ਹੁਣ ਡਰੋਨਾਂ ਰਾਹੀਂ ਹੋਵੇਗੀ Gadgets ਦੀ ਡਿਲੀਵਰੀ! Amazon ਲਿਆਇਆ ਨਵੀਂ ਅਪਡੇਟ

ਗੈਜੇਟ ਡੈਸਕ - ਮਸ਼ਹੂਰ ਈ-ਕਾਮਰਸ ਕੰਪਨੀ ਐਮਾਜ਼ਾਨ ਦੇ ਲੱਖਾਂ-ਕਰੋੜਾਂ ਗਾਹਕ ਹਨ ਤੇ ਉਨ੍ਹਾਂ ਗਾਹਕਾਂ ਦੀ ਸਹੂਲਤ ਲਈ, ਐਮਾਜ਼ਾਨ ਕਈ ਤਰ੍ਹਾਂ ਦੀਆਂ ਪੇਸ਼ਕਸ਼ਾਂ ਲਿਆਉਂਦਾ ਰਹਿੰਦਾ ਹੈ। ਤੁਹਾਨੂੰ ਦੱਸ ਦਈਏ ਕਿ ਕੰਪਨੀ ਨੇ ਗਾਹਕਾਂ ਦੀ ਖਰੀਦਦਾਰੀ ਲਈ ਇਕ ਵਧੀਆ ਸੇਵਾ ਸ਼ੁਰੂ ਕੀਤੀ ਹੈ। ਐਮਾਜ਼ਾਨ ਪਹਿਲਾਂ ਨਾਲੋਂ ਵਧੇਰੇ ਸਮਾਰਟ ਅਤੇ ਸ਼ਕਤੀਸ਼ਾਲੀ ਹੋ ਗਿਆ ਹੈ। ਦੇਸ਼ ਦੇ ਕਰੋੜਾਂ ਖਰੀਦਦਾਰਾਂ ਨੂੰ ਇਸ ਦਾ ਸਿੱਧਾ ਲਾਭ ਮਿਲੇਗਾ। ਐਮਾਜ਼ਾਨ ਹੁਣ ਆਪਣੇ ਪ੍ਰਾਈਮ ਏਅਰ ਡਰੋਨ ਰਾਹੀਂ ਸਿਰਫ ਇਕ ਘੰਟੇ ’ਚ ਆਈਫੋਨ ਅਤੇ ਹੋਰ ਡਿਵਾਈਸਾਂ ਡਿਲੀਵਰ ਕਰੇਗਾ।

ਜੇਕਰ ਤੁਸੀਂ ਆਈਫੋਨ ਖਰੀਦਣ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਹੁਣ ਖਰੀਦਦਾਰੀ ਥੋੜ੍ਹੀ ਆਸਾਨ ਹੋਣ ਵਾਲੀ ਹੈ। ਹੁਣ ਤੁਹਾਨੂੰ ਆਈਫੋਨ ਖਰੀਦਣ ਲਈ ਕਿਸੇ ਦੁਕਾਨ 'ਤੇ ਜਾਣ ਦੀ ਜ਼ਰੂਰਤ ਨਹੀਂ ਪਵੇਗੀ ਅਤੇ ਨਾ ਹੀ ਆਨਲਾਈਨ ਬੁਕਿੰਗ ਤੋਂ ਬਾਅਦ ਡਿਲੀਵਰੀ ਲਈ ਕਈ ਦਿਨਾਂ ਤੱਕ ਇੰਤਜ਼ਾਰ ਕਰਨਾ ਪਵੇਗਾ। ਜੇਕਰ ਤੁਸੀਂ ਐਮਾਜ਼ਾਨ ਤੋਂ ਆਈਫੋਨ ਬੁੱਕ ਕਰਦੇ ਹੋ, ਤਾਂ ਤੁਹਾਨੂੰ ਇਸ ਦੀ ਡਿਲੀਵਰੀ ਇਕ ਘੰਟੇ ਦੇ ਅੰਦਰ ਮਿਲ ਜਾਵੇਗੀ। ਆਓ ਅਸੀਂ ਤੁਹਾਨੂੰ ਐਮਾਜ਼ਾਨ ਦੀ ਨਵੀਂ ਸੇਵਾ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਹਾਸਲ ਕਰਦੇ ਹਾਂ।

