ਹੁਣ ਕਾਰ ਸਰਵਿਸ ਲਈ ਸ਼ਹਿਰ ਜਾਣ ਦੀ ਲੋੜ ਨਹੀਂ, ਘਰ 'ਚ ਮਿਲੇਗੀ ਇੰਡੀਅਨ ਆਇਲ ਦੀ ਖ਼ਾਸ ਸਹੂਲਤ

10/22/2020 2:21:00 PM

ਆਟੋ ਡੈਸਕ– ਦੇਸ਼ ਦੀ ਸਭ ਤੋਂ ਵੱਡੀ ਆਇਲ ਰਿਟੇਲਰ ਕੰਪਨੀ ਇੰਡੀਅਨ ਆਇਲ ਨੇ ਹੁਣ ਕਾਰ ਸਰਵਿਸਿੰਗ ਬਾਜ਼ਾਰ ’ਚ ਵੀ ਕਦਮ ਰੱਖ ਦਿੱਤਾ ਹੈ। ਕੰਪਨੀ ਨੇ ਕਾਰ ਸਰਵਿਸਿੰਗ ਲਈ ਕੋਈ ਵਰਕਸ਼ਾਪ ਨਹੀਂ ਖੋਲ੍ਹਿਆ ਸਗੋਂ ਇਹ ਸੇਵਾ ਗਾਹਕਾਂ ਦੇ ਘਰ ਤਕ ਮੁਹੱਈਆ ਕਰਵਾਈ ਜਾ ਰਹੀ ਹੈ। ਕੰਪਨੀ ਨੇ ਮੋਬਾਇਲ ਵੈਨ ਦੁਆਰਾ ਡੋਰ-ਸਟੈੱਪ ਕਾਰ ਸਰਵਿਸਿੰਗ ਸੇਵਾ ਪ੍ਰਦਾਨ ਕਰ ਰਹੀ ਹੈ। ਇਸ ਸੇਵਾ ਨੂੰ ਸਭ ਤੋਂ ਪਹਿਲਾਂ ਦਿੱਲੀ ਐੱਨ.ਸੀ.ਆਰ. ’ਚ ਸ਼ੁਰੂ ਕੀਤਾ ਗਿਆ ਹੈ। 

PunjabKesari

ਦੱਸ ਦੇਈਏ ਕਿ ਇੰਡੀਅਨ ਆਇਲ ਨੇ ਹੋਮ ਮਕੈਨਿਕ ਨਾਲ ਸਾਂਝੇਦਾਰੀ ਕਰਕੇ ਇਸ ਸੇਵਾ ਦੀ ਸ਼ੁਰੂਆਤ ਕੀਤੀ ਹੈ। ਹੋਮ ਮਕੈਨਿਕ ਦੇਸ਼ ਦੇ ਕਈ ਸ਼ਹਿਰਾਂ ’ਚ ਪਹਿਲਾਂ ਹੀ ਡੋਰ-ਸਟੈੱਪ ਕਾਰ ਸਰਵਿਸਿੰਗ ਸੇਵਾ ਮੁਹੱਈਆ ਕਰਵਾ ਰਹੀ ਹੈ। ਕਾਰ ਦੀ ਸਰਵਿਸਿੰਗ ਦੇ ਆਰਡਰ ਜਦੋਂ ਮਿਲਣਗੇ ਤਾਂ ਕੰਪਨੀ ਬੁਕਿੰਗਕਰਤਾ ਦੀ ਲੋਕੇਸ਼ਨ ’ਤੇ ਹੀ ਵੈਨ ’ਚ 3 ਸਰਵਿਸ ਏਜੰਟਾਂ ਨੂੰ ਭੇਜੇਗੀ। 

PunjabKesari

ਇਸ ਡੋਰ ਸਰਵਿਸਿੰਗ ਦਾ ਮੇਨ ਮਕਸਦ ਲੋਕਾਂ ਨੂੰ ਕਾਰ ਵਰਕਸ਼ਾਪ ’ਚ ਲੱਗੀ ਲੰਬੀ ਭੀੜ ਤੋਂ ਰਾਹਤ ਦੇਣਾ ਹੈ। ਡੋਰ-ਸਟੈੱਪ ਸਰਵਿਸ ਰਾਹੀਂ ਸਿਰਫ 2 ਘੰਟਿਆਂ ਦੇ ਅੰਦਰ ਹੀ ਕਾਰ ਦੀ ਸਰਵਿਸ ਹੋ ਜਾਵੇਗੀ ਜਿਸ ਨਾਲ ਗਾਹਕ ਦਾ ਕਾਫੀ ਸਮਾਂ ਵੀ ਬਚੇਗਾ। 

PunjabKesari

ਇਸ ਸਰਵਿਸਿੰਗ ’ਚ ਕਾਰ ਨੂੰ ਸਾਫ ਕਰਨ ਲਈ ਡ੍ਰਾਈ ਵਾਸ਼ ਜਾਂ ਫੋਮ ਦਾ ਇਸਤੇਮਾਲ ਹੁੰਦਾ ਹੈ। ਨਾਲ ਹੀ ਕਾਰ ਨੂੰ ਪੂਰੀ ਤਰ੍ਹਾਂ ਸੈਨੀਟਾਈਜ਼ ਵੀ ਕੀਤਾ ਜਾਂਦਾ ਹੈ। ਇੰਡੀਅਨ ਆਇਲ ਹੋਮ ਮਕੈਨਿਕ ਦੀ ਮਦਦ ਨਾਲ ਆਪਣੇ ਕਈ ਉਤਪਾਦਾਂ ਲਈ ਗਾਹਕ ਬੇਸ ਬਣਾ ਰਹੀ ਹੈ। ਕੰਪਨੀ ਇਸ ਸੇਵਾ ਦਾ ਲਾਭ ਲੈਣ ਵਾਲੇ ਲੋਕਾਂ ਨੂੰ ਸਰਵੋ ਦੇ ਉਤਪਾਦ ਜਿਵੇਂ ਕਿ ਇੰਜਣ ਆਇਲ ਅਤੇ ਲੁਬ੍ਰੀਕੈਂਟ ਇਸਤੇਮਾਲ ਕਰਨ ਦੀ ਸਲਾਹ ਵੀ ਦਿੰਦੀ ਹੈ। 

PunjabKesari

ਜਾਣਕਾਰੀ ਲਈ ਦੱਸ ਦੇਈਏ ਕਿ ਇੰਡੀਅਨ ਆਇਲ ਦੇ ਦੇਸ਼ ਭਰ ’ਚ 30,000 ਤੋਂ ਜ਼ਿਆਦਾ ਪੈਟਰੋਲ ਪੰਪ ਹਨ। ਜਿਥੇ ਸਿਰਫ ਪੈਟਰੋਲ ਅਤੇ ਡੀਜ਼ਲ ਹੀ ਨਹੀਂ ਸਗੋਂ ਇੰਜਣ ਆਇਲ ਅਤੇ ਲੁਬ੍ਰੀਕੈਂਟ ਵੀ ਵੇਚੇ ਜਾਂਦੇ ਹਨ। 


Rakesh

Content Editor

Related News