ਸਾਲ ਭਰ ਦੇ ਰੀਚਾਰਜ ਦੀ ਟੈਂਸ਼ਨ ਖ਼ਤਮ! 365 ਦਿਨਾਂ ਦੇ ਸਸਤੇ ਪਲਾਨ ਨੇ ਮਚਾਈ ਤਬਾਹੀ, ਮਿਲਣਗੇ ਬੇਮਿਸਾਲ ਫਾਇਦੇ

ਗੈਜੇਟ ਡੈਸਕ - ਸਰਕਾਰੀ ਟੈਲੀਕਾਮ ਕੰਪਨੀ BSNL ਨੇ ਆਪਣੇ ਕਰੋੜਾਂ ਯੂਜ਼ਰਸ ਲਈ ਇਕ ਬਹੁਤ ਹੀ ਕਿਫਾਇਤੀ ਸਾਲਾਨਾ ਪਲਾਨ ਪੇਸ਼ ਕੀਤਾ ਹੈ। ਇਸ ਪਲਾਨ ਰਾਹੀਂ ਯੂਜ਼ਰਸ ਨੂੰ ਹਰ ਮਹੀਨੇ ਰੀਚਾਰਜ ਕਰਵਾਉਣ ਦੀ ਪ੍ਰੇਸ਼ਾਨੀ ਤੋਂ ਮੁਕਤੀ ਮਿਲੇਗੀ। ਕੰਪਨੀ ਨੇ ਇਸ ਨੂੰ ਖਾਸ ਤੌਰ 'ਤੇ ਉਨ੍ਹਾਂ ਯੂਜ਼ਰਸ ਲਈ ਲਾਂਚ ਕੀਤਾ ਹੈ ਜੋ ਵਾਰ-ਵਾਰ ਰੀਚਾਰਜ ਨਹੀਂ ਕਰਵਾਉਣਾ ਚਾਹੁੰਦੇ।

2,799 ਰੁਪਏ ਵਾਲੇ ਪਲਾਨ ਦੇ ਬੈਨੀਫਿਟਸ
BSNL ਦਾ ਇਹ ਪ੍ਰੀਪੇਡ ਪਲਾਨ 2,799 ਰੁਪਏ 'ਚ ਆਉਂਦਾ ਹੈ, ਜਿਸ 'ਚ ਯੂਜ਼ਰਸ ਨੂੰ ਪੂਰੇ 365 ਦਿਨਾਂ ਦੀ ਵੈਲੀਡਿਟੀ ਮਿਲਦੀ ਹੈ। ਇਸ ਪਲਾਨ ਦੀਆਂ ਖਾਸ ਵਿਸ਼ੇਸ਼ਤਾਵਾਂ ਹੇਠ ਲਿਖੇ ਅਨੁਸਾਰ ਹਨ :-

ਅਨਲਿਮਟਿਡ ਕਾਲਿੰਗ
- ਪੂਰੇ ਭਾਰਤ 'ਚ ਕਿਸੇ ਵੀ ਨੈੱਟਵਰਕ 'ਤੇ ਅਨਲਿਮਟਿਡ ਕਾਲਿੰਗ ਅਤੇ ਮੁਫ਼ਤ ਨੈਸ਼ਨਲ ਰੋਮਿੰਗ ਦੀ ਸਹੂਲਤ।

ਭਰਪੂਰ ਡੇਟਾ
- ਯੂਜ਼ਰਸ ਨੂੰ ਰੋਜ਼ਾਨਾ 3GB ਹਾਈ ਸਪੀਡ ਡੇਟਾ ਮਿਲੇਗਾ। ਇਸ ਤਰ੍ਹਾਂ ਪੂਰੇ ਸਾਲ 'ਚ ਕੁੱਲ 1,095GB ਡੇਟਾ ਦਿੱਤਾ ਜਾ ਰਿਹਾ ਹੈ।

SMS
- ਇਸ ਪਲਾਨ 'ਚ ਰੋਜ਼ਾਨਾ 100 ਮੁਫ਼ਤ SMS ਵੀ ਸ਼ਾਮਲ ਹਨ।

ਖਾਸ ਗੱਲ ਇਹ ਹੈ ਕਿ ਨਿੱਜੀ ਟੈਲੀਕਾਮ ਕੰਪਨੀਆਂ ਦੇ ਮੁਕਾਬਲੇ BSNL ਦਾ ਇਹ ਸਾਲਾਨਾ ਪਲਾਨ ਲਗਭਗ 1,200 ਰੁਪਏ ਤੱਕ ਸਸਤਾ ਹੈ।

ਸਿਰਫ਼ 1 ਰੁਪਏ 'ਚ ਮਿਲੇਗੀ 30 ਦਿਨਾਂ ਦੀ ਵੈਲੀਡਿਟੀ
BSNL ਨੇ ਆਪਣੇ ਨਵੇਂ ਗਾਹਕਾਂ ਨੂੰ ਖਿੱਚਣ ਲਈ ਆਪਣਾ ਮਸ਼ਹੂਰ 'ਫ੍ਰੀਡਮ ਆਫਰ' ਵੀ ਦੁਬਾਰਾ ਸ਼ੁਰੂ ਕਰ ਦਿੱਤਾ ਹੈ। ਇਸ ਆਫਰ ਦੇ ਤਹਿਤ :

• ਨਵੇਂ ਯੂਜ਼ਰਸ ਨੂੰ ਸਿਰਫ਼ 1 ਰੁਪਏ 'ਚ 30 ਦਿਨਾਂ ਦੀ ਵੈਲੀਡਿਟੀ ਮਿਲੇਗੀ।
• ਇਸ 'ਚ ਰੋਜ਼ਾਨਾ 2GB ਹਾਈ ਸਪੀਡ ਡੇਟਾ, ਅਨਲਿਮਟਿਡ ਕਾਲਿੰਗ ਅਤੇ 100 ਮੁਫ਼ਤ SMS ਵਰਗੇ ਫਾਇਦੇ ਮਿਲਣਗੇ।
• ਕੰਪਨੀ ਨੇ ਇਹ ਕਦਮ ਆਪਣੇ ਨੈੱਟਵਰਕ ਦੇ ਅਨੁਭਵ ਨੂੰ ਵਧਾਉਣ ਅਤੇ ਵੱਧ ਤੋਂ ਵੱਧ ਲੋਕਾਂ ਨੂੰ ਆਪਣੇ ਨਾਲ ਜੋੜਨ ਲਈ ਚੁੱਕਿਆ ਹੈ।