iPhone 17 Pro ਦੀਆਂ ਡਿੱਗੀਆਂ ਕੀਮਤਾਂ ! ਮਿਲ ਰਿਹਾ 65,000 ਦਾ Discount

ਗੈਜੇਟ ਡੈਸਕ - ਐਪਲ ਦੀ ਲੇਟੈਸਟ ਆਈਫੋਨ ਸੀਰੀਜ਼, ਆਈਫੋਨ 18 ਪ੍ਰੋ ਅਤੇ ਆਈਫੋਨ 18 ਪ੍ਰੋ ਮੈਕਸ ਦੇ ਲਾਂਚ ਤੋਂ ਬਾਅਦ, ਕੀਮਤਾਂ 'ਚ ਵਾਧਾ ਚਰਚਾ ਦਾ ਵਿਸ਼ਾ ਹੈ। ਸੋਸ਼ਲ ਮੀਡੀਆ 'ਤੇ ਆਈਫੋਨ 18 ਪ੍ਰੋ ਸੀਰੀਜ਼ ਦੀ ਕੀਮਤ ਨੂੰ ਲੈ ਕੇ ਪ੍ਰਸ਼ੰਸਕ ਨਿਰਾਸ਼ਾ ਪ੍ਰਗਟ ਕਰ ਰਹੇ ਹਨ। ਅਜਿਹੀ ਸਥਿਤੀ 'ਚ, ਬਜਟ 'ਚ ਆਈਫੋਨ ਪ੍ਰੋ ਮਾਡਲ ਖਰੀਦਣ ਦਾ ਅਜੇ ਵੀ ਇਕ ਵਧੀਆ ਮੌਕਾ ਹੈ। ਕ੍ਰੋਮਾ ਨੇ ਆਈਫੋਨ 17 ਪ੍ਰੋ ਲਈ ਇਕ ਵਧੀਆ ਪੇਸ਼ਕਸ਼ ਸ਼ੁਰੂ ਕੀਤੀ ਹੈ, ਜਿਸ 'ਚ  65,000 ਰੁਪਏ ਤੱਕ ਦੀ ਛੋਟ ਦਿੱਤੀ ਜਾ ਰਹੀ ਹੈ।

ਇਹ ਆਈਫੋਨ 17 ਪ੍ਰੋ ਨੂੰ ਵੱਡੀ ਛੋਟ 'ਤੇ ਖਰੀਦਣ ਦਾ ਇਕ ਵਧੀਆ ਮੌਕਾ ਹੈ। ਫੋਨ ਦਾ 256GB ਵੇਰੀਐਂਟ ਭਾਰਤ 'ਚ 1,34,900 ਰੁਪਏ ਦੀ ਸ਼ੁਰੂਆਤੀ ਕੀਮਤ 'ਤੇ ਲਾਂਚ ਕੀਤਾ ਗਿਆ ਸੀ। ਫੋਨ ਦੀ ਸੂਚੀ ਕੀਮਤ 1,30,490 ਰੁਪਏ ਦੱਸੀ ਗਈ ਹੈ। ਇਸਦਾ ਮਤਲਬ ਹੈ ਕਿ MRP ਤੋਂ 4,410 ਦੀ ਛੋਟ ਪਰ ਇਸ ਦੇ ਨਾਲ ਹੀ ਕਈ ਆਫਰ ਹੋਰ ਵੀ ਹਨ। ਤੁਹਾਨੂੰ ਚੋਣਵੇਂ ਬੈਂਕਾਂ ਤੋਂ ਕ੍ਰੈਡਿਟ ਕਾਰਡਾਂ ਦੀ ਵਰਤੋਂ ਕਰਕੇ ਕੀਤੀਆਂ ਖਰੀਦਾਂ 'ਤੇ 4,000 ਰੁਪਏ ਦਾ ਕੈਸ਼ਬੈਕ ਮਿਲੇਗਾ। ਇਕ ਸ਼ਾਨਦਾਰ ਐਕਸਚੇਂਜ ਆਫਰ ਵੀ ਹੈ।