ਐਮਾਜ਼ਾਨ ਨੇ ਅਮਰੀਕਾ ’ਚ ਪ੍ਰਾਈਮ ਏਅਰ ਡਰੋਨ ਡਿਲੀਵਰੀ ਪ੍ਰੋਗਰਾਮ ’ਚ ਇਕ ਵੱਡਾ ਅਪਡੇਟ ਦਿੱਤਾ ਹੈ। ਕੰਪਨੀ ਨੇ ਕੁਝ ਸ਼ਹਿਰਾਂ ’ਚ ਡਰੋਨ ਰਾਹੀਂ ਡਿਲੀਵਰੀ ਸ਼ੁਰੂ ਕਰ ਦਿੱਤੀ ਹੈ। ਟੈਕਸਾਸ, ਐਰੀਜ਼ੋਨਾ ਵਰਗੇ ਸ਼ਹਿਰਾਂ ’ਚ, ਗਾਹਕਾਂ ਨੂੰ ਡਰੋਨ ਰਾਹੀਂ ਡਿਲੀਵਰੀ ਦੀ ਇਹ ਸਹੂਲਤ ਦਿੱਤੀ ਜਾ ਰਹੀ ਹੈ। ਐਮਾਜ਼ਾਨ ਇਨ੍ਹਾਂ ਸ਼ਹਿਰਾਂ ’ਚ ਡਰੋਨ ਰਾਹੀਂ ਆਈਫੋਨ, ਸੈਮਸੰਗ ਗਲੈਕਸੀ ਦੇ ਪ੍ਰੀਮੀਅਮ ਫੋਨ, ਏਅਰਪੌਡ, ਏਅਰਟੈਗ, ਇੱਥੋਂ ਤੱਕ ਕਿ ਸਮਾਰਟ ਰਿੰਗ ਅਤੇ ਡੋਰਬੈਲ ਸਮੇਤ ਕਈ ਗੈਜੇਟਸ ਡਿਲੀਵਰ ਕਰ ਰਿਹਾ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਐਮਾਜ਼ਾਨ ਸਾਮਾਨ ਡਿਲੀਵਰ ਕਰਨ ਲਈ ਆਪਣੇ MK30 ਡਰੋਨ ਦੀ ਵਰਤੋਂ ਕਰ ਰਿਹਾ ਹੈ। ਇਹ ਡਰੋਨ ਘਰ ਦੇ ਵਿਹੜੇ ਜਾਂ ਕਿਸੇ ਹੋਰ ਖੁੱਲ੍ਹੇ ਖੇਤਰ ਦੀ ਚੋਣ ਕਰਦਾ ਹੈ ਅਤੇ ਜ਼ਮੀਨ ਤੋਂ ਲਗਭਗ 13 ਫੁੱਟ ਉੱਪਰ ਤੋਂ ਪੈਕੇਜ ਸੁੱਟਦਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਪਹਿਲਾਂ ਡਰੋਨ ’ਚ QR ਕੋਡ ਰਾਹੀਂ ਡਿਲੀਵਰੀ ਸਥਾਨ ਨਿਰਧਾਰਤ ਕੀਤਾ ਜਾਂਦਾ ਸੀ, ਪਰ ਹੁਣ ਇਸ ਦਾ ਸਿਸਟਮ ਖੁਦ ਫੈਸਲਾ ਕਰਦਾ ਹੈ ਕਿ ਪੈਕੇਜ ਕਿੱਥੇ ਸੁੱਟਣਾ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਐਮਾਜ਼ਾਨ ਸਿਰਫ਼ ਸਮਾਰਟਫੋਨ ਜਾਂ ਏਅਰਪੌਡ ਵਰਗੇ ਗੈਜੇਟ ਹੀ ਨਹੀਂ ਡਰੋਨ ਰਾਹੀਂ ਡਿਲੀਵਰ ਕਰ ਰਿਹਾ ਹੈ। ਕੰਪਨੀ ਦੀ ਸੂਚੀ ’ਚ 60 ਹਜ਼ਾਰ ਤੋਂ ਵੱਧ ਅਜਿਹੇ ਉਤਪਾਦ ਹਨ ਜੋ ਡਰੋਨ ਰਾਹੀਂ ਆਰਡਰ ਕੀਤੇ ਜਾ ਸਕਦੇ ਹਨ। ਡਰੋਨ ਰਾਹੀਂ ਡਿਲੀਵਰੀ ਉਦੋਂ ਹੀ ਸੰਭਵ ਹੋਵੇਗੀ ਜਦੋਂ ਬੁੱਕ ਕੀਤੇ ਸਾਮਾਨ ਦਾ ਭਾਰ 2 ਕਿਲੋਗ੍ਰਾਮ ਤੋਂ ਘੱਟ ਹੋਵੇ। ਮੌਸਮ ਕਾਰਨ ਡਰੋਨ ਡਿਲੀਵਰੀ ਰੋਕੀ ਜਾ ਸਕਦੀ ਹੈ। ਇਸ ਲਈ, ਐਮਾਜ਼ਾਨ ਨੇ 75 ਮਿੰਟ ਦਾ ਮੌਸਮ ਪੂਰਵ ਅਨੁਮਾਨ ਸਿਸਟਮ ਬਣਾਇਆ ਹੈ। ਇਸ ਨਾਲ, ਕੰਪਨੀ ਅੰਦਾਜ਼ਾ ਲਗਾਉਂਦੀ ਹੈ ਕਿ ਡਿਲੀਵਰੀ ਸੰਭਵ ਹੈ ਜਾਂ ਨਹੀਂ। ਜੇਕਰ ਡਿਲੀਵਰੀ ਨਹੀਂ ਕੀਤੀ ਜਾਂਦੀ ਹੈ, ਤਾਂ ਗਾਹਕ ਨੂੰ ਇਸ ਬਾਰੇ ਸੂਚਿਤ ਕੀਤਾ ਜਾਵੇਗਾ।