ਯੋ-ਯੋ ਹਨੀ ਸਿੰਘ ''ਜੋਰਾਵਰ'' ਦੇ ਪ੍ਰਚਾਰ ਲਈ ਪਹੁੰਚੇ ਪੰਜਾਬ

ਮੋਹਾਲੀ : ਪੰਜਾਬ ਵਿਚ 3 ਦਿਨਾ ਦੌਰੇ ''ਤੇ ਆਏ ਮਸ਼ਹੂਰ ਬਾਲੀਵੁੱਡ ਗਾਇਕ ਅਤੇ ਰੈਪਰ ਯੋ. ਯੋ. ਹਨੀ ਸਿੰਘ ਨੂੰ ਆਰੀਅਨਜ਼ ਗਰੁੱਪ ਆਫ ਕਾਲਜਿਜ਼, ਚੰਡੀਗੜ੍ਹ ਨੇ ਦੌਰੇ ਦੇ ਸਮਾਪਤੀ ਸਮਾਰੋਹ ਵਿਚ ਸਨਮਾਨਿਤ ਕੀਤਾ। ਜ਼ਿਕਰਯੋਗ ਹੈ ਕਿ ਹਨੀ ਸਿੰਘ ਨੇ ਆਪਣੀ ਆਉਣ ਵਾਲੀ ਫਿਲਮ ''ਜ਼ੋਰਾਵਰ'' ਦੀ ਪ੍ਰਮੋਸ਼ਨ ਲਈ ਪੰਜਾਬ ਦੇ ਤਿੰਨ ਸ਼ਹਿਰਾਂ ਜਲੰਧਰ, ਚੰਡੀਗੜ੍ਹ ਅਤੇ ਲੁਧਿਆਣਾ ਦਾ ਦੌਰਾ ਕੀਤਾ।
ਚੰਡੀਗੜ੍ਹ ਵਿਖੇ ਸ਼ੋਅ ਦਾ ਆਯੋਜਨ ਪੀ. ਟੀ. ਸੀ. ਮੋਸ਼ਨ ਪਿਕਚਰਸ ਅਤੇ ਆਰੀਅਨਜ਼ ਗਰੁੱਪ ਆਫ ਕਾਲਜਿਜ਼ ਵੱਲੋਂ ਆਯੋਜਿਤ ਕੀਤਾ ਗਿਆ ਸੀ, ਜਿਸ ਦੌਰਾਨ ਪ੍ਰਸ਼ੰਸਕਾਂ ਨੇ ਹਨੀ ਸਿੰਘ ਦੇ ਗੀਤਾਂ ਦਾ ਆਨੰਦ ਮਾਣਿਆ। ਇਸ ਮੌਕੇ ਹਨੀ ਸਿੰਘ ਨੂੰ ਡਾ. ਅੰਸ਼ੂ ਕਟਾਰੀਆ, ਆਰੀਅਨਜ਼ ਗਰੁੱਪ ਆਫ ਕਾਲਜਿਜ਼ ਦੇ ਚੇਅਰਮੈਨ ਵੱਲੋਂ ਮੋਮੈਂਟੋ ਨਾਲ ਸਨਮਾਨਿਤ ਕੀਤਾ ਗਿਆ। ਸ਼ੋਅ ਵਿਚ ਹਨੀ ਸਿੰਘ ਤੋਂ ਇਲਾਵਾ ਰੋਸ਼ਨ ਪ੍ਰਿੰਸ, ਰਣਜੀਤ ਬਾਵਾ, ਅਲਫਾਜ਼, ਗਗਨ ਕੌਕਰੀ, ਕੌਰ ਬੀ, ਹਰਸਿਮਰਨ, ਪ੍ਰੀਤ ਹਰਪਾਲ, ਸਿੱਪੀ ਗਿੱਲ, ਮਨਕੀਰਤ ਔਲਖ, ਗਗਨ ਸਿੱਧੂ ਆਦਿ ਨੇ ਵੀ ਦਰਸ਼ਕਾਂ ਦਾ ਮਨ ਮੋਹ ਲਿਆ। ਇਸ ਮੌਕੇ ਜ਼ੋਰਾਵਰ ਦੀ ਸਟਾਰਕਾਸਟ  ਦੇ ਨਾਲ-ਨਾਲ ਅਦਾਕਾਰ ਪਵਨ ਮਲਹੋਤਰਾ ਆਦਿ ਵੀ ਹਾਜ਼ਰ ਸਨ।