ਜੇਕਰ ਕੋਈ ਗਾਹਕ ਆਪਣੇ ਪੁਰਾਣੇ ਸਮਾਰਟਫੋਨ ਨੂੰ ਐਕਸਚੇਂਜ ਕਰਦਾ ਹੈ, ਤਾਂ ਉਹ ਨਵੇਂ ਫੋਨ 'ਤੇ 44,500 ਰੁਪਏ ਤੱਕ ਦੀ ਛੋਟ ਪ੍ਰਾਪਤ ਕਰ ਸਕਦਾ ਹੈ ਪਰ ਸ਼ਰਤ ਇਹ ਹੈ ਕਿ ਪੁਰਾਣਾ ਫ਼ੋਨ ਚੰਗੀ ਹਾਲਤ ਵਿੱਚ ਹੋਣਾ ਚਾਹੀਦਾ ਹੈ। ਉਦਾਹਰਣ ਵਜੋਂ, ਜੇਕਰ ਤੁਹਾਡੇ ਕੋਲ ਆਈਫੋਨ 15 ਪ੍ਰੋ ਚੰਗੀ ਹਾਲਤ 'ਚ ਹੈ ਅਤੇ ਤੁਸੀਂ ਇਸਨੂੰ ਐਕਸਚੇਂਜ ਕਰਦੇ ਹੋ, ਤਾਂ ਤੁਹਾਨੂੰ 44,500 ਦੀ ਛੋਟ ਮਿਲੇਗੀ। ਇਸ ਤੋਂ ਇਲਾਵਾ, ਤੁਹਾਨੂੰ ₹12,000 ਦਾ ਐਕਸਚੇਂਜ ਬੋਨਸ ਵੀ ਮਿਲੇਗਾ।

ਇਨ੍ਹਾਂ ਸਾਰੀਆਂ ਛੋਟਾਂ ਨੂੰ ਮਿਲਾ ਕੇ, ਫ਼ੋਨ ਨੂੰ 69,990 ਰੁਪਏ ਤੱਕ 'ਚ ਖਰੀਦਿਆ ਜਾ ਸਕਦਾ ਹੈ। ਇਸੇ ਤਰ੍ਹਾਂ, ਇਨ੍ਹਾਂ ਸਾਰੀਆਂ ਪੇਸ਼ਕਸ਼ਾਂ ਤੋਂ ਬਾਅਦ ਆਈਫੋਨ 17 ਪ੍ਰੋ ਮੈਕਸ ਨੂੰ ਵੀ ₹74,990 ਤੱਕ 'ਚ ਖਰੀਦਿਆ ਜਾ ਸਕਦਾ ਹੈ। ਯਾਦ ਰੱਖੋ ਕਿ ਅੰਤਿਮ ਪ੍ਰਭਾਵੀ ਕੀਮਤ ਪੁਰਾਣੇ ਫ਼ੋਨ ਦੇ ਐਕਸਚੇਂਜ ਮੁੱਲ, ਫ਼ੋਨ ਦੀ ਸਥਿਤੀ ਅਤੇ ਲਾਗੂ ਬੈਂਕ ਪੇਸ਼ਕਸ਼ਾਂ 'ਤੇ ਨਿਰਭਰ ਕਰੇਗੀ। 

ਆਈਫੋਨ 17 ਪ੍ਰੋ ਕੰਪਨੀ ਦੇ ਸਭ ਤੋਂ ਸ਼ਕਤੀਸ਼ਾਲੀ ਆਈਫੋਨਾਂ 'ਚੋਂ ਇਕ ਬਣਿਆ ਹੋਇਆ ਹੈ। ਇਹ ਫ਼ੋਨ A19 Pro ਚਿੱਪ ਦੁਆਰਾ ਸੰਚਾਲਿਤ ਹੈ ਅਤੇ ਇਕ ਵੈਪਰ ਕੂਲਿੰਗ ਚੈਂਬਰ ਦੇ ਨਾਲ ਆਉਂਦਾ ਹੈ। ਇਸ ਫ਼ੋਨ 'ਚ ਤਿੰਨ ਕੈਮਰੇ ਹਨ, ਜਿਸ 'ਚ ਇਕ 48MP ਸੈੱਟਅੱਪ ਵੀ ਸ਼ਾਮਲ ਹੈ। ਫੋਨ ਵਿੱਚ 4x ਟੈਲੀਫੋਟੋ ਕੈਮਰਾ ਵੀ ਸ਼ਾਮਲ ਹੈ। ਇਸ ਵਿੱਚ ਸੈਲਫੀ ਅਤੇ ਵੀਡੀਓ ਕਾਲਿੰਗ ਲਈ 18MP ਦਾ ਫਰੰਟ ਕੈਮਰਾ ਹੈ।