Google Chrome ਯੂਜ਼ਰਸ ਲਈ ਸਰਕਾਰ ਦੀ ਵੱਡੀ ਚਿਤਾਵਨੀ! ਖਤਰੇ ਤੋਂ ਬਚਣ ਲਈ ਤੁਰੰਤ ਕਰੋ ਇਹ ਕੰਮ

ਗੈਜੇਟ ਡੈਸਕ : ਭਾਰਤੀ ਕੰਪਿਊਟਰ ਐਮਰਜੈਂਸੀ ਰਿਸਪਾਂਸ ਟੀਮ (CERT-In) ਨੇ ਡੈਸਕਟਾਪ ਗੂਗਲ ਕਰੋਮ ਯੂਜ਼ਰਸ ਲਈ ਇੱਕ ਗੰਭੀਰ ਸੁਰੱਖਿਆ ਚਿਤਾਵਨੀ ਜਾਰੀ ਕੀਤੀ ਹੈ। ਰਿਪੋਰਟਾਂ ਅਨੁਸਾਰ ਕਰੋਮ ਦੇ ਪੁਰਾਣੇ ਵਰਜ਼ਨਾਂ ਵਿੱਚ ਅਜਿਹੀਆਂ ਖਾਮੀਆਂ ਮਿਲੀਆਂ ਹਨ ਜਿਨ੍ਹਾਂ ਰਾਹੀਂ ਹਮਲਾਵਰ ਤੁਹਾਡੇ ਸਿਸਟਮ ਨੂੰ ਨੁਕਸਾਨ ਪਹੁੰਚਾ ਸਕਦੇ ਹਨ। ਇਹ ਚਿਤਾਵਨੀ ਵਿੰਡੋਜ਼, ਮੈਕਓਐਸ ਤੇ ਲਿਨਕਸ ਦੀ ਵਰਤੋਂ ਕਰਨ ਵਾਲੇ ਯੂਜ਼ਰਸ ਲਈ ਜਾਰੀ ਕੀਤੀ ਗਈ ਹੈ।
ਸੀਈਆਰਟੀ-ਇਨ (CERT-In) ਦੇ ਮੁਤਾਬਕ, ਇਹ ਸੁਰੱਖਿਆ ਖਾਮੀਆਂ ਕਰੋਮ ਦੇ ਵੀ8 (V8), ਟੈਬਸਟ੍ਰਿਪ, ਐਚਟੀਐਮਐਲ ਅਤੇ ਬਲਿੰਕ ਵਰਗੇ ਹਿੱਸਿਆਂ ਵਿੱਚ ਮੌਜੂਦ ਹਨ। ਇਨ੍ਹਾਂ ਦਾ ਫਾਇਦਾ ਉਠਾ ਕੇ ਹਮਲਾਵਰ ਰਿਮੋਟਲੀ ਤੁਹਾਡੇ ਕੰਪਿਊਟਰ 'ਤੇ ਕੋਡ ਚਲਾ ਸਕਦੇ ਹਨ, ਸੰਵੇਦਨਸ਼ੀਲ ਜਾਣਕਾਰੀ, ਪਾਸਵਰਡ ਅਤੇ ਬੈਂਕਿੰਗ ਵੇਰਵੇ ਚੋਰੀ ਕਰ ਸਕਦੇ ਹਨ ਜਾਂ ਸਿਸਟਮ ਦੇ ਕੰਮ ਵਿੱਚ ਰੁਕਾਵਟ ਪਾ ਸਕਦੇ ਹਨ। ਹਮਲਾਵਰ ਯੂਜ਼ਰਸ ਨੂੰ ਕਿਸੇ ਖਾਸ ਤੌਰ 'ਤੇ ਤਿਆਰ ਕੀਤੇ ਗਏ ਲਿੰਕ ਜਾਂ ਵੈੱਬਪੇਜ 'ਤੇ ਕਲਿੱਕ ਕਰਨ ਲਈ ਉਕਸਾ ਕੇ ਇਹ ਹਮਲਾ ਕਰ ਸਕਦੇ ਹਨ।

ਗੂਗਲ ਕਰੋਮ ਨੂੰ ਅਪਡੇਟ ਕਰਨ ਦਾ ਤਰੀਕਾ ਸਰਕਾਰ ਅਤੇ ਗੂਗਲ ਨੇ ਯੂਜ਼ਰਸ ਨੂੰ ਤੁਰੰਤ ਆਪਣੇ ਬ੍ਰਾਊਜ਼ਰ ਅਪਡੇਟ ਕਰਨ ਦੀ ਸਲਾਹ ਦਿੱਤੀ ਹੈ। ਅਪਡੇਟ ਕਰਨ ਲਈ ਪਹਿਲਾਂ ਕੰਪਿਊਟਰ 'ਤੇ ਗੂਗਲ ਕਰੋਮ ਖੋਲ੍ਹੋ। ਉੱਪਰ ਸੱਜੇ ਪਾਸੇ ਦਿੱਤੇ ਤਿੰਨ ਬਿੰਦੂਆਂ (ਮੇਨੂ) 'ਤੇ ਕਲਿੱਕ ਕਰੋ।'ਹੈਲਪ' (Help) ਅਤੇ ਫਿਰ 'ਅਬਾਊਟ ਗੂਗਲ ਕਰੋਮ' ਵਿਕਲਪ ਨੂੰ ਚੁਣੋ। ਬ੍ਰਾਊਜ਼ਰ ਆਪਣੇ ਆਪ ਅਪਡੇਟ ਦੀ ਜਾਂਚ ਕਰੇਗਾ ਅਤੇ ਉਸਨੂੰ ਡਾਊਨਲੋਡ ਕਰੇਗਾ। ਡਾਊਨਲੋਡ ਹੋਣ ਤੋਂ ਬਾਅਦ 'ਰੀ-ਲਾਂਚ' 'ਤੇ ਕਲਿੱਕ ਕਰੋ ਤਾਂ ਜੋ ਨਵਾਂ ਸੁਰੱਖਿਆ ਪੈਚ ਲਾਗੂ ਹੋ ਸਕੇ।

ਕਿਹੜੇ ਵਰਜ਼ਨਾਂ 'ਤੇ ਹੈ ਖਤਰਾ?
-ਵਿੰਡੋਜ਼ ਅਤੇ ਮੈਕਓਐਸ: 151.0.7922.137/.138 ਤੋਂ ਪੁਰਾਣੇ ਕਰੋਮ ਵਰਜ਼ਨ ਪ੍ਰਭਾਵਿਤ ਹਨ।
-ਲਿਨਕਸ: 151.0.7922.137 ਤੋਂ ਪੁਰਾਣੇ ਵਰਜ਼ਨ ਜੋਖਮ ਵਿੱਚ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8