ਸਮਾਰਟਫੋਨ ਖਰੀਦਣਾ ਹੋਇਆ ਮਹਿੰਗਾ ! ਹੁਣ ਇਨ੍ਹਾਂ 3 ਕੰਪਨੀਆਂ ਨੇ 7,000 ਰੁਪਏ ਤੱਕ ਵਧਾਏ ਰੇਟ

ਟੈਕ ਡੈਸਕ : ਭਾਰਤੀ ਬਾਜ਼ਾਰ 'ਚ ਸਮਾਰਟਫੋਨ ਗਾਹਕਾਂ ਨੂੰ ਇੱਕ ਵੱਡਾ ਝਟਕਾ ਲੱਗਾ ਹੈ। ਵਨਪਲੱਸ (OnePlus) ਵੱਲੋਂ ਕੀਮਤਾਂ ਵਧਾਉਣ ਦੇ ਸਿਲਸਿਲੇ ਨੂੰ ਜਾਰੀ ਰੱਖਦਿਆਂ ਹੁਣ ਰੀਅਲਮੀ (Realme), ਪੋਕੋ (Poco) ਅਤੇ ਲਾਵਾ (Lava) ਵਰਗੀਆਂ ਪ੍ਰਮੁੱਖ ਕੰਪਨੀਆਂ ਨੇ ਵੀ ਆਪਣੇ ਕਈ ਮਾਡਲਾਂ ਦੇ ਦਾਮ ਵਧਾ ਦਿੱਤੇ ਹਨ। ਸੂਤਰਾਂ ਅਨੁਸਾਰ ਵੱਖ-ਵੱਖ ਮਾਡਲਾਂ ਦੀਆਂ ਕੀਮਤਾਂ ਵਿੱਚ 2,000 ਰੁਪਏ ਤੋਂ ਲੈ ਕੇ 7,000 ਰੁਪਏ ਤੱਕ ਦਾ ਭਾਰੀ ਇਜ਼ਾਫਾ ਕੀਤਾ ਗਿਆ ਹੈ।

ਰੀਅਲਮੀ 16 ਸੀਰੀਜ਼ ਦੇ ਵਧੇ ਭਾਅ
 ਕੰਪਨੀ ਨੇ ਆਪਣੀ ਪ੍ਰਸਿੱਧ ਰੀਅਲਮੀ 16 ਸੀਰੀਜ਼ ਦੀਆਂ ਕੀਮਤਾਂ 'ਚ ਵੱਡਾ ਬਦਲਾਅ ਕੀਤਾ ਹੈ। ਸਭ ਤੋਂ ਵੱਧ ਵਾਧਾ Realme 16 Pro Plus 5G 'ਚ ਦੇਖਣ ਨੂੰ ਮਿਲਿਆ ਹੈ, ਜਿਸਦੀ ਕੀਮਤ 7,000 ਰੁਪਏ ਵਧਾ ਦਿੱਤੀ ਗਈ ਹੈ। 41,999 ਰੁਪਏ 'ਚ ਲਾਂਚ ਹੋਇਆ ਇਹ ਫੋਨ ਹੁਣ ਗਾਹਕਾਂ ਨੂੰ 48,999 ਰੁਪਏ ਵਿੱਚ ਮਿਲੇਗਾ। ਇਸੇ ਤਰ੍ਹਾਂ Realme 16 Pro ਦੀ ਕੀਮਤ 5,000 ਰੁਪਏ ਦੇ ਵਾਧੇ ਨਾਲ 36,999 ਰੁਪਏ ਅਤੇ Realme 16 (8GB/128GB) ਦੀ ਕੀਮਤ 2,000 ਰੁਪਏ ਦੇ ਵਾਧੇ ਨਾਲ 33,999 ਰੁਪਏ ਹੋ ਗਈ ਹੈ।

ਪੋਕੋ ਦੇ ਮਾਡਲ ਵੀ ਹੋਏ ਮਹਿੰਗੇ 
ਪੋਕੋ ਨੇ ਵੀ ਆਪਣੇ ਪ੍ਰੀਮੀਅਮ ਅਤੇ ਬਜਟ ਫੋਨਾਂ ਦੀਆਂ ਕੀਮਤਾਂ ਵਿੱਚ ਵਾਧਾ ਕੀਤਾ ਹੈ। Poco X8 Pro Max (12GB/256GB) ਹੁਣ 2,000 ਰੁਪਏ ਮਹਿੰਗਾ ਹੋ ਕੇ 44,999 ਰੁਪਏ ਦੀ ਕੀਮਤ 'ਤੇ ਉਪਲਬਧ ਹੋਵੇਗਾ। ਇਸ ਦੇ ਨਾਲ ਹੀ ਬਜਟ ਸ਼੍ਰੇਣੀ ਦੇ Poco M8 5G ਦੀ ਕੀਮਤ ਵੀ 2,000 ਰੁਪਏ ਵਧਾ ਦਿੱਤੀ ਗਈ ਹੈ, ਜਿਸ ਤੋਂ ਬਾਅਦ ਹੁਣ ਇਹ 20,999 ਰੁਪਏ 'ਚ ਮਿਲੇਗਾ।

ਲਾਵਾ ਅਗਨੀ 4 ਦੀ ਕੀਮਤ 'ਚ ਉਛਾਲ
 ਭਾਰਤੀ ਸਮਾਰਟਫੋਨ ਨਿਰਮਾਤਾ ਕੰਪਨੀ ਲਾਵਾ ਨੇ ਵੀ ਆਪਣੇ ਮਿਡ-ਰੇਂਜ ਫੋਨ Lava Agni 4 ਦੀ ਕੀਮਤ ਵਿੱਚ 5,000 ਰੁਪਏ ਦਾ ਵਾਧਾ ਕੀਤਾ ਹੈ। 24,999 ਰੁਪਏ ਵਿੱਚ ਲਾਂਚ ਹੋਇਆ ਇਹ ਸਮਾਰਟਫੋਨ ਹੁਣ ਖਰੀਦਣ ਲਈ ਗਾਹਕਾਂ ਨੂੰ 29,999 ਰੁਪਏ ਖਰਚਣੇ ਪੈਣਗੇ।
 ਸਮਾਰਟਫੋਨਾਂ ਦੀਆਂ ਕੀਮਤਾਂ ਵਿੱਚ ਇਹ ਲਗਾਤਾਰ ਹੋ ਰਿਹਾ ਵਾਧਾ ਨਵੇਂ ਫੋਨ ਖਰੀਦਣ ਦੀ ਯੋਜਨਾ ਬਣਾ ਰਹੇ ਲੋਕਾਂ ਲਈ ਚਿੰਤਾ ਦਾ ਵਿਸ਼ਾ ਬਣਿਆ ਹੋਇਆ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e