਨ ਤੋਂ ਪਹਿਲਾਂ ਰਿਲਾਇੰਸ ਜਿਓ ਨੂੰ ਪ੍ਰੀਪੇਡ ਰੀਚਾਰਜ ਪੋਰਟਫੋਲੀਓ ’ਚ ਦੋ ਐਨੁਅਲ ਪਲਾਨ 2,199 ਰੁਪਏ (ਜੋ ਕੰਪਨੀ ਨੇ ਨਿਊ ਯੀਅਰ ਆਫਰ ਦੌਰਾਨ 2,020 ਰੁਪਏ ’ਚ ਆਫਰ ਕੀਤਾ ਸੀ) ਅਤੇ 1,299 ਰੁਪਏ ਵਾਲਾ ਪਲਾਨ ਸੀ। ਦੋਵਾਂ ਪਲਾਨਸ ਦੀ ਮਿਆਦ 365 ਦਿਨਾਂ ਦੀ ਸੀ। ਹੁਣ ਰਿਲਾਇੰਸ ਜਿਓ ਨੇ ਬੀਤੇ ਦਿਨੀਂ 2,020 ਰੁਪਏ ਜਾਂ ਫਿਰ 2,199 ਰੁਪਏ ਵਾਲੇ ਪਲਾਨ ਨੂੰ ਨਵੇਂ 2,121 ਰੁਪਏ ਵਾਲੇ ਪ੍ਰੀਪੇਡ ਪਲਾਨ ਨਾਲ ਰਿਪਲੇਸ ਕਰ ਦਿੱਤਾ ਹੈ। ਇਸ ਦੇ ਨਾਲ ਹੀ ਰਿਲਾਇੰਸ ਜਿਓ ਨੇ 1,299 ਰੁਪਏ ਵਾਲੇ ਐਨੁਅਲ ਪਲਾਨ ਦੀ ਮਿਆਦ 29 ਦਿਨ ਘੱਟ ਕਰਦੇ ਹੋਏ 336 ਦਿਨ ਕਰ ਦਿੱਤੀ ਹੈ। 

ਰਿਲਾਇੰਸ ਜਿਓ ਨੇ ਭਲੇ 1,299 ਰੁਪਏ ਵਾਲੇ ਪ੍ਰੀਪੇਡ ਪਲਾਨ ਦੀ ਮਿਆਦ ਘੱਟ ਕਰ ਦਿੱਤੀ ਹੈ ਪਰ ਇਸ ਪਲਾਨ ਦੇ ਨਾਲ ਮਿਲਣ ਵਾਲੇ ਫਾਇਦੇ ਨੂੰ ਕੰਪਨੀ ਨੇ ਘੱਟ ਨਹੀਂ ਕੀਤਾ। ਇਸ ਪਲਾਨ ’ਚ 24 ਜੀ.ਬੀ. ਦਾ 4ਜੀ ਡਾਟਾ ਦੇ ਨਾਲ-ਨਾਲ ਜਿਓ ਤੋਂ ਜਿਓ ਅਨਲਿਮਟਿਡ ਵਾਇਸ ਕਾਲਿੰਗ ਮਿਲਦੀ ਹੈ। ਇਸ ਦੇ ਨਾਲ ਹੀ ਰਿਲਾਇੰਸ ਜਿਓ ਇਸ ਪਲਾਨ ਦੇ ਨਾਲ ਜਿਓ ਤੋਂ ਦੂਜੇ ਨੈੱਟਵਰਕ ’ਤੇ ਕਾਲਿੰਗ ਲਈ 12,000 ਮਿੰਟ ਵੀ ਆਫਰ ਕਰ ਰਹੀ ਹੈ। ਉਥੇ ਹੀ 3600 SMS ਮਿਲਦੀ ਹੈ। 

ਇਸ ਪਲਾਨ ਦੀ ਮਿਆਦ 336 (28 ਦਿਨ x 12 ਮਹੀਨੇ) ਦਿਨਾਂ ਦੀ ਹੈ। ਅਜਿਹੇ ’ਚ ਪਲਾਨ ਦੇ ਫਾਇਦਿਆਂ ਦੀ ਗੱਲ ਕਰੀਏ ਤਾਂ ਗਾਹਕਾਂ ਨੂੰ ਹਰ 28 ਦਿਨਾਂ ਲਈ 2 ਜੀ.ਬੀ. ਡਾਟਾ ਮਿਲਦਾ ਹੈ। ਇਸ ਦੇ ਨਾਲ ਹੀ ਕਾਲਿੰਗ ਲਈ ਵੀ ਹਰ 28 ਦਿਨਾਂ ਲਈ 1000 ਮਿੰਟ ਮਿਲਦੇ ਹਨ। ਇਸੇ ਤਰ੍ਹਾਂ ਹਰ ਮਹੀਨੇ 300 ਮੈਸੇਜ ਮਿਲਦੇ ਹਨ। ਉਥੇ ਹੀ ਗੱਲ ਕਰੀਏ ਤਾਂ 2,121 ਰੁਪਏ ਵਾਲੇ ਪ੍ਰੀਪੇਡ ਪਲਾਨ ਦੀ ਤਾਂ ਇਸ ਪਲਾਨ ’ਚ ਗਾਹਕਾਂ ਨੂੰ ਡੇਲੀ 1.5 ਜੀ.ਬੀ. ਡਾਟਾ ਮਿਲਦਾ ਹੈ